مطلوب مساعده من الاعضاء بخصوص موبينيل بصفه عاجله
السلام عليكم و رحمه الله
الموضوع و ما فيه ببساطه شديده::
كنت حولت خط الموبيل بتاعي من موبينيل بريمو الي موبينيل ستار بريميوم 400 (اشتراك شهري 100 دقائق مجانيه لرقمين موبينيل 5000 دقيقه شهريا مع امكانيه تغيير الرقمين مره كل شهر)
و اساسا كان الهدف بتاعي اني احول للنظام المسمي المصري (8 قروش للدقيقه) خصوصا اني كنت بدفع 30 و
20 قرش في الدقيقه و نفس الشركه (موبينيل ) بتدي عملاء الشركه الدقيقه ب 8 قروش (و خدو بالكم اني في
نظام الريمو بدفع مبلغ اشتراك سنوي بس مش فاكر كام تحديدا)
المهم كان المفروض وقتها علشان احول من بريمو لكل المصريين ده اني احول لموبينيل ستار شهر علي الاقل
لان التحويل المباشر مكنش متاح وقتها
و طبعا الكسل الناتج عن امور و مشاغل الحياه خلاني اثبت علي الاشتراك الشهري, و مع استهلاكي العادي
كانت الفواتير بتيجي تحت ال 200 جنيه شهريا عاده و بالذات في الاول فكان الوضع طبيعي و عادي بالمقارنه
باستهلاكي من قبل ككروت مدفوعه مسبقا
لحد فتره مش قريبه بدأت الفواتير تيجي بأرقام مرعبه و استهلاك بشع لدرجه ان لو الفاتوره جت في حدود 400 جنيه كنت بحمد ربنا!!!
جربت في مره و علي الرغم من عدم تفرغي للذهاب الي مقرات موبينيل الرئيسيه, قررت اني اروح و اشتكي
الوضع الغريب ده, فوجئت طبعا بسياسه اني مطلوب مني ادفع مبلغ للكشف عن الفاتوره و مش كده و بس لأ ده
المفروض اني ارجع بعد 48 ساعه لاستلام تفاصيل الفاتوره!!!
طبعا دفعت و انا متبرم الفاتوره و قلت من هنا و رايح انا هاركز مع الاستهلاك بالذات بعد اي مكالمه طويله نسبيا
و كان الاكتشاف الغريب
الفاتوره كانت بتحسب فلوس ازيد من استهلاكي فعليا, و اوقات بعد المكالمات الطويله كنت بطلب #100# للتأكد
من التكاليف و بعد حوالي 3 او 4 ساعات و دون القيام بطلب اي رقم ارجع اعمل تشك تاني الاقي مبالغ الفاتوره
زادت لوحدها!!!!
رحت قبل 25 يناير الماضي و طلبت فحص الفاتوره خصوصا ان الفاتوره وقتها زادت حوالي 100 جنيه غير مبرره
اطلاقا في الاسبوع الاخير قبل صدور الفاتوره (بيتم احتساب الفاتوره من يوم 15)
و كان المفروض اروح استلم النتيجه يوم 25 يناير الماضي
طبعا مرحتش غير من كام يوم الاقي بقي النظام كالتالي:
17 ورقه مطبوعه فيها ارقام الموبيل و وحده الحساب "الثانيه" و مكتوب تكلفه استهلاك كل اتصال
شديت عليهم في الفرع ان شكوتي كانت ان في مبالغ بتضاف غير ذات صله بالاستهلاك الفعلي و مكنش في
استجابه غير ان معايا الورق بالاستهلاك و مطلوب مني اراجعه
و النهارده اتصلت بخدمه العملا و كلمت انسه و قلتلها علي المشكله
كان الرد ان معايا بيان الاستهلاك مفصل
ايه المشكله!!
اقولها و افهمها ان نظام الاحتساب بالدقيقه و ليس بالثانيه بمعني ان 61 ثانيه استهلاك يعني 2 دقيقه و في
البيان بتاعهم الاستهلاك لكل مكالمه مكتوب بالثواني (يعني مثلا 149 ثانيه و هكذا)
و دلوقتي حتي لما بقسم الاستهلاك بالثواني علي 60 (علشان اوصل لعدد الدقائق المستهلكه) و اضرب في 30
قرش لو الرقم غير موبينيل او 20 قرش لاي رقم موبينيل (و مع حساب الكسور الناتجه عن التحويل من ثواني لدقائق)
برضو التكلفه المكتوبه في بيان الاتسهلاك اعلي من الرقم اللي بيطلع في الاله الحاسبه
يا شباب ان فعلا عندي استعداد انزل و اطيح فيهم لان دي سرقه علني و المؤسف ان مش اول مره الكلام ده
يحصل و كوني تابعت استهلاكي اخر كام فاتوره لقيت ان فعلا في زيادات غير مبرره دايما بتحسب
و اللي فعلا بجد ينرفز ان مع ان الاستهلاك و الفاتوره بتحسب من يوم 15 في الشهر الا ان بيكون في خلال اول
كام يوم من صدور الفاتوره استهلاك محسوب في رينج ال 30 او 50 جنيه!!!!
يعني في اول ايام احتساب الفاتوره المفروض اني استهلكت ب 30 او 50 جنيه من غير ما اخد بالي برضو!!!!!!!
ياتري حد قابل المشكله الخطيره دي في موبينيل غيري ولا انا متحامل عليهم!!!!!
و ياريت حد يقولي علي شبكه محترمه احول ليها النهارده لأني نازل النهارده اشتكيهم و هصور هناك قتيل لو
استلزم الامر خاصه ان السرقه واضحه في احتساب الفاتوره التفصيليه كمان
ياريت الاعضاء يفيدوني علي وجه السرعه