عندما قال العادلي لمبارك " خلي الجيش ينفعك"

**amado ibrahim** · 17-02-2011 11:45 AM

المشاركة الأصلية كتبت بواسطة egyptiantune

قال تعالى متحدثاً عن الأخلاّء:
(الأخلاّء يومئذ بعضهُم لبعض عدوٌّ إلاّ المتّقين). (الزخرف/ 67)

ابناء الشرطة الشرفاء هم الجهة الوحيدة اللى تقدر تحسن صورة نفسها باجراءات عملية
(مش بالصعبنيات و التهرب من الحقيقة)

قال الله تعالى : ( أنزل من السماء ماء فسالت اودية بقدرها فاحتمل السيل زبدا رابيا ومما يوقدون عليه في النار ابتغاء حلية أو متاع زبد مثله كذلك يضرب الله الحق والباطل فأما الزبد فيذهب جفاء وأما ما ينفع الناس فيمكث في الأرض كذلك يضرب الله الأمثال‏(‏ الرعد‏:17)‏

عشان كده بنطالب باسماء تقدم للمحاكمة

واعذرونى فى الجملة اللى جاية

اللى يريد ان يحافظ على شرفه العسكرى فليتكلم الان او ليصمت للأبد

**medo2o1o** · 17-02-2011 11:55 AM

الله على ما اقوله شهيد

ضابط فى المنطقة معانا كان واقف معانا فى اللجان الشعبية

قالنا الاوامر جت بالانسحاب و امن نفسك و فى اوامر جت باخلاء الاقسام مع تعليمات انك تسيب كل حاجة

**wawoo** · 17-02-2011 12:03 PM

المشاركة الأصلية كتبت بواسطة amado ibrahim

لو حضرتك متأكد من الكلام ده

يبقى الجميع لازم يتقدم للمحاكمة العسكرية السريعة والعلنية

ايوة يا امادو ..انا سمعت المكالمة دى بنفسى ..يعنى محدش حكى لية و لا حاجة ..انا بنفسى سمعت احمد راتب كان منهار جدا و هو بتكلم و مش مصدق الرد دة

و الفنان احمد راتب موجود و مش حيكدب واقعة زى دى اكيد يعنى الان

**amado ibrahim** · 17-02-2011 12:07 PM

المشاركة الأصلية كتبت بواسطة medo2o1o

الله على ما اقوله شهيد

ضابط فى المنطقة معانا كان واقف معانا فى اللجان الشعبية

قالنا الاوامر جت بالانسحاب و امن نفسك و فى اوامر جت باخلاء الاقسام مع تعليمات انك تسيب كل حاجة

طب بالذمة ده كلام

انسحب

امال مين اللى يأمن الناس

امال فين الشرف العسكرى

اخلى القسم

وكمان اسيب كل حاجة

كل حاجة
اسلحة
ذخائر
ملفات
مساجين

اسيب كل حاجة وكمان من غير تأمين

ارجو من حضرتك
كمان مرة ارجو من حضرتك انك تتكلم مع الضابط الشريف اللى وقف مع اهله فى اللجان الشعبية

اطلب منه اسماء المتورطين فى هذه الخيانة العظمى للامانة

احنا عايزين الاسماء دى عشان نقدر نساعد شرفاء الشرطة عشان يقدرو يرفعو رؤسهم مرة اخرى
(لأن لا الصعبنيات ولا التهرب من المسئولية الخطيرة يقدرو يهدو الشعب الثائر)

عايزين اسماء تقدم للمحاكمة

على الاقل اسم القائد المباشر اللى ادى الامر بالانسحاب

ولو ان امر من النوع ده لازم يبقى أمر كتابى لخطورته

واخيرا تقبل تحياتى

**ahmed4000** · 17-02-2011 12:22 PM

صح وانا كنت واقف جنب العادلى ساعتها وطبطبت على كتفه وقلتله "مبارك بكرة يندم"

اى جد دلوقتى ممكن يقول اى حاجة فى اى حتة على لسان اى حد

الكلام مش لصاحب الموضوع ولكن للصحفى اللى كتب الكلام ده..ورغم يقينى الشخصى ان فعلا الشرطة خانتنا ودخلت فى عند مع الجيش..قابل اى ظابط شرطة حتلاقيه مبقوق من الجيش وبيحاول يبين ضعفهم ومشاكلهم

**fiat128man** · 17-02-2011 12:36 PM

ضابط فى المنطقة معانا كان واقف معانا فى اللجان الشعبية

قالنا الاوامر جت بالانسحاب و امن نفسك و فى اوامر جت باخلاء الاقسام مع تعليمات انك تسيب كل حاجة

نفس الكلام اللي ملازم في الشرطه قالهولي ........مع االفرق انه مسبش كل حاجه .

**amado ibrahim** · 17-02-2011 01:19 PM

المشاركة الأصلية كتبت بواسطة fiat128man

نفس الكلام اللي ملازم في الشرطه قالهولي ........مع االفرق انه مسبش كل حاجه .

يعنى ساب ايه و خد ايه

الضابط اللى حضرتك بتتكلم عليه عنده درجة اعلى من الوعى

وبرده مرة تانية

احنا عايزين اسماء

**amado ibrahim** · 17-02-2011 01:31 PM

المشاركة الأصلية كتبت بواسطة ahmed4000

صح وانا كنت واقف جنب العادلى ساعتها وطبطبت على كتفه وقلتله "مبارك بكرة يندم"

اى جد دلوقتى ممكن يقول اى حاجة فى اى حتة على لسان اى حد

الكلام مش لصاحب الموضوع ولكن للصحفى اللى كتب الكلام ده..ورغم يقينى الشخصى ان فعلا الشرطة خانتنا ودخلت فى عند مع الجيش..قابل اى ظابط شرطة حتلاقيه مبقوق من الجيش وبيحاول يبين ضعفهم ومشاكلهم

تسمحلى استعير عبارة حضرتك
(قابل اى ظابط شرطة حتلاقيه مبقوق من الجيش وبيحاول يبين ضعفهم ومشاكلهم)

عايز اعرف مبقوق من ايه

مبقوق انه شخص ملوش عزم و جلد وصبر 4 ايام خلوه يجرى يهرب ويطلع يعيط على الشاشات زى الاطفال
(اما الرجالة فربنا يحميهم بقالهم 3 اسابيع زى الوحوش ومحدش اشتكى منهم
بالعكس حكمو البلد واتعاملو مع اغلب اللى الباشوات خرجوهم عشان يروعو البلد بسلوب كله حزم و صرامة
<حد شاف العيال السوابق كان شكلهم عامل ازاى لما اتمسكو وعرفو انهم هيتحكمو محاكمات عسكرية وان البشوات اللى سلطوهم مش هينفعوهم>)

مبقوق انه معندوش حسن تصرف فى المواقف العصيبة ولا تقدير للامور
(لما اتسألو فى العاشرة مساء قالو احنا اللى خدنا قرار الهروب مكنش فيه اوامر
مشاء الله كله بيتصرف بطريقة اضرب و اجرى
كأنه ال 4 سنين بتوع الكلية لا بيتدربو ولا بيتعلمو أى حاجة عن علم الاستراتجى)

مبقوق ان بنيانه النفسى هش وضعيف وكان يدوبك مغلف بقشرة واهية من البطش و الغطرسة والقوة الزائفة(اللى فى أول مواجهة مع قوة حقيقية <الورد اللى فتح فى ميدان التحرير> بان ضعفها و تخاذلها)
(لما الناس قاللولو كلمتين طالع يعيط و يشتكى
<طب ما الشعب مستحملكو بقالو 30 سنة بكل صبر
استحملو انتو 10 سنين مثلا بلاش 30
خلينا احنا الاجدع>)

و اخيرا تقبل تحياتى

**amado ibrahim** · 17-02-2011 01:33 PM

المشاركة الأصلية كتبت بواسطة wawoo

ايوة يا امادو ..انا سمعت المكالمة دى بنفسى ..يعنى محدش حكى لية و لا حاجة ..انا بنفسى سمعت احمد راتب كان منهار جدا و هو بتكلم و مش مصدق الرد دة

و الفنان احمد راتب موجود و مش حيكدب واقعة زى دى اكيد يعنى الان

يبقى لازم نلاقى طريقة للتواصل مع الفنان أحمد راتب

و نجيب اسم الضابط اللى قال الكلمة دى ونحاسبه

محدش يعرف الفنان أحمد راتب

أو طريقة للتواصل معاه

و يوصلو صوتنا

**ahmedjumpo** · 17-02-2011 01:36 PM

المشاركة الأصلية كتبت بواسطة medo2o1o

الله على ما اقوله شهيد

ضابط فى المنطقة معانا كان واقف معانا فى اللجان الشعبية

قالنا الاوامر جت بالانسحاب و امن نفسك و فى اوامر جت باخلاء الاقسام مع تعليمات انك تسيب كل حاجة

نفس الامر حصل مع ضابط فى شارعنا كلمناه لما شوفنا على النت خطة الداخلية بالانسحاب و اشاعة الفوضى و قال ان الخطة حقيقية و جتلهم التعليمات بكده فعلا