من تختار لرئاسه مصر
1- عمرو موسى
2- عمر سليمان
3- وائل غنيم
4- محمد البرادعى
5- سامى عنان
6- ايمن نور
7- السيد البدوى
8- مرشح اخر
ترتيب المرشحين لا يعنى اى شىء فقط حسب ذاكرتى
برجاء ارفاق تعليق بسيط عن مميزات مرشحك او ما تتطلع ان يقوم بتنفيذه
عرض للطباعة
من تختار لرئاسه مصر
1- عمرو موسى
2- عمر سليمان
3- وائل غنيم
4- محمد البرادعى
5- سامى عنان
6- ايمن نور
7- السيد البدوى
8- مرشح اخر
ترتيب المرشحين لا يعنى اى شىء فقط حسب ذاكرتى
برجاء ارفاق تعليق بسيط عن مميزات مرشحك او ما تتطلع ان يقوم بتنفيذه
وائل غنيم مييييييييييييييييييييييين ؟؟؟؟؟؟؟؟؟؟؟؟
شكرا لمشاركتك
طب ايه مميزاته من وجهه نظرك
وتعتقد ممكن يعمل ايه جديد
مبدئيا فيه ناس (انا منهم) هاتعترض على وجود بعض الأسماء في القائمة
عموما انا عن نفسي اخترت شخص أخر , و لسه ما حددتش حد معين
بس كل دول في رأيي ما يصلحوش لأسباب متفرقة
السلام عليكم
والله يا اخى انا مبسوط بيك جدا
بص ياسيدى ما فيش حاجه اسمها معترض لاْ خليها انا ليا راى اخر
يعنى مثلا قول لنا ايه وجه اختلافك فى الراى ومين من وجهه نظرك يصلح لانه يكون الرئيس وما يكونش فى الاستطلاع
احنا ممكن نعمل استطلاع اخر ويكون فيه اسماء اخرى انت تضيفها او حد من المشاركين يقترحها
الموضوع مش مجرد اسماء
احنا عاوزين فى الاخر نوصل لشخصيه نرسمها برأينا حتى لو كان اسمها مش موجود فى القائمه
عمرو موسى
الى نعرفة فيهم وعارفين ارائة وشخصيتة من ايام مكان وزير خارجية وارائة الجريئة
وانا اعرف ناس كتير هترشح عمرو موسى مش علشان هو الاصلح ولكن لانة معروف
لان النظام السابق ماكانش بيسمح لحد انة يظهر او اسهمة ترتفع عند المصرين غير قيادات الحزب الوطنى فقط
الباقى معرفهومش
وائل غنيم ازاى يعنى!!
عشان المصداقيه لازم تحط ناس تنفع!!
السلام عليكم
بص يا اخى
انا من رايي انك ما تختلفش معاه انا رايي لو توافق اذكر عيوب وائل غنيم وليه انت مش عاوزة
وائل غنيم هو مش هياخد منه فلوس ولا انت هتستفيد منه
خلينا نقنع بعض يعنى هو يقول محاسنه وانت تقول ايه اللى مش عاجبك
والناس تختار
شدوا حيلكم يا رجاله عاوزين استفتاء شعبى
وائل غنيم ماينفعش يترشح اصلا علشان السن
سنة صغير
ولا أى حد من دول
عايزين وجه جديد بين 40 و50 سنة يعرف يتعامل مع شعب نسبة السكان فية أكتر من 60% تحت سن ال 35 سنة
السلام عليكم
ازيك يا عمى انت مالك بس زعلان ليه يا سيدى ابوس راسك اوعى تزعل من اخوك الصغير
انا اسف يا سيدى اذا كنت زعلتك
والله انا ما اعرفه وائل غنيم ده ولا ليه عنده مصلحه بس الثورة دى مش قامت عشان كل واحد يقول رايه وفى الاخر نقدر نختار الاصلح
انت كده مش عاوز حد يتكلم وبتفترض ان رايك صح وبتحجر على غيرك وبستنكر رايه
انا مش معاك فى الموضوع ده احنا كده بنقلد النظام الفاسد اللى كان موجود والله انا ما بشبهك بيه بس انا بنبهك انك كده ممكن يكون فى جزء من تفكيرك داخل فى الاتجاه ده
الديمقراطيه ليها مميزات كتير بس من مشاكلها انك لازم تسمع كل الاراء وتحترمها ودايما ما تحكمش على غيرك لانك مش قاضى يعنى ممكن وائل يرشح نفسه وممكن حسين يرشح نفسه وممكن اى حد يرشح نفسه طالما انه هينطبق عليه شروط الترشيح اللى هنعرفها بعد الدستور ما يخلص بس احنا دورنا اننا نختار الاصلح لينا مش نختار اللى هيترشح اى حد ممكن يترشح بس مين اللى احنا عاوزينه ينجح وده هدف الاستطلاع اننا نفهم كويس الموضوع
وما تفترضش ان رايك صح كل واحد له رايه دافع عن رايك بالحجج والبراهين من غير ما
واخيرا رايى صواب يحتمل الخطا وراى غيرى نفس الكلام خلى ده شعارنا احنا فى مركب واحده
وربنا يكرمكم ويفتح عليكم جميعا
من الناس الموجودة على الساحة أرشح أحمد زويل لإننا محتاجين بجانب النزاهة و الوطنية و الأمانة محتاجين حد عنده علم و عنده جواه مفهوم القيم اللي بندور عليها زي الحرية و الكرامة و إحترام المواطن .. يعني محتاجين شخص يكون عامل تغيير بجد زي مهاتير محمد في ماليزيا.. شخص واحد يكون عنده رؤية علمية و عصرية بجانب النزاهة و الأمانة , و على علاقة جيدة بعلماء العالم اللي بيحترموه و ممكن يساعدوه.
لو لازم من القائمة ممكن البرادعي و برغم إعتراض ناس كتير منكم عليه فأنا شايف إن نظام إنتخاب ديمقراطي هيضمن لنا إنه لو ثبت إنه مينفعش، بعد أربع أو خمس سنين في أول إنتخابات نديله أكبر شلوت و متشكرين.
مش زعلان ولا حاجه خالص
انا بس مستغرب
دلوقتى كل واحد محطوط عارفين مقوماته و عمل لمصر كتير على مدار اعوام
السؤال تانى
وائل غنيم محطوط ليه- انا بسأل
عشان افهم ايه مقومات ان يتحط مع ناس عظام و فطاحل لاما علم لاما سياسه
طيب ما عمرو واكد انا شايف ان دوره اكبر ليه بقى مانرشحش عمرو واكد
و ممكن نقول تيسير فهمى كمان
و ليه مايكنش حمدى قنديل
و لا عمر عفيفى ماهو دعى للثوره من زمان
فيه معايير مبدئيه لازم نلتزم بيها
طبعا حقك تقول رأيك
بس انا شايف ان صعب فطاحل اللى مكتوبين يتحط وسطهم وائل غنيم
يا ريييييت احمد زويل يرشح نفسه وكمان يتم انتخابه اظن انه حيحاول بنسبه كبيره انه يقضى على الاميه اللى هى مشكلة مصر الكبيره يطور التعليم ينمى البحث العلمى ويضع مصر على الخريطه العالميه وشكرا
بس انا شايف ان صعب فطاحل اللى مكتوبين يتحط وسطهم وائل غنيم[/QUOTE]
السلام عليكم
انا متفق معاك تماما بس كان اعتراضى على الاسلوب
بص انا فعلا اخترت فى الاستفتاء شخص اخر يعنى حد مش فى القائمه اساسا مين هو مش عارف يمكن حد يقترح اسم يعنى فى واحد قال احمد زويل ممكن حد تانى يقترح اسم اخر وكده يعنى بس ده ما يمنعش ان فى ناس بتردد الاسم بتاع وائل غنيم ومش معنى ان وائل غنيم موجود فى الاسماء انه يستحق ده لا معنى كده انه ممكن يكون له بعض الشعبيه او مشهور شويه سميها زى ما تحب
واخيرا الناس هى اللى هتقرر
وعشان تكون عارف رايك حتى الان صح :plusone2:بص نتيجه الاستفتاء
عمرو موسى 38.10%
عمر سليمان 9.52%
وائل غنيم 0%
محمد البرادعى 14.29%
سامى عنان 4.76%
ايمن نور 0%
السيد البدوى 0%
شخص اخر 33.33%
من وجهة نظري ان الاسم مش كافي للأختيار
لو هانمشي على المبدأ ده كان مبارك نفع!! (قائد الطلعة الجوية.....الخ الخ)
المهم ان البرلمان و الأحزاب يكونوا أقوى و أنظف و أشرف و أكثر دراية بالوضع الداخلي و الخارجي
واحنا كشعب ... يكون ممثلينا في البرلمان خدامين لينا - ويكون القضاء أكبر ضامن للحاجات ديه كلها : مستقل
وقتها هات أي رئيس.. انشاللله يكون مبارك ----ههههههههه
هذا ردي في موضوع مماثل
نقطة مهمة يا جماعة
مش مهم مين اللي يكون رئيس الجمهورية القادم
ومن الخطا الكبير اننا نختار اي فرد وتدعيمة قبل تقديم هذا الشخص لبرنامجه الأنتخابي وعرضه علينا كشعب
هناك اشخاص لهم مصداقية عند بعضنا او معظمنا زي دكتور محمد البرادعي - ايمن نور - عمرو موسى - حمدين صباحي
كلهم ناس لديهم وطنية واحترمهم جميعا لكني لن ادعم احد منهم قبل تقديمه لبرنامج انتخابي مقنع ... ورؤية مستقبلية لدولة في حجم مصر
والأهم من كل ذلك ان اي فرد سيترشح لن يجلس على الحكم مهما كان نجاحه سوى فترتين رئاسيتين فقط
السلام عليكم
ايوة كده يا اخى افتح نفسنا للكلام الموزون ده كلام زى الفل كلامك ممتاز
طيب كلامك ده ما يخالفش الموضوع بتاعنا احنا عاوزين نحط رئيس افتراضى وده اللى بيشير ليه فى الاستطلاع كلمه مرشح اخر
يعنى ممكن نحط صفات رئيس الجمهوريه او نحط برنامجه الانتخابى افتراضيا ونشوف مين اقدر واحد على تنفيذه
بص احنا دلوقتى بنقول اللى احنا عاوزينه وبنسمع اللى احنا عاوزينه وبنكتب اللى احنا عاوزينه وممكن من خلال اللى احنا بنعمله ده نفتح افاق جديده لفكرنا وفكرى مع فكرك نكون فكر جديد ونعلم بعض
انت فاكر ان اللى احنا بنعمله ده هو فعلا اللى هيحصل لا طبعا بس احنا بندرب بعض على الديمقراطيه بنعلم بعض بنحاول ناخد بايد بعض
كلامك جميل وبصراحه مش عارف ارد عليه انا متفق معاك بس هو ده اللى انا قدرت اعمله وان شاء الله احاول اعمل فكرة تانيه بمساعدتك او انت حط موضوع يقربنا من فكرتك وبكده نكمل بعض ايه رايك
واخيرا ان شاء الله نضيف حمدين صباحى مع احمد زيل مع اكثر ثلاثه اخدوا اصوات
كلامك حلو جدا وديمقراطي جدا بس انا برده معترض
لان لسه مفيش انتخابات اساسا ولا فيه مرشحين عشان نعمل عليهم استطلاع..وساعتها هيكون الترشيح في مصر مش في المنتدي
وبعدين فيه احداث جارية كتير جدا والناس مستنية حاجات تانية كتير جدا مفيهاش لسه ترشح مين للرئاسة
وبعدين حضرتك متجاهل الراجل اللي قالك ان الدستور بيقول سن الترشح للرئاسة لا يقل عن 40 سنة..حضرتك قريت الدستور الاول...
لا تضيع وقتك في موضوع مالوش اي لازمة دلوقتي ولا هيقدم خطوة...علي فكرة الموضوع ده اتكرر كتير لو كنت متابع المنتدي ومعظم الناس مردتش عشان فعلا الناس اللي هنا فاهمة ان ده مش وقته
فيه موضوع مثبت علي رأس القسم فيه مواد الدستور المصري ياريت تقراه
وعلي فكرة اخوك اول مرة يقراه بعد الثورة وكنت زعلان اوي من نفسي اني اول مرة اقرا دستور بلدي...الموضوع ده هيفيدك كتير
السلام عليكم
ازيك يا باشا والله كلامك على عينى وراسى بس لهجتك حاده جدا مش عارف ليه
بص يا سيدى الفاضل انا هحاول ارد عليك بنفس اسلوبك وشوف كده كويس ولا ايه رايك انت قلت :
لسه مفيش انتخابات اساسا ولا فيه مرشحين عشان نعمل عليهم استطلاع..وساعتها هيكون الترشيح في مصر مش في المنتدي
يا سيدى الفاضل يا اخى انا ما قلتش ان اللى هننتخبه هو ده الريس وانت من حقك تعترض بس مش من حقك تقولى اعمل وما تعملش بس ممكن تكلمنى بشكل فيه نصح او توجيه من اخ لاخوة مش نقد وانفعال
انت قلت : وبعدين فيه احداث جارية كتير جدا والناس مستنية حاجات تانية كتير جدا مفيهاش لسه ترشح مين للرئاسة
مين الناس اللى انت بتتكلم عليهم دول انت ما ينفعش تتكلم غير عن نفسك فقط وانا كمان ما ينفعش اتكلم غير عن نفسى فقط الا اذا كنت رئيس حزب او شركه ممكن ساعتها تتكلم عن حزبك او شركتك لكن عن الناس ما اظنش
انت قلت : لا تضيع وقتك في موضوع مالوش اي لازمة دلوقتي ولا هيقدم خطوة...علي فكرة الموضوع ده اتكرر كتير لو كنت متابع المنتدي ومعظم الناس مردتش عشان فعلا الناس اللي هنا فاهمة ان ده مش وقته
ده رايك ورايك فوق راسى بس انا مش مقتنع بيه وللمرة الثانيه بتتكلم باسم الناس وده مش صح اتكلم عن نفسك فقط
انت قلت :وبعدين حضرتك متجاهل الراجل اللي قالك ان الدستور بيقول سن الترشح للرئاسة لا يقل عن 40 سنة..حضرتك قريت الدستور الاول...
الدستور اللى حضرتك بتقول عليه انا لا ادعى علمى الكامل بيه بس انا من كام يوم بصيت عليه بصه سريعه والدستور ده هو اللى فى لجنه من عشرة اشخاص بيعملوة من جديد يعنى الدستور اللى حضرتك بتقول عليه فى بنود هتتغير وانا اسف انى ممكن يكون شرط السن ما اعرفوش بس مش معنى انى ما اعرفش كده انى تجاهلت الراجل انا مش ممكن اتجاهل اى حد لانى بحترم الصغير قبل الكبير وكمان شرط السن ده مين قال لك انه هيفضل زى ما هو وحتى لو فضل ما يعملش فرق خالص لان كل اللى احنا بنعمله دلوقتى تثقيفى لو ما كانش ليك يبقى ليا انا وادينى عرفت منك شويه معلومات لو ما كنتش كتبت الموضوع ده واتناقشنا فيه ما كنتش هعرفها فبرجاء بلاش موضوع تضييع الوقت ده ولو حضرتك شايف ان الموضوع مضيعه للوقت خلا ص حافظ عاى وقتك اللى انا متاكد انه ثمين جدا وانا باعتذر لك انى دخلتك الموضوع بالعافيه
ايه رايك بقى فى طريقه الرد دى كويسه
عموما انا بس كنت بحاول احاورك باسلوبك بس انا ما كنتش احب انى اتعرض للنقد بدون وجه حق بالطريقه الجامده دى وبانفعال زى ما حضرتك واضح من كلامك
انا دلوقتى عشان نفصل فى المووع ونعرف الناس مهتمه ولا لا هسيب الموضوع ومش هدخل انهارده عليه خالص ومش هشارك اى مشاركه فيه ومش هرد على حد فيه هسيب الناس تكلم بعضها وبكرة ان شاء الله لو لاقينا انا وانت ان الموضوع مشاركاته زادت يبقى الناس مهتمه ولو ما فيش حد دخل يبقى اكون اسف لانى ضيعت وقتك
اخر وضع للاستطلاع وقت كتابتى لهذه المشاركه
مشاهده 195
مشاركات 24
مشاركه فى الاستطلاع 30
شكرا
وعليكم السلام
انا مش هقولك يا باشا عشان خلاص بقي عصر البشوات خلص
متزعلش مني يا أستاذي الفاضل عن لهجتي الحادة...
بس لو اخدت بالك اتفتحت مواضيع كتير جدا بنفس المحتوي والاعضاء هنا اعرضوا عنها..وانا مش بتكلم عن الاعضاء باسمهم او الناس باسمهم...انا بتكلم عن الواقع اللي انا شايفه علي صفحات المنتدي
والصفحات دي أدت كمان لمكان فيه إطلاق إتهامات للمزعوم أنهم مرشحين وأعتقد (بلاش إحنا) ولكن أنا مش عايز أتطرق ليها
عشان مكونش بملي عليك افعال زي ما قلت انا بضيف كلمة أنصحك قبل الجملة السابقة وهي دي الجملة الوحيدةاقتباس:
لا تضيع وقتك في موضوع مالوش اي لازمة دلوقتي ولا هيقدم خطوة
وده رأيي برده وأنا مقتنع برأيي ومش مقتنع برأيك ولم أهينك أو أجرحك ولكن كتبت رأيي..الموضوع بسيط جدااقتباس:
ده رايك ورايك فوق راسى بس انا مش مقتنع بيه
أنا مش محتاج فصل في الموضوع علي فكرة أنا مش براهن علي حاجة ولا قلت للأعضاء ماتشاركوشاقتباس:
انا دلوقتى عشان نفصل فى المووع ونعرف الناس مهتمه ولا لا هسيب الموضوع ومش هدخل انهارده عليه خالص ومش هشارك اى مشاركه فيه ومش هرد على حد فيه هسيب الناس تكلم بعضها وبكرة ان شاء الله لو لاقينا انا وانت ان الموضوع مشاركاته زادت يبقى الناس مهتمه ولو ما فيش حد دخل يبقى اكون اسف لانى ضيعت وقتك
اخر وضع للاستطلاع وقت كتابتى لهذه المشاركه
مشاهده 195
مشاركات 24
مشاركه فى الاستطلاع 30
شكرا ليك أنا مش محتاج أعرف ولا يهمني الموضوع وصل مشاهداته ومشاركاته كام المهم المصلحة العامة هل هيكون مفيد أو لا...يمكن يكون مفيد لبعض الناس وأنا غلطان وإحتمال كبير أكون غلطان عادي....بس ده رأيي وقلته
بص
الفكرة كويسه بس محتاجه شويه رتوش ممكن تكمل بعد ما المشاركات تزيد شويه
عموما انا مش اشايف حد من دول ينفع نفسى اسمع واشوف وشوش جديده
عايزين وجوه جديدة ودم جديد
وأنا ركبى حديد
حلاوتك ياعدولة ياجامد
الله يرحمك يا ..............الدولة
ههههههههههههههههههههههههه هههههههههه
د.محمد البرادعي
ليس له علاقه بالنظام السابق ودي مهمه جدا
فاهم كويس جدا هو بيقول ايه
أول من دعى لتغيير الدستور
رفضه الانضمام لأي حزب من الموجودين
هجوم النظام عليه واهانته في شرفه وامانته ووطنيته خلاني أثق جدا فيه
انا ارشح وائل غنيم
ليه في ناس كثير معترضه حتى على ادراج اسمه في الاستطلاع
يا جماعة عايزين نقلة نوعية للبلد من الكهولة للشباب
الشباب تحت سن الاربعين اكثر من 80% في مصر يعني دولتنا دولة شباب
المظاهرات لما خرجت قالولك مظاهرات شباب مهي لازم تكون مظاهرات شباب هو في حد غيرهم في البلد
لما احنا 80% ليه نخلي العواجيز يحكمونا مع احترامي ليهم بس ازاي نتواصل معاهم وادي انتم شايفين حكومة شفيق اصغر واحد فوق سن السبعين ازاي نتواصل معاهم ومفيش حد منهم ليه ويب سايت ولو شاف الكمبيوتر يفتكروا عفريت
وائل غنيم رئيس والوزارة كلها من حركات الشباب اللي عملوا ثورة 25 يناير
العدل يقول ان اي ثورة هي اللي تحكم وده بيحصل في كل ثورات العالم
العالم كله شافهم رجالة ولسه انتم شايفينهم شوية عيال ؟ علشان يعني مش لابسين ميري ومعلقين النياشين ؟
هي الرجولة بالسن ولا بالفعل
وعلى فكرة سن ال 30 ده السن اللي فيه كل واحد خد الماجستير بتاعه سواء في الاقتصاد او الزراعة او اي من العلوم يبقى في قمة حماسته لتطبيق دراسته
شباب مصر محاضرين واساتذه منتشرين في معظم دول العالم في كل مجالات العمل
بصوا
الثورة دي هتضيع لو تم اقصاء الشباب وتسليم طبق الحكم لعواجيز البلد وهما نوعين اما عسكر او بقايا مساعدين النظام السابق
لو في طرف تالث عادل قولوا لي عليه ؟
مهاتير محمد
السلام عليكم
وده راى ناس كتير عاوزين اللى يمسك يكون فكرة قريب من فكر الشباب
بس انا عندى استفسار هو مش لو مشينا بالنظام المقترح الرئيس هيبقى دورة قليل وصلاحياته هتقل وهتبقى تقريبا كل حاجه فى ايد الحكومه اللى هى مجلس الوزراء وارقابه والمحاسبه هتكون من مجلس الشعب
حد يا جماعه يوضح لنا الموضوع ده النظام هيبقى شكله ايه
شخص اخر,
د. معتز بالله عبدالفتاح.
طيب ما نعرف احنا عايزين ايه الاول والمرحله الى جايه ايه هو طلباتها
يعنى احنا عايزين حريه اكثر ولا تعليم ولا اقتصاد ولا ذراع طويله للحدود المصريه تشكم الى حوليها
مفيش مانع ان كله يكون موجود بس لازم يكون فى اولويات فى التنفيذ
وبالتالى يمكن اختيار الرئيس القادم على هذة الاولويات
والثورة قالتها فى جمعة النصر
الشعب يريد تطهير البلاد
يعنى عايزين واحد ايدة نظيفه شخصيه قويه قادر على تنظيف البلاد وعودة للحريات المفقودة مع امان للمواطن
دى الخطوط العريضه الى لازم يكون كل مرشح يلتزم بها
بعد ذلك ياتى دور برنامج المرشح فى شرح تفاصيل كيفيه التنفيذ مع اضافه
كيفيه اهتمامه بطريقه متوازيه مع الانشطة الاخرى
لا خلل فيها مع الخطوط العريضه الى اتفق عليها الشعب
الشعب يريد تطهير البلاد