عاوز أغير كاوتش للانوس ومقاسها الأصلى زى مانتو عارفين 175/ 70 / 13 فهل ممكن أركب مقاس تانى علشان يعلّى العربية شوية بدون تغيير الجنط ، وإذا كان ممكن ذلك فأركب مقاس كام بالضبط مع العلم إنى ممكن أركب المقاس الأكبر فى العجلتين الخلفيتين فقط.
عرض للطباعة
عاوز أغير كاوتش للانوس ومقاسها الأصلى زى مانتو عارفين 175/ 70 / 13 فهل ممكن أركب مقاس تانى علشان يعلّى العربية شوية بدون تغيير الجنط ، وإذا كان ممكن ذلك فأركب مقاس كام بالضبط مع العلم إنى ممكن أركب المقاس الأكبر فى العجلتين الخلفيتين فقط.
اعتقد الكلام ده مش صح ومش هاينفع واستني رائي باقي الاعضاء برده
لما تغير مقاس الامامي فقط اوالخلفي فقط في الحالة دي العجل الاكبر هيتأكل بسرعة اكبر بفعل وزن العربية و الاحتكاك
لو غيرت مقاس العجل كلة هيحصل عندك اختلاف في قرائة العدادا و هبوط واضح في عزم المكنة
احسن حل ليك لتعلية العربية هو رفع العفشة بصدادات و دي رخيصة بس هتحس ان عربيتك شكلها بقي شبة الرالي و بالأضافة ان وزنة العربية في الملفات مش هتكون مضبوطة يعني في تأثير سلبي علي الثبات في الملفات
اي تغيير احنا بنعملة في الجنط بنحاول نوصل لأقرب مقاس للمقاس الأصلي و دة اللي بيخلي العجل ارفع في الجنط الأكبر
رفع العربية عن الارض حيخل بثباتها
تركيب كاوتش اكبر على الاربع عجلات حيخلف قراءة عداد السرعة بالاضافة الى المشكلة الاولى
تركيب كاوتش اكبر على العجلات الخلفية فقط حيخل بتوزيع وزن العربية بالاضافة الى تقليل الثبات
MMamdouh
صحبى عربيتة اتقلبت فى ملف بسبب تغير مقاس الكويتش
اللهم اكفنا شر الحوادث
ركب سوست اوبل فيكترا 95 ورا وحط مساعدين مونرواو kypبس قصر اليايات حلقه ونص وانسى موضوع التعليه ده تماما
وادعيلى
طبعا متعملش كدة
حذارى انك تقص اى حاجة من السوستة انت كدة بتنتحر
انت كدة بتضعف سبيكة السوستة و بتعرضها للكسر فى اى لاحظة
طب مفيش حل تانى لتعلية العربية لانها واطية جدا عندى
طالما العربية واضية بقى اكيد عندك مشكلة فى المساعدين
العربية ليها ارتفاع ثابت عند كل الناس
الحل انك تقيس المسافة مابين نصف قطر الجنط و منتصف تجويف الرفرف
و شوف نفس المقاس على عربية زى عربيتك
طالما العربية واطية عن الطبيعى تبقى دى مشكلة سوست
MMamdouh
أنا متشكر جداً على الإهتمام بالرد... وأعتقد إنى ممكن ألخص الردود كالأتى:
1- تغيير المقاس لمقاس أكبر هيغير فى قراءة العداد ويتسبب فى تأكل الكاوتش
2- توزيع غير مضبوط لوزن العربية وعدم ثبات فى الملفات (لو ركبت كاوتش فى الخلف فقط)
طيب هل هذه المشاكل حتى لو الفرق فى المقاس كان بسيط جداً؟
وإذا كان مافيش فايدة فى التعلية عن طريق الكاوتش...ما هى أفضل الحلول للتعلية عن طريق الصدادات
، بمعنى من أين أشتريها وأنواعها وهل هى أمنة ، خصوصاً إنى أعتقد إن نفس المشاكل السابقة هتكون موجودة ، بمعنى توزيع وزن السيارة وتأكل الكاوتش وعدم الثبات
انت ماقرأتش الى كتبته لك انت المشكله عندك مش ارتفاع العربيه لكن ضعف اليايات ودى مشكلة اللانوس
فيه مقاس 180 70 ار13
مفيش كاوتش بالمقاس دة
MMamdouh
رأيي تغير السوست لو عربيتك قديمة
طيب لو انا ركبن كاوتش مقاس 185\70\13 فى مشكله
يا باشا دى مشكلة سوست وخاصة الخلفية ففى حلين وانا مجرب واحد منهم
1) تغيير السوست الخلفية بسوست اوبل او bmw
2) هات عليات مرسيدس على مساعدين kyp وان شاء الله هتكون زى الفل وهتدعيلى وانا مجرب الحل دا
2) هات عليات مرسيدس على مساعدين kyp وان شاء الله هتكون زى الفل وهتدعيلى وانا مجرب الحل دا[/QUOTE]
انا عملت زي حضرتك
عندى نفس المشكله العربيه واطيه جدا مفيش مطب مش بتحك فيه جبت عليات لانوس عباره عن كاوتشتين وهاركبهم وانا بركب تيل خلفى ان شاء الله وشفت الردود واحتارت المساعدين عندى كويسين جدا والميكانيكى قالى المساعدين ما بتعليش العربيه اسمع كلامكو واغير مساعدين وسوست وعليات مرسيدس كل التكلفه دى ولا اعمل ايه ياريت حد يفيدنى
gلو السوست ضعيف يبقى لازم تتغير
تركيب علايات على نفس السوست مش بيحل المشكلة لانك بتعالج اعراض المشكلة مش السبب فيها
MMamdouh
شكرا لاستاذ محمد ممدوح وربنا يباركله بس اعزرونى موال السوست ده انا اضحك عليا فيه قبل كده فى الاكسنت الخبراء قالولى غير مساعدين لان الاكسنت عندى بتهبد جامد ورا وغيرتهم ومارحش قالولى سوست ولما روحت التوكيل قالولى سوست وغيرتهم وبردو معملوش حاجه تعلية اللانوس ده بايه ومن غير تاثير عالثبات فى ولا مفيش ينفع نعليها ولا ما ينفعش؟
سيدى الفاضل مع احترامى الشديد لكلام سيادتك القيم
امتلك سيارتين لانوس الاولى 99 والثانيه 2002 ولقد قمت بعمل هذا التعديل فيهم واتعامل معهم على اساس انها دبابه وليست سياره دايو وقمت بهذا التعديل فى سيارات لانوس لاصدقاء لى ولله الحمد لم تحدث اى مشاكل على الاطلاق بل انى اتعامل مع سيارتى بثبات عالى جدا على كافة الطرق والسرعات التى قد تصل فى اغلب الاوقات الى 170كم وتتمتع السياره بقدره مذهله على المناوره
معلومه من باب العلم اذا تم القطع بلمبة اللحام سيفقد الصلب قساوته ولذلك انبه دائما للقطع بالصاروخ وهذا عن تجربه شخصيه
كلام منطقى - لكن الفروق مش هاتكون ملحوظة
قراءة عداد السرعة
وانت ماشى على سرعة 100 ك/س سرعتك الحقيقية هاتكون 102 ك/س (ده لو انا فاكر صح)
ثبات العربية
البروفيل الكبير هايقلل من ثبات العربية وده عيب معروف جدا لكن على السرعات العالية ومحاولة عمل أى غرزة لكن على السرعات العادية هايكون احسن من العادى
لعلاج مشكلة البروفيل العالى خلى ضغط الهوا 35 بدل من 32 وده تقريبا هايحل المشكلة بنسبه كبيره - (المعلومة ديه منك يا ممدوح)
انا فكرت فى الموضوع ده من حوالى سنتين - لكن وصلت لحل احسن - انى ابيع اللانوس واخلص منها احسن:w6266d