ممكن حد يقولى معنى L و 2 وo فى الفتيس الهيدروماتيك ؟ وايه الفرق بين الاتوماتيك والهيدروماتيك
عرض للطباعة
ممكن حد يقولى معنى L و 2 وo فى الفتيس الهيدروماتيك ؟ وايه الفرق بين الاتوماتيك والهيدروماتيك
طبعا مفيش فرق بين الاوتوماتيك والهيدروماتيك
حرف إل معناها Low يعنى بطيئ وهى الاولانى فى النقل المانيوال من 0 الى 50 كم/ساعه
رقم 2 معناه التانى من 50 الى 100 كم/ساعه
حرف أو ده مش موجود أساسا
المفروض بعد رقم 2 ببجى رقم 3
والله اعلم
الكلام الي بيبقى مكتوب على اي فتيس اتوماتك بيختلف من عربيه لعربيه
يعني الال معناه الاول يعني انت ماشي على الاول فقط
2 و ده معناه انك تقدر تمشي على الاول و التاني فقط
اما 0 ده انا مش عارفه الصراحه
اما الاتوماتك و الهايدروماتك ده واحد مفيش فرق
شكرا يا شباب بس o ده انا مشفتوش الا فى عربيه واحد صاحبى معاه لانسر موديل
91 اوتوماتيك
انا عندى 1 و 2 و d3 و d4 و N و P
ممكن يكون موضوع الاو ده يا جماعه الاوفر درايف..
وده موجود كتير في العربيات الامريكاني القديمة..
مش عارف بقي موجود في الجديد ولا لأ..
وده بتستعمله لما بتكون طالع مطالع شديدة او محتاج عزم جامد قوي زي ما تكون بتشد حد بالعربية ولا حاجة..
ممكن اعرف معني كل واحده من دول
1 و 2 و d3 و d4 و N و P
انا عارف P بستخدم عند ركن العربيه زي المور في الماينوال
و N غالبا للرجوع للخلف
ايه استخدامات باقي الأوضاع بقه ؟
عرفت معني كل وضع من قرايتي في المنتدي
P بستخدم عند ركن العربيه (وممكن تستخدم N برده وفي الحالتين يستخدم فرامل اليد)
N زي المور في العربيه المانيوال
R للخلف
D للأمام
3 و2 و1 ده لوضع حد اعلي للنقل يعني العربيه متنقلش اكتر من التالت او التاني او الأول حسب الرقم اللي مختاره
الف شكر
ممكن نغير نقله الفتيس الهيدروماتيك والعربيه ماشيه ؟ اصلى سمعت ان مينفعش ننقل والعربيه ماشيه ولو كده يبقى الواحد ينقل من 1 او2 لd ازاى
ممكن حضرتك تنقل من النقلة الاقل للأكبر يعنى ممكن تستخدمه كأنه مانيوال...تجيب 1 و تطلع و تاخد سرعته و تجيب 2 و بعدين 3 و بعدين D و ده حيكمل اذا كان فى نقلة رابعة للفتيس لان الفتايس الاوتوماتيك 3 نقلات او 4 للأمام وR..او Reverse..نقلة عكسية او للخف..و فى عربيات فيها زرار فى عصاية الفتيس بيعمل نفش مفعول الحرق على النقلة او تسقيط نقلة بحيث يديك عزم شديد فى وقت قصير تقدر نسعف نفسك فى اى موقف عاوز سرعة مفاجأة لان الاوتوماتيك بطيئ شوية فى الاستجابة او التسارع..ده طبعا غيير ال N..اللى بيمور..و الP..انتظار..و يستحسن العربية تفضل على الN و تشد الهاندبريك عشان لو حد زقها على الP..ممكن تعمل مشكلة فى الفتيس
يعني حرف L بستخدم امتي بالضبط ؟
انا دائم امشي علي حرف D ولا لازم ابدل بنهم
السؤال التاني ؟اذ العربيه وقفت فجأة في نص الطريق في شارع زحمه ؟اعمل ايه وانا بسمع دائم ان السيارة الاوتماتيك خطا ان احنا ندفعها علم بن سيارتي مرسيدس دفع خلفي .
شكرا يا استاذ عمرو
عفوا يااستاذ احمد......بالنسبة لأمتى تستخدم الL...فهو بيستخدم غالبا فى مطلع جامد ...زحمة جامدة و انت متأكد انك مش حتجيب سرعة ازيد من سرعة النقلة الاولى..و دى معناها Low او أقل نقلة فى الفتيس..و طبعا ممكن حضرتك تمشى عليها و لو لقيت نفسك خلاص خلصت المطلع او السكة اتفتحت مش لازم تقف عشان تجيب النقلة الاعلى..ال D ..الحالة الوحيدة اللى تقف فيها لما تحب تجيب الR و متقلقش لو انت ماشى على الD الفتيس مش حيجيب النقلات الاقل 1 او 2 او 3 لان فى نظام امان يمنع تحرك العصاية الا على المور فقط او R ....و اذا العربية وقفت فى وسط الشارع حضرتك تجيب الN..المور و تزق عادى جدا عشان تيجى على جنب السكة..و عشان كده دايما و انت راكن بالذات على مطالع متجيبش الP..هات الN احسن و شد الهاندبريك...الكلام ده كنت بعمله فى عربيتى اللانسر..هذا و الله اعلم و اتمنى تكون معلوماتى كلها صحيحة
يفضل النقل من D الى N عند الوقوف او قبل الوقوف
مع العلم ان النقل بينهم بتحريك الفتيس بدون الضغط على زر الفتيس
طيب انا عربيتي فيها 1 2
والحروف العادية r / d / p / n
وان بسوق عادي بجيب الفتيس علي ال d وبعدين اطلع بالعربية وباكون راكناها علي حرف ال p وشادا الهاند بريك وانا بنقل علطول بدوس علي زرار الفتيس ، هل في وقت معين هو اللي لازم ادوس فيه علي الزرار ده ، ويبقي فين عندي زرار الاوفر درايف اذا كانت هي دي بس الحروف الموجودة .
ونادرا ما استخدم 2 او 1 الا اذا كنت في مطلع جامد والعربية مش مستجيبة
فهل هي دي الطريقة الصحيحة للسواقة ولا ايه
كمان احيانا بلاقي ان الفتيس مش راضي ياخد النقلة فابروح مرجعاه تاني علي ال n و اديله النقله الاقيه اشتغل فدا عادي ولا ايه ، ولا يكون محتاج تزويد زيت ؟
تمام يا شباب عندنا في الباجيرو وماكتش عارف حاجة :)
طبعا ده مش طبيعى..الفتيس كده ابتدى يأخر النقلات...جربى حضرتك تغيير الزيت و الفلتر و ممكن تتحل المشكلة ..اذا المشكلة فضلت يفضل انك ياتروحى التوكيل او لو فى حد بتاع فتايس معروف تروحيله..و يفضل التوكيل طبعا عشان محدش يفتى لان ممكن يكون الفتيس بيشارو عقله ..اذا كانت تكلفة التصليح عالية اسألى الاول على المستعمل بكام لانه حيكون افضل من التصليح..ولو ان كل ده و مش عارفين العربية نوعها ايه
انا قالوا لي في توكيل ميتسوبيشي انة يستحسن لو السيارة راكنة لفترة انك تبدا على ال1 (L) وبعد كدة 2 لغاية الd بطريقة دة تحافظ على gear box
دة شرح الهيدروماتيك من موضوع اسلام شهين http://www.nilemotors.net/Nile/showthread.php?t=7418
اقتباس:
أما النظام الهيدروليكي فيختلف تماما في طريقة عمله عن الأنظمة السابقة
http://www4.0zz0.com/2007/09/25/09/85873211.jpg
فكما نرى في الصورة ، تأتي الحركة من المحرك وتدخل على المضخة لتحويلها إلى ضغط تدفع به السائل داخل الأنابيب ثم يدخل هذا السائل على موتور هيدروستاتيكي يحول هذا الضغط إلى حركة مرة أخرى وينقله إلى العجلات.
ويكون النظام الهيدروليكي دائما متصل ببمجموعة تروس كوكبية (planetary gear set) كالموجودة في صندوق التروس الأوتوماتيكي(القديم) ، وذلك لتكوين نظام هجين يسمى hydromechanical transmission أو كما يطلق عليه في السوق(هيدروماتيك).
وهذا النظام ينقل الحركة على ثلاثة أنماط :
الأول؛ ويكون في السرعات الصغيرة ،ويستخدم النظام الهيدروليكي فقط.
الثاني؛ ويكون في السرعات الكبيرة ،ويستخدم النظام الميكانيكي فقط.
الثالث؛ ويكون فيما بين هذين النمطين ، ويستخدم كلا النظامين في نفس الوقت.
الزيت يتزود لو هو كويس و معداش عليه الكيلومتر المفروض..فى العربيات الكورى عشان فتايسها الاوتوماتيك عمرها اقل من اليابانى مثلا بيقولوا ان الزيت يقعد 20 الف اخره عشان يحافظ على الفتيس(معرفش الكلام ده صح و لا غلط) المهم و يستحسن تغيير الفلتر معاه..لو حضرتك عارفه الزيت عامل قد ايه غيريه لو عدى ال20الف لو معداش زوديه و جربى لو لقيتى بعدها المشكلة نفسها غيرى الزيت كله والفلتر الموضوع مش محتاج وكيل الا لو المشكلة استمرت بعد تغيير الزيت بالكامل و على فكرة لو حتروحى التوكيل روحى بتاع ابورواش بلاش بتوع القطامية عشان انا مجربهم (حافظين مش فاهمين)
دة مش شرح طريقة عمل الهيدروماتيك {او الاوتوماتيك}, دة شرح طريقة عمل الفيتيس الCVT و فية فرق بينهم فى التكنولوجيا و طريقة العمل.
للمزيد يمكن مراجعة هذا الموضوع:
http://en.wikipedia.org/wiki/Overdrive_%28mechanics%29