الموضوع: هيونداي اكسيل واكسنت

انا معايا هيونداي اكسيل 1995 حلوة بس هى محتاجة سمكرة ودوكو وعفشة ولذلك بفكر ان اغير واجيب اكسنت وامامى اكسنت 1500 - 2003 بحالتها - وامامى اكسنت 2006 - 1300 سى سى . ومحتار اعمل اية وطبعا الاكسيل بقالها 14 سنة يعنى حتبدأ في البهدلة . والا رايكم اية ؟؟؟؟

وحياه ربنا الاكسيل مفيش منها حاله نظيفه الا نادر جدااا وكان عندنا واحده زمان خليجى وبعناها عمله 120 الف كيلو ومفيش منها عداد قليل اقل واجب 100 الف ورشه بره وقطع الغيار نفس الاسعار ونركب موديل حديث والا حاجه بقالها فوق ال 10 سنين وابعاد الاكسنت وسواقتها اريح وسحب الاكسنت فاجر افضل وعن تجربه اكسيل 1500 واكسنت 1300 سحب الاكسنت افضل وسواقتها اريح ومفيش فرق فى اسعار قطع الغيار والاكسنت فى منها حالات نظيفه وعداد قليل ولحد موديل 2006 والاكسيل اخرها 98 وثبات الاكسنت وحياه ربنا احسن من الاكسيل وعن تجارب كتيره وسواقه الاتنين كتيييير اوووى ةشكل الاكسينت احسن ودى اذواق بس الاكسنت شكلها احسن وفى الاخر الاكسنت مش من باقيه علتى بس الكلام ده عن تجارب كتير والله لان علتننا عائله هيوانداويه عندنا جميع انواع الهيوانداى والموديلات كلها واى سوال فى اى عربيه هيوانداى انا تحت امركم

بصي يا لبني
كلام الباشمهندس كريم لخص كل شئ
اضيف كلمه واحده
الاكسيل
احسن من الاكسنت و الفيرنا و النيو اكسنت كمان ايه ريك بقي

انا رأيي ولا اكسنت ولا اكسيل ليه بقي الاسباب اهي:
1-الاكسنت عن تجربة منعدمة الثبات العربية دي متعرفش حاجة عن معني كلمة الثبات و كلام بقوله عن ثقة وتجربة العربية خفيفة جدااااااااااااا و منعدمة الامان اختبار التصادم بتاع الاكسنت فاشل و مفيهاش Abs و هتعوم من ورا لو ضربتي فرامل جامد و انتي بتجري.
2-الصاج في الاكسنت و الاكسيل وحش جداااااااااااااااااا صاج ضعيف للغاية.
3-اكصدامات ملهاش دعوة بوظيفة الاكصدامات اللي هي امتصاص الصدمات و بالذات في الاكسنت عن الاكسيل.
4- التحمل الاكسيل احسن من الاكسنت عموما منتجات التسعينات احسن و جودتها اعلي و كمان الاكسيل زي ما كريم قال عفشتها لانسر و الموتور زي بتاع لانسر بظبط لكن كوري و الكلام ده اتأكدت منه من ميكانيكي شغال في توكيل هيونداي ابو رواش و اغلب الاكسيل مفوت دلوقتي و حالته واقعة و عموما مواتير الكوري مش معمرة عايزة استخدام لطيف
4-الاكسنت كانت مع صاحبي كانت اكسنت 2001 باعها بسبب الثبات و العربية كانت عاملة 60 الف كيلو و كان مغيرلها مساعد ادام يمين و مرة جري بيها بغباء شوية و لبس في الرصيف غيرلها مقص اتعوج من الخبطة في الرصيف!!!!!!!!!!!! عموما لو هتستخدميها استخدام كويس هاتيها لو هتتهان او هتتعلمي عليها نصيحة بلاش....... و لو عايزة رأيي خليكي في الجولف 3 او بولو احسن بكتير من دول.......و الرأي الاول و الاخير ليكي طبعا...........








Ibiiiiiiiiiiiiiiiiiiiiiiiiiiiizzzzzzzzzzzzzzzzaaaa aaaaaaaaaaaaaaaaaaa For Ever

ميرسي محمد على ردك
انا مش هتعلم عليها انا بسوق كويس
ومش هجري بيها وغالبا استخدامي هيكون داخل القاهرة والصحراوي مرتين تلاته في السنه بالكتير

3-اكصدامات ملهاش دعوة بوظيفة الاكصدامات اللي هي امتصاص الصدمات و بالذات في الاكسنت عن الاكسيل.

لعلمك يا محمد باشا الاكسنت فيها تحت الاكصدامات قضيبين حديد ما شوفتش زيهم في عربيات كتير بجد محترم و يحمي العربيه.

و لو عايزة رأيي خليكي في الجولف 3 او بولو احسن بكتير من دول.......و الرأي الاول و الاخير ليكي طبعا...........

برضه مش معاك
دي بنت و كون انها تجيب عربيه زي دي لو حالتها مش قد كده حتغلبها عند الميكانيكيه و حتقرفها احلي قرف لان مش اي حد يفهم فيها علاوه علي ان الحاله العامه للمستعمل بتعها غير مشجع بالمره.
الاكسيل انا بشوف منها حالات محترمه و ممكن بسهوله تلاقي عربيه بيتي فابريكه و اول يد كمان

بصراحة انا جربت الانين فى نفس الوقت ونفس الشارع وتقريبا نفس الحالة بس الاكسنت كانت اجدد فى الموديل وجدت ان الاكسيل اكثر تناسبا مع الشوارع المصرية علشان هى مرتفعة وبذات من الخلف عن الاكسنت وكمان تكيفها كان اقوى

يا حازم انا مش بقول كلام في الهوا الاكسنت اللي بتقول فيها قضيبين حديد صاحبي اتخبط بيها من ورا الاكصدام راح في خبر كان و باب الشنطة اتسمكر و اترش فين بقي القضبان عملوا ايه يا باشا و حتي لو فيها قضبان تحت الاكصدامات و مش معني كده اني بقول انها محمية تمام من ورا عموما ده مش سبب يخليني ارجح عربية ثباتها صفررررررررررررررررررررررر ررررررررررر علي الطريق و ده مفيهوش اختلاف و علي فكرة انا اللي بياخد برأيي في شراء اي عربية مش بسيبه لحد ما يظبطها كلها و بما اني عارف زخانيق الفولكس و سيات و اودي كنت هبعتلها علي الخاص اقولها علي بتاع قطع الغيار و الميكانيكي اللي انا بتعامل معاهم لاني معايا ابيزا 94 و كلهم قريبين منها لان لبنه ساكنة في الهرم و بتاع القطع في شارع مراد و الميكانيكي في البحر الاعظم دي زي اختي اكيد مش هخليها تتبهدل برضه حتي تبقي ندالة مني...........







Ibiiiiiiiiiiiiiiiiiiiiiiiiiiiiiizzzzzzzzzzzzzzzaaa aaaaaaaaaaaaaaaaaaaaaa For Ever