عاوزين نبنى مصر من تانى ( عين شمس )

**khaled_sabry** · 17-02-2011 02:19 PM

يارجاله
عاوزين ننظف البلد دى
انا كنت سعيد جداا باللى شوفته بالشباب اللى زى الورد في عباس العقاد و اللى كان بينظف الشارع و بيوزع اكياس بلاستيك للعربيات مع جملة ( احنا بنظف الشارع و عاوزينك تنظف عربيتك و ماترميش حاجه من الشباك )

فياريت نعمل مجموعات تنظف كل منطقه و تدهن الارصفه من تبرعات من اهل المنطقه دى
و صدقونى كل الناس حتدفع فى البويه زى ما حصل فى التحرير

انا واحد من الناس اهه نفسى الكلام ده يحصل فى عين شمس مثلا ( مع العلم ان لاقيت شارع واحد بس هو اللى الرصيف فيه مدهون اسمه شارع عين شمس )

و انا عاوز اشارك الناس دول و ماعرفهمشى و مافيش فرصه اقدر اكون مجموعه معاهم للتنظيف او لدهان الارصفه او حتى اشترك معاهم بالتبرع

فياريت كل اللى عنده استعداد من عين شمس يشارك فى الموضوع ده يكتب و نتفق على خطه لتنظيف و دهان ( كل ) شوارع عين شمس ... و نكمل انجازنا اللى عملناه فى 25 يناير

ولا شباب عباس العقاد احسن منناا

**Ayman-Ahmed** · 17-02-2011 02:40 PM

عباس العقاد-مكرم عبيد-مصطفى النحاس-النادى الاهلى كلهم بيتنضفوا تقريبا يوم بعد يوم والباقى بيتساب على الناس بمعنى انه اللى بيقدر ينضف ينضف والناس المفروض ميبهدلوش تانى.

احنا عندنا عملنا ورق وعلقنا على العمارات

دعوة للنضافة

استمرارا لثورة 25 يناير والتطهير والنظافة راينا سكان----- ان نجتمع يوم----- لتنضيف والمحافظة على شكل منطقتنا ونتمنى ان نراكم بمعداتكم للحفاظ على النظافة.ونرجو من باقى السكان المحافظة على ما سيقوم به باقى الشباب.

**khaled_sabry** · 17-02-2011 03:08 PM

انا مالقتشى ولا ورقه من دول متعلقه عندى
انا ساكن فى ارض النعام - عين شمس

**Ayman-Ahmed** · 17-02-2011 03:12 PM

المشاركة الأصلية كتبت بواسطة khaled_sabry

انا مالقتشى ولا ورقه من دول متعلقه عندى
انا ساكن فى ارض النعام - عين شمس

اقصد اننا عملنا كدة فى منطقتى والحمد لله اتجمع شباب كتير وبنضف على الاقل دلوقتى كل واحد اودام عمارته.جربوا واعملوها على الاقل فى شارع واحد وضيفوا عليها مثلا وليبداء كل منا بالنظافة امام منزله.وبامر الله هتلاقى شباب كتير اتجمعت.او بعد الصلاة الامام يطرحها على الناس والقس يطرحها فى القداس.

**eng.m7md.ali** · 17-02-2011 04:47 PM

انا ساكن في شارع عين شمس اللي حضرتك تقصدو
ناحية مزلقان عين شمس
وبالفعل انا بنزل انا واصحابي هناك ندهن وننضف ونظم المرور بس للاسف الدنيا بترجع انيل من الاول بمجرد تاني يوم يبدا

**khaled_sabry** · 20-02-2011 01:34 PM

خلاص يا رجاله شكرا
الجامع اللى فى الشارع بتاعنا و اللى كان قايم بدور الازاعه المحليه على مستوى الشارع فى حشد اللجان الشعبيه و خلافه
جمع الناس و حدد وقت التجمع يوم السبت و بالفعل الشباب لمو الزباله و دهنو الارصفه ... ياسلام بقى لو الشارع اتسفلت و الناس استحمت كنا خلاص نبقى فى اوروبا