شقق بالبطاقة فى العاشر من رمضان
دلوئتى ياجماعة الخير فى تقديم شقق بصورة البطاقة فى العاشر من رمضان
انا مش عارف ازاى يعنى ايه تحجز شقة ولا تاخد وصل ولا رقم مسلسل تستعلم عنه بعد كده
مجرد استمارة بتملاها وصورة بطاقة وبالسلامة ياقلبى
اذا كان ابن خالى مقدم ف2008 ودفع 5000 جنيه ولسه مستلمش ودول يحجزلك من غير عربون ولا حاجه
ده بئا مش يبئا نصب على الشعب؟؟؟؟
مش عارف ازاى وزير الاسكان سامح بكده ولا خايف يقول مفيش الناس تاكله
نيجى بئا لاصل الحكاية بتاعت الشقق ديه ايه!!!!!!!!
كان فى شوية بلطجية وصيع جابوا اهلهم وعربيات نقل واعدوا وحطوا عزالهم فى الشقق وخدوا كذا عمارة
والعمارات ديه استراحات شركات للموظفين امثال ماك والنساجون المهم العمارات فاضية والناس استغلوها واعدوا فيها ومش طالعين واللى هيقرب هندبحه.
ومن جبروتهم هجموا على الجهاز بتاع العاشر وعايزين ياخدوا العقود بتاعت الشقق كمان (بجاحه بئا)
رئيس الجهاز( اللواء محمد يسرى ) راجل محترم جدا وشديد الذكاء جاتو اخبارية ان فى ناس بتتهجم على الجهاز وعايزين عقود الشقق ...
راح امر الموظفين انهم ياخدوا من كل مواطن من الناس دول صورة البطاقة ويملى استمارة
وده علشان يعرف الناس ديه مين ويجيبوا قرارهم وفى نفس الوقت يهديهم وقالهم ان شاء الله تتخصص الوحدات ليكم وسلم الورق للجيش
ومن هنا طلعت اشاعة ان العاشر والعبور تقريبا فيها تقديم شقق والناس هجمت بطريقة بشعه وكله جايب صورة بطاقته وعايز يملى الاستمارة وياخد دوره ناس غلابة هتعمل ايه
وطبع اللواء محمد يسرى مزعلش حد واده اوامر انهم ياخدوا من كل الناس صور البطايق والاستمارات وميزعلوش حد وده تجنبا للمظاهرات ولحد ميعدى الايام الالى جاية على خير ويعرفوا مين اعد ومين ماشى
وطبعا لا فى شقق ولا فى قرنبيط حتى:8954[1]:
من الاخر الكل بيعدى الموجه زى موضوع وظايف وزارة المالية والكهرباء والقوى العاملة.. كانوا فين دول وبعدين كام وظيفة اللى بيتكلمو عليها .
واحنا غلابة نجرى ورا اى حاجه ونتشعبط ونقول يمكن محدش عارف