يا جماعه انا مش قادر و لا عايز اصدق ...
بس مستبعدش اي حاجه ....
الراجل ده كان شكلو كبر و خرف فعلا
كمان انا منقلتش الخبر ده الا لما لقيتو من مصدر كبير
يا جماعه انا مش قادر و لا عايز اصدق ...
بس مستبعدش اي حاجه ....
الراجل ده كان شكلو كبر و خرف فعلا
كمان انا منقلتش الخبر ده الا لما لقيتو من مصدر كبير
الناس اللى مؤيدة مبارك 3 انواع:
1- ناس ليهم مصالح وكانوا بياكلوا عيش من ورا هذا النظام السابق واللى كان له واسطة هتعينه مثلا وغيرهم
2- ناس سلبية وطالما انهم بياكلوا ويشربوا وخلاص
3- ناس ساذجة وبسيطة مرددين جملة ان مبارك معيشنا فى سلام بدون حروب وانه صاحب اول طلعة جوية ناسيين الشهداء اللى ماتوا فى حرب 73 ومع ذلك لم تحتكم اسرهم حتى على 70 الف جنيه مش 70 مليار
الطيران المنخفض لازم في حالة تأمين الهليكوبتر دا غير ان مين اللي هيركب تشينوك غير مبارك؟؟ أكيد مش وفد أجنبي بيتفرج عالميدان :E_braces[1]: وطنطاوي كان راكب طيارة صغيره
مش عارف ايه موضوع الترويع ده بس لو الكلام ده حقيقي يبقى اللي اصدر القرار ده أغبى بني آدم في مصر هيروعهم ازاي يعني؟؟
الطيارة دي تكلفت طلعتها غالية جداً والبدي بتاعها ليه عمر معين من ساعات الطيران وبعدين ده طلع اربع طيارات حتى مش طيارة واحدة يخوفهم بيها وخلاص
اف 16 ايه الى تضرب ميدان التحرير يا جماعة عايزين نشغل دماغنا شوية هو مبارك كان محتاج النوع ده علشان يفض المظاهرات فى ميدان التحرير هو بيحارب اسرائيل!!!!! الموضوع لو حقيقى كان هيبقى الافضل لتحقيق هدفه هو الضرب بالهليكوبتر لآنه لو استخدم الاف 16 هيدمر ميدان التحرير وماحوله غير ان عملية زى دى كان يتحاكم فيها دوليا وكان ممكن يبقى فيها تدخل دولى ومبارك برغم جبروتة لكنه ماكر وزكى لا يمكن كان يدى الغرب فرصة زى دى تخليهم يعلقوه زى صدام
موضوع سحق المتظاهرين من الجيش لم يكن مستبعد ،(انظرو تاريخ الثورات في النظم الاستبدادية) ولكن الجيش لم يكن ليوافق وان وافق امريكا بل اسرائيل نفسها لم تكن لتوافق خشية حدوث الاسوء وهو صحوة الاسلاميين وسقوط حقيقي للنظام يجعل مستبقل مصر وخياراتها مع اسرائيل غير متوقعة
اما بالنسبة للاب الحنون حسني مبارك فلم يكن يكترث بشعبه طيلة الثلاثون عاما من حكمه ، فهل يظن السذج والبكائون انه ليرحمهم او يشفق عليهم ، رحمتك يا رب
متهيألي المذكور في المقال .. "سحق المتظاهرين بالدبابات بعد تحليق الطائرات f16 على ارتفاع منخفض" ..
وليس ضرب المتظاهرين بالطائرات..
YouTube - ‫ط¶ط±ط¨ ط§ظ„ظ…طھط¸ط§ظ‡ط±ظٹظ† ظ‚ط±ط§ط± ط±ط¦ط§ط³ظٹ - 5 ظپط¨ط±ط§ظٹط±‬‎
يعني علي كده الراجل ده صح
انا هقول على اللى شفته و عايشته
كان يوم غريب جدا
فى الاول كان فيه ناس كتير واقفه قافله من عند عبد المنعم و حدوده مع التحرير اللى هيه اخر المتحف من ناحيه التحرير و مش عايزين حد يقف فى الحته ديه
لما شفت كده اتنرفزت و كان فيه جيش واقفين خلف طابور الناس اللى قافله
سألت الناس ديه قافلين كده ليه طبعا زعيق و نرفزه يقولوا ديه اوامر الجيش
ناديت على الظابط قلتله ممنوع هنا قاعد يلف و يدور وقالى عشان المتحف
قلتله خلاص نقفل من عند الرصيف
بس ماينفعش نقفل هنا
خناق و زعيق مع الناس اللى واقفه قافله و مش عايزين يفهموا اكن مخهم مقفول (الاعداد فى التحرير مكانتش كتير زى بعد كده)
كذا واحد اتدخل و ساندنى و دخلت المنطقه اللى ورا الصف و اتكلمت مع الظباط شويه هدوء و شويه نرفزه و فى الاخر قالوا خلاص ماشى
الصف اللى واقف وقف على الرصيف اللى فى النص و اتفتح المدخل
دخلت جوه التحرير لفيت شويه و شفت ناس اعرفهم
و بعدين رجعت تانى لقيت الدبابات داخله و ناس كتير بتتخانق
الدبابات حاولت تخش الميدان ووصلت لعبد المنعم رياض
وقفنا نتكلم مع الظباط تانى
و الكلام كان واضح
مافيش دبابه هتخش ميدان التحرير ولا مدرعه ولا اى حاجه
و قعدنا قصاد الدبابه اللى فى الاول و كان وراها طابور طويل من الاليات و فضلنا نزعق مع الظباط
و بدون تجميل كنا بنصرخ و بنعيط (عشان نقف فى التحرير فيه ناس ماتت ماحدش يقدر ياخد مننا التحرير)
لغايه ماجه واحد باسنا و حضنا و قالنا ماتخفوش مافيش حاجه هتخش
طبعا احنا كنا بنفكر انهم هيملوا التحرير و الطريق اليات عشان مافيش مكان الناس تقف و العدد يقل
بعد ما الموضوع هدى
قعدت على الرصيف اللى فى اول قصر النيل
شويه و لقيت طيارات بتعدى على ارتفاع ليس مرتفع و بسرعه عاليه و الصوت مدوى و كان فيه برضه طائرات هليكوبتر كتيره
لما هدى الموضوع
شفت روبرت فيسك بذاته معدى
سلمت عليه و اعربت له عن اعجابى الشديد
الراجل سلم عليا و قالى خلى بالكوا الوضع هيبقى سيئ جدا و خليك حريص
طبعا انا ماكنتش فاهم هو بيتكلم على ايه - بعديها بكذا يوم حصلت موقعه الجمل ففسرت اللى قاله على موقعه الجمل
بس بعد ماقريت الموضوع ممكن افهم كان قصده ايه فعليا
دي نفس القصة اللي كان قالها العسكري في الفيديو ده لو تفتكروا http://www.nilemotors.net/Nile/199784-a.html
و نفس القصة قالها لي واحد قريبي نقلا عن نقيب مدرعات في ميدان التحرير
بس انا ما رضيتش اقول ساعتها لأنه كان نقلا عن نقلا عن
الله اعلم بقى الحقيقة فين
استهدوا بالله ومش كل واحد يقول كلمتين دلوقت نصدقه
وعلشان اريحكم
من شخص رتبته صغيرة شوية لكن كان مهم لاقصي درجة في الوقت ده قال ان الاف 16 كانت للحماية واظهار ان الجيش موجود فقط ولم توجه لهم تعليمات باي شئ اخر غير اظهار ان سلاح الطيران متفق مع باقي افرع الجيش