الان وقبل ان يطلعوا علينا بتعديلات لقانون المرور الجديد .. ماهى اقتراحاتك فيما يجب ان يبقى وما الذى يعّدل ومالذى تريد تغييرة ؟؟؟؟؟؟؟؟؟؟؟؟؟؟؟؟؟:U_thin1[1]::grouphug:
عرض للطباعة
الان وقبل ان يطلعوا علينا بتعديلات لقانون المرور الجديد .. ماهى اقتراحاتك فيما يجب ان يبقى وما الذى يعّدل ومالذى تريد تغييرة ؟؟؟؟؟؟؟؟؟؟؟؟؟؟؟؟؟:U_thin1[1]::grouphug:
اولا يحترموناااا
ثانيا يقللوا سعر المخلفات الرهيب دة
ثالثا الاهتمام بنظافه الطريق وازاله المطبات العشوائيه
تطبيق الدراسات والحلول التى تساهم بشكل كبير فى حل مشكلة الزحام المرورى التى اقترحها المتخصصون فيما سبق ولم يلتفت لها ثم وبأقصى سرعة ممكنة ثم وضع خطة لاصلاح كل الطرق للحد من الحوادث
يسمحوا بالزجاج الملون بدرجات خفيفة فقط علشان الشمس
ألغاء المخالفة الفورية و حد ادنى وحد اعلى والكلام دة عشان معملش جديد الا انة جباية مش اكتر لانة ببساطة بيخيرك ما بين لية تدفع اكتر لما ممكن تدفع اقل
الفامية و الزينون دة عادى طبعا لانها ملكية شخصية ملاكى بس
نفسى ودة حلم طبعا لما نروح المرور نجد رخصة كل اللى علينا نعملة نقدم الرخصة المنتهية والموظف يقل ساعة وتستلم الرخصة من نفس الشباك وندفع من نفس الشباك مش لازم اللف على ميت شباك مرة دمغة مرة ختم والكلام الفارغ دة المكنة متتثبتش فى الرخصة لانها كلها عبارةعن قطعة غيار رقم الشاسية و اللون والمالك و رقم العربية بس
رفع السرعات على بعض الطرق الصالحة لكدة مش ١٠٠ كيلو عيب قوى وكان باين بردو انها جباية
المخالفات اللى بيحصلوها تتدفع لرفع كفاءة الطرق ويشيلو عين القط الذفت دة
نفسى بردو يعملو مادة فى المدارس من اولى اعدادى مثلا عن اداب المرور و الاشارات الخ
موضوع جميل جدا
1- رفع سرعات الطرق داخل و خارج المدينة يعنى الكلام دا كانت اقصى سرعة للعربية 120كم/س دلوقتى اقل عربية سرعتها 180كم/س بالاضافة الى زيادة معدلات الامان فى العربيات - مقترح " حد السرعة 140 كم/س علي الطرق السريعة كحد اقصى للسرعة.
2- المخالفات تستخدم لرفع كفاءة الطرق داخل و خارج المدن .
3- اذدواج كافة الطرق لما لها تاثير علي عدد الحوادث.
4- تعميم تجربة الاشارات المراقبة بالكاميرات علي كافة الاشارات فى مصر لما ثبت من نجاح .
5- استخراج كافة معاملات المرور عن طريق الانترنت - يعنى مش لازم تروح لحد المرور و تتبهدل ويطلع عين ..... عشان خاطر تجدد الرخصة ااو تبيع او تشترى.
6- اثناء الترخيص يتم فحص السيارة كل سنة او 18 شهر كحد اقصى لمدة عشان الهطل اللى بنشوفة فى الشوراع .
7- اطلاق دوريات راكبة و دائمة فى الشوراع لتحقيق المخالفات " مثل فانوس خلفى مكسور , عدم استخدام الاشارات , الانتظار الخاطئ , الخ ....
8-الغاء قصة مندوب الشرطة و الامين فى التعامل مع المواطنين - ضباط وبس لانهم بيفهموا .
1- الالتزام بالحارات المروريه و بالذات للنقل و النقل التقيل و الاوتوبيسات
2- السماح بالزجاج الملون بنسبه حتى لو بسيطه زي باقي العالم
3- بلاش حكايه ماتور من نفس ماركه العربيه
4- يشغلو الاختراع العجيب الي اسمه اشارة مرور زي باقي دول العالم و الالتزام بيها
انا شايف إن أهم حاجه
- تطبيق القانون على الكل حتى لو كان رئيس الجمهوريبة نفسه يعني مش واحد مفين عربية وماشي على 180 ما يتخالفش وواحد البرابريز اتشرخ من طوبة وهو ماشي يخالفه امن ومتانه يبقى يدخله اعادة فحص يبقى أهم نقطة تطبيق القانون على الجميع سواسية دون الإلتفات الى مهنة او وظيفة الشخص المخالف
- وضع تفصيلات في القانون غير مفصلة مثل منع وضع ملصقات ووضع مواصفات للزجاج والسماح بدرجات تعتيم خفيفة
إلغاء الصناديق الخاصة !!!!!!!!!!!
ولمن لا يعرف ما هي الصناديق الخاصة :
هي حساب يوضع فية المبالغ الرهيبة والتي هي أتاوات وجبايات تحصلها وحدات المرور تحت بند مخالفات
بمعنى إن سيادتك تكون قيمة مخالفتك مثلاً 50 جنيه ويطب منك 1750 جنيه وتيجي تتظلم يقال لك دة الحد الأدنى ومافيش تظلم
طيب ياجماعة أحنا عاوزين نوصل صوتنا بس طبعا بدون مظاهرات حد عندة أقتراحات ؟؟
طريقة تحصيل المخالفة لازم تتغير، يعني مثلا هنا في السعودية مفيش حاجة اسمها سحب رخص، ومفيش حاجة اسمها عسكري ياخد نمرتك ويحررلك مخالفة غيابي
لو خالفت، العسكري يوقفك، يديك وصل فيه رقم هويتك، اللي هو نفس رقم رخصة قيادتك. وتتسجل عليك المخالفة
تدفعها بعد كده عن طريق حسابك او الصراف الالي
حتى بعد ما عملوا نظام ساهر اللي عبارة عن كاميرات سرعة وكاميرات مراقبة، لازم يبعتلك sms بالمخالفة عشان لو اتظلمت تقدر تروح تشوف صورة العربية ولقطة فيديو ساعة المخالفة.
لو راكب جنبك واحد ومش رابط الحزام، المخالفة بتتحط على رقم هويته هو مش السواق
طبعا هما ضامنين السداد لأن كل هيئات الدولة مربوطة بالكمبيوتر فأي مصلحة حكومية هتعملها هيقولك روح سدد المخالفات اللي عليك الاول. حتى في المطار متقدرش تخرج من البلد طول ما عليك مخالفات.
محدش يجي يقوللي انت عندك زوايد ادخل فحص ... شغل غباوه
طبعا يلغو شنطة حمزة قصدى الاسعفات وبدلها وبدل فلوس المخالفات بردو يكترو من عربيات الاسعاف مش شنطة فيها شاش وقطن ومقص دة مش هبل دة كان قمة الاستهبال
دة بخلاف حجات كتير فعلا لازم تتغير
اما بخصوص اداب المرور كلها لكل سائق ملاكى نقل اجرة الخ
دى اولا و اخيرا سلوكيات تتغير عن طريق اعلانات -- اشمعنا يعنى عملو اعلان القطر اللى هيفوتنا واهو دهسهم بعد مطرش فى قطر تانى ودة كان اعن تانى
يفط تحزيرية موجودة اة بس المرة دى تبقى بالعامية لانها هتخاطب كل السواقين اصحاب المهنة
طريقة رجل المرور لما يكون فية مخالفة مش لازم يحرر المخالفة ووصل وشكرا لا ممكن يشرح ويخاطب السائق ب ابتسامة عن خطر المخالفة ويقولو فى الاخر انا هحررلك مخالفة اقل كا تنبية ليك --- اكيد مش هيعملها تانى الا لو معندوش ضمير و فى حالة انة عملها تانى تتسحب الرخصة لمدة ٦ شهور ودة فى حد ذاتة عقاب راضع للمخالف لانة هيواجة عقوبة السجن و الغرامة فى حالة القيادة من غير رخصة --- هيعرفو ازاى انة كرر المخالفة طبعا دة النظام اللى كلنا بنحلم بية
نفسي بس يركبوا اشارات الكترونيه محترمه ويمشوا العساكر وامناء الشرطه ولاد الناس الطيبه دول
نفسي الغلطان يتحاسب والمحترم ما يبقاش ماشي خايف
نفسي اروح المرور وارجع مخلص حاجتى فى نفس اليوم من غير ما يتخرب بيتي
نفسي لو شافوا عربيتي بتطلع هباب او فيها فانوس مكسور اخد مخالفه علشان اهتم بعربيتي وطبعا اللى جنبي لو وكيل نيابه برده ياخد مخالفه.
الواحد طلع نفسه فى حاجات كتيره، يا ترى هانشوفها فى الواقع ولا كلها احلام
السن الرسمي للقياده16 سنه<<علشان مصلحتي انشاله بشرط وجود ضامن يعني والدي اي حاجه علشان مش في كل كمين انزل اتسحب زي الفار ولا اكلبش فرامل وانط ورا ولا ولا ولا وماله الزنون منموع ليه يسمحوا بتركيبه ولو علي عدسات في طرق مبيقاش فيها صريخه ابن يومان يسمحوا بتفيم الزجاج الخلفي الجانبي ايه مثلا انا معايا ولادي وفلنفترض بنات ومش عايزهم يتشافو يبقي ممنوع ليه وتفيم البربريز الوراني درجه خفيفه مضرش نفسي مرة القي الناس بتفهم مش القي مثلا انا ماشي في الحارة الشمال 140 والقي واحد ابن حلال ماشي80 من غير اشارة نفسي المرور يمنع ترخيص اي عربيه بدون جهاز الabs والايربجز خاصه بتاعه القواءم ولسه هكمل كمان شويه