البيكانتو نامت واغمى عليها !!!!!

**M.ABDEEN** · 16-02-2011 11:35 AM

السلام عليكم ورحمة الله وبركاته
قبل الثورة بيوم بشغل البيكانتو وكنت خارج المهم لاقيتها قاطعة النفس خالص ومش عايزة تدور الكلاكس شغال والانوار والاشارات انما مش عايزة تدور جاء في بالي ان الكمبيوتر عملها تاني وطار اتصلت بالمهندس محمد هاشم في القطامية وقالي هاتها قلتله دي في الجراج ومش شغالة ومش بتتحرك قالي اتاكد انها ممكن تكون البطارية عملتها المهم فتحت الانوار والاشارات والكلاكس لفترة لاقيتهم اتاثروا لغاية مبقاش في حاجة خالص شغالة ولا حتى الكاسيت المهم عملت مشترك بينها وبين السيراتو لغاية ما اشتغلت وطلعت بيها مشوار حولين البيت على اساس انها تتشحن وتاني يوم جيت اشغل اشتغلت طبعا يوم الثورة لكن للاسف بعدها بيومين منطقيتش خالص ولا اي حاجة شغالة كده البطارية سفرت وسفرت معاها بوكي هانم
السؤال بقى ؟ اجيب بطارية منين وانهي نوع ومواصفتها ايه؟؟ لان حاولت اجيب بيانتها معرفتش وكمان حجمها صغير على قد المكان المخصص ليها فبافكر اخدها واجيب زيها بس منين والاسعار ايه ؟؟؟؟ فياريت حد يفدني وشكرا علما ان البطارية جافة واسف على الازعاج

**legolas_sort** · 16-02-2011 03:11 PM

فارتا الجافة أحسن نوع ويستحسن تدور العربية واقرب واحد بتاع بطاريات هيغيرها انما سعرها كام معرفش انا بطاريتى 60 امبير ب 480 جنية فارتا جافة وطبعا اخد البطارية القديمة

**MOSTAFABASAL** · 16-02-2011 11:59 PM

خير ان شاء الله
اكيد دي بتحيي ثوره الشباب و عاوزه تتظاهر عليك
اعلنت التمرد و العصيان
وطبعا لا يفل الحديد الا الحديد هات بطاريه اسيديلكو جافه و كيدها بيها

**M.ABDEEN** · 17-02-2011 08:34 AM

الف شكر يا جماعة على مشاركتكم معايا

**hamadafawzy** · 17-02-2011 09:30 AM

الفارتا محترمه طبعا وكمان acdelco والاتنين الماني بس يميز acdelco ان فيها لمبه لما بتكون البطاريه محتاجه تتشحن ودي طبعا هتفيدك بحيث ان الموقف ده ميحصلش معاك تاني وتلحقه قبل ما البطاريه تنام

**ahmed_su** · 19-02-2011 01:50 AM

المشاركة الأصلية كتبت بواسطة hamadafawzy

الفارتا محترمه طبعا وكمان acdelco والاتنين الماني بس يميز acdelco ان فيها لمبه لما بتكون البطاريه محتاجه تتشحن ودي طبعا هتفيدك بحيث ان الموقف ده ميحصلش معاك تاني وتلحقه قبل ما البطاريه تنام

الاتنين فيهم ..

وهى مش لمبة دى خلية كميائية بتغير لونها طبقا لحالة الشحن

والافضل الان acdelco بسب ان ضمانها استبدال خلال السنة

وليس تعويض عن القيمة المتبقية من سنة الضمان لباقى الماركات

و acdelco هى امريكية وتصنع فى السعودية