المطب المفاجىء

**mazenzyad** · 17-02-2011 02:43 AM

اليوم و انا سايق على طريق سريع و فاضى كنت ماشى على سرعة 90 الى 100 كم / س و فجأة اخدت مطب صناعى بنفس سرعتى ، و انا راجع لاحظت لما بعدي على المطبات بهدوء بسمع صوت تزييقه من ورا و انا نازل من على المطب ، يا ترى فى حاجة باظت و لا ايه ؟ ارجو الافادة..

**themyth999** · 17-02-2011 11:10 AM

انا كمان عندي صوت تزييق في المساعدين الاماميين رغم ان العربيه لسه يدوب عامله 1500
كان واحد صاحبي بيجربها و عدى على قضيب المترو بسرعه و من يوميها بسمع صوت التزييق ده في المطبات
ايه الكلام ؟؟

**mazenzyad** · 17-02-2011 12:03 PM

متابع

**mazenzyad** · 17-02-2011 04:37 PM

حد يرد علينا

**ahmedsrs** · 17-02-2011 04:43 PM

الضرر بيحصل لو ضربت فرامل وانت داخل على المطب عشان بوز العربية بيوطى وبحمل تحميل شديد على العفشة الأمامية لكن لو ماشى بسرعتك وخت مطب كل الضرر بتركز على المساعدين يعنى اكشف على المساعدين لو سلام ومش ضاربين زيت يبقى جت سليمة انما موضوع التزييق سببه انك بدات تركز على الأصوات الى طالعة من العربية بعد مشكلة المطب

**Mah_Badawy** · 17-02-2011 08:13 PM

المشاركة الأصلية كتبت بواسطة ahmedsrs

موضوع التزييق سببه انك بدات تركز على الأصوات الى طالعة من العربية بعد مشكلة المطب

+10000000000000000000000000000

**mazenzyad** · 18-02-2011 04:08 AM

المشاركة الأصلية كتبت بواسطة ahmedsrs

الضرر بيحصل لو ضربت فرامل وانت داخل على المطب عشان بوز العربية بيوطى وبحمل تحميل شديد على العفشة الأمامية لكن لو ماشى بسرعتك وخت مطب كل الضرر بتركز على المساعدين يعنى اكشف على المساعدين لو سلام ومش ضاربين زيت يبقى جت سليمة انما موضوع التزييق سببه انك بدات تركز على الأصوات الى طالعة من العربية بعد مشكلة المطب

العربية مجبتش 5000 كم اعرف ازاى ان المساعدين ضاربين زيت من غير ما اروح التوكيل ؟ و بعدين صوت التزييق ده مكنش بيظهر الاول دلوقتى بيظهر و انا بنزل من على المطب - مع الشكر

**mazenzyad** · 18-02-2011 08:03 PM

متابع باهتمام !!!

**ahmadmidop** · 19-02-2011 02:13 PM

ان شاء الله مافيش حاجة روح لحد بس يبص على العفشة ... انا اكلت حفرة على 120 !!! والحمد لله يادوب بس ظبطت زوايا وكله الحمد لله رجع تمام

**ahmadmidop** · 19-02-2011 02:15 PM

بص عشان تتطمن عاى المساعدين اضغط على العربية من على الشنطة جامد كأنك بتمرجح العربية كذا مرة وروح سايبها لو فضلت تمرجح شوية يبقى في مشكلة في المساعد لكن لو وقفت على طول يبقى تمام مافيش حاجة