ياريت ياجماعه لو حد عنده معلومات عن جمارك السيارات ياريت يفيدني بها بالتفصيل[b]
يعني كام في الميه والنظام اتطبق ولا لسه وايه النظام بالظبط وجزاكم الله خيراً
عرض للطباعة
ياريت ياجماعه لو حد عنده معلومات عن جمارك السيارات ياريت يفيدني بها بالتفصيل[b]
يعني كام في الميه والنظام اتطبق ولا لسه وايه النظام بالظبط وجزاكم الله خيراً
الفئه الجمارك ضريبة مبيعات رسم تنميه اجمالى الرسوم
حتى 1300 سىسى 40% 10% 3% 60%
1300-1600 سىسى 40% 15% 5% 69%
1600-2000 سىسى 130% 30% 7% 220%
اعلى من2000 سىسى 135% 45% 8% 270%
الضريبه تحسب على الثمن+الجمارك معا
رسم التنميه يحسي على الأجمالى بعد الجمارك والضرائب
جمارك السيارات بالتفصيل ....
دى كانت مشاركه ليا فى كونتكت بتتكلم فيها عن نفس الموضوع نقلتها للفائده العامة (بتصرف )... ويار يت حد من المشرفيين المحترمين ينقله للمنتدى العام ... علشان الموضوع يمس السيارات ...
العربيات تقسم حسب قانون الجمارك إلى فئات حسب سعة المحرك ( Displacement CC ) فتقسم السيارات إلى فئات ال
1- أقل من CC1600
2- من 1600 CC إلى CC 2000
3- من 2000 CC و طالع
الجمارك فى مصر حسب قانون الجمارك الحالى :
1- أقل من CC1600 ... الجمارك بتبقى 40% من قيمة ال CIF Value بالأضافة إلى 15% ضريبة مبيعات بالأضافة إلى 3% رسم تنمية موارد
2- من 1600 CC إلى CC 2000 ... الجمارك بتبقى 135% من قيمة ال CIF Value بالأضافة إلى 30% ضريبة مبيعات بالأضافة إلى 5% رسم تنمية موارد
3- من 2000 CC و طالع ... الجمارك بتبقى 135% من قيمة ال CIF Value بالأضافة إلى 45% ضريبة مبيعات بالأضافة إلى 8.5% رسم تنمية موارد
المشكلة إن ضريبة المبيعات ورسم تنمية الموارد بيتغيروا تبعاً لل Options اللى موجود فى العربية ... ودى بقى أنا مستغربها جداً ...حاجة غريبة !!
المهم ال CIF Value : تعنى Cost, Insurance and Freight يعنى قيمة السيارة من بلد الشراء مضاف إليها التأمين البحرى بالأضافة إلى تكلفة الشحن ... يعنى السعر اللى موجود فى بوليصة الشحن BOL ... هو ده السعر الأجمالي اللي بيتحسب عليه الجمارك ...
الأعفاءات بالنسبة للأستخدام :
لكى يستطيع أى مصرى ان يدخل عربية يجب أن يكون المالك الاول لها فى بلد الشراء ... يعنى ما ينفعش تكون سيادتك جايبها مستعملة لكن ممكن طبعاً تكون زيرو ... المهم سيادتك تكون أول مالك ...
الأعفاء عن السنة الأولى بيبقى 10% من قيمة الجمارك فقط المستحقة يزداد بنسبة 5% عن كل سنة أخرى وبحد أقصى 50% من قيمة ال CIF Value
مثال عملي :
======
عربية سعة 2000cc ... ولنفرض أن سعرها حوالى US$ 15,000 فى بلد الشراء وموديل 2007... وتكلفة الشحن + التأمين البحرى US$ 2,000 يبقى سعرها فى مصر CIF Value = US$ 17,000 ... وخلي بالك الناس بتوع الجمارك دول أنصح خلق الله يعنى اللي يفكر أنه يضرب فواتير الشراء أو الشحن ... يبقي بيضحك على روحه ... علشان هما بيبقى عندهم لجميع الماركات والموديلات .. حاجه اسمها ال Price List ... يعني كل أسعار العربيات دولياً ... محدثه بتاريخها ...نكمل المثال بتاعنا
يعنى سعر السيارة حوالى : 17,000 * 5.7 = 96,900 جنيه
الجمارك المستحقة : 96,900 * 1.35 = 130,815 جنيه
العربية + الجمرك : 96,900 + 130,815 = 227,715 جنبه
ضريبة المبيعات : 227,715 * 0.3 = 68,315 جنيه
رسم تنمية موارد : 227,715 * 0.05 = 11,386 جنيه
أجمالى الجمارك و ضريبة المبيعات و رسم التنمية = 130,815 + 68,315 + 11,386 = 210,516 جنييه تقريباً
ومتنساش أضافة حوالى 1% رسوم التخليص ( ثمن الدمغات + الاوراق المطلوبة + تفتيح الدماغ علشان الورق يمشى ... وأكرميات ) ودول حوالى : 2,000 جنيه
يعنى العربية ثمنها الفعلي حوالي 97,000 جنيه بشحنها يدفع فيها ... : 97,000 + 210,500 + 2,000 = 310,000 جنيه ...
تحياتي للجميع...
م/ حسام منير
طيب يا باشمهندس حسام لو انا عايز ادفع جمارك عربية لانوس موديل 99 تتحسب ازاى ؟؟
بص يا أ/عبدالله .... الموضوع بسيط ...جداً...
1- لازم سيادتك علشان تدخل عربيه جوه مصر أنك تكون المالك الأول لها ... يعني فاتورة العربيه تكون بأسمك ...
2- سيادتك بتأخذ 10% تخفيض من قيمة الجمرك على السيارةلأول سنه أستخدام ...ثم 5% عن كل سنة أخرى ... بحد أقصى 50% تخفيض من قيمة الجمرك
3- بس خلي بالك هناك حد أقصى لعدد السنين ... بصراحة مش فاكره ... يعني أعتقد ما يرضوش يدخلوا عربيه موديل 99 ... 8 سنوات ... ولكن ممكن أرجع للقانون ... وأرد على سيادتك فى الجزئيه دى ...
4- علشان ما زعلش سيادتك فى أول طلب تطلبه مني ... هفرض أن العربيه تتمتع بأقصى نسبة تخفيض على الجمرك وهو ال 50% ...
يبقى المفروض عندنا عربيه لانوس 1500cc و سيادتك المالك الأول لها ... وهتأخد نسبة التخفيض الأقصى (50%)
العربيه هنفترض ثمنها حسب ال Price List بتاع الجمارك ... 6,000$ + 1,000$ مصاريف الشحن ...
1- يبقى العربيه ثمنها الإجمالي = 7,000$ * 5.70 =40,000 جنيه تقريباً
2- تخضع لجمرك ... 40% وعليها تخفيض 50% من قيمته يعنى الجمرك تقريباً هيبقى 20% من قيمة ال CIF
= 40,000 * 0.2 = 8,000 جنيه
3- ضريبة المبيعات =(40,000 + 8,000) * 0.15 = 7,200 جنيه
4- رسم تنمية موارد =(40,000 + 8,000) * 0.03 = 1,400 جنيه
5- وكمان 1% مصاريف أخرى =(40,000 + 8,000) * 0.01 = 480 جنيه
يبقى إجمالي اللي هيتدفع للجمرك وتخليص العربيه ... هيكون حوالي = 8,000 + 7,200 + 1,400 + 480 =17,120 جنيه ... وطبعاً ده مثال تقديري ...
وتحياتى للجميع ...
م/ حسام منير
انا عاجز عن الشكر يا باشمهندس ومتشكر جدا على ذوقك بس انا وضعى مختلف....
اعتقد انه من الافضل مناقشة الموضوع على الاميل اذا لم تكن تمانع وسوف ارسل لك رسالة خاصة بعنوان الياهو ماسنجر وال msn ماسنجر الخاص بى وارجو التواصل عبر الماسنجر ...
السلام عليكم ورحمة الله وبركاتة ممكن يا اخواتي الافاضل اعرف الجمرك المستحك فعليا علي الفورد فوكس موديل 2006 العربيبة باسم المالك واول يد[b]1600 سيسي
تحيه طيبة للجميع
هنا هتلاقوا لينك اتمنى افادة الجميع
الحكومة الإلكترونية - خدمات المواطنين