الموضوع: احذروا الثورة المضادة ..... النظام لم يسقط بعد

انا أؤيدك فيما تقوله فعلا
الفيس بوك ماليان من الناس دي
والمشكلة ان فيهم من احزاب زي الوفد وغيره برضه
ماسكين بعش الشباب زي وائل غنيم وغيره
وهاتك مؤامرات لا ده ماسوني لا ده مش عارف ايه لدرجة انهم ألفوا قصه انه اتمسك في المطار مع كاميرا فيها صور لمواقع حساسه
يعني احنا لسه في عصر جوجل ايرث الجواسيس بيصوروا بالكاميرات ويبقى معاهم افلام فيها صور حساسه
كلام غبي ومتخلف بجد الواحد اتخنق من الناس دي بجد
والمشكلة ان اللي مالوش في البطاطس ماشي وراهم يقولك بطاطس

كلامك صح والله وكنت لسه بتكلم مع ناس دلوقتى حول الموضوع ده وان فى قرار نزل بوقف تصدير الغاز لاسرائيل طبعا ده مش وقت القرار ده خالص

انت ازاى تاخد قرار زى ده وانت مش مستعد لاى شئ خارجيا

وليه زكريا عزمى وعمر سليمان فى القصر الجمهورى
وبعدين مش مبارك تنحى يبقى يمشى بقى وميكنش تحت حراسة الجيش ولا اى حاجة احنا مالنا موظف واستقال من شغله

وعلى رايك احمد عز بحريته وكل الناس بتوع النظام السابق

وكل حاجة ماشية تمام بس فقط من غير اسم مبارك ولكن مبارك تحت الناس دى كلها

انا نفسي اعرف فعلا الناس بتوع النظام القديم دول واخدين فرصه يعملوا الى هما عايزينه دلوقتى ازاى
دا غير ناس كتير لسه فى اماكنها وناس كتير منعرفش اصلا هما فين

الله اكبر فوق كل ظالم
يمكرون ويمكر الله

ربنا يحافظ علينا ويحسن من وضع البلد يارب

المشاركة الأصلية كتبت بواسطة أبو عبدالله

انا أؤيدك فيما تقوله فعلا
الفيس بوك ماليان من الناس دي
والمشكلة ان فيهم من احزاب زي الوفد وغيره برضه
ماسكين بعش الشباب زي وائل غنيم وغيره
وهاتك مؤامرات لا ده ماسوني لا ده مش عارف ايه لدرجة انهم ألفوا قصه انه اتمسك في المطار مع كاميرا فيها صور لمواقع حساسه
يعني احنا لسه في عصر جوجل ايرث الجواسيس بيصوروا بالكاميرات ويبقى معاهم افلام فيها صور حساسه
كلام غبي ومتخلف بجد الواحد اتخنق من الناس دي بجد
والمشكلة ان اللي مالوش في البطاطس ماشي وراهم يقولك بطاطس

اه والله عندك حق فعلاااا

الاجابه : جمال مبارك

والحل : عمل انتخابات رئاسيه فى اسرع وقت لان طول ما الكرسى فاضى العيون بتكتر عليه وخصوصا ديول النظام القديم

صدقني أنا اول واحد كنت قلقان جدا من الموضوع دا وحتلاحظ دا في كلامي من مشاركات ومواضيع سابقة.
بس أنا عاوز أطمنك ان ربنا سبحانة وتعالي كان معانا في الثورة دي ومش هيتخلي عنا بأذن الله لان أحنا عملنا ال هلينا.
ثاني حاجة أن مؤسسة الجيش فعلا مؤسسة عظيمة وقيادتها أشخاص وطنيين جدا وبيحبوا البلد جدا وشرفاء جدا
انا بقول دايما ان الشعب هو الانقذ الجيش مش العكس. الناس دي عارفة كويس هي بتعمل اية وحاطة عنيها فعلا عي كل صغيرة وكبيرة
بالنسبة لعمرو سليمان وزكريا عزمي أطمن تحت سيطرة الجيش .. كل حاجة بتاخد وقت