هي ايه حكاية تيييييييييييت تيييييييييت دي في المنتدى؟

طبعا انا مش باسأل ايه المقصود منها و إلا ابقى باستعبط.. بس مش عارفة ليه استخدامها كتير مش مريحني.. انا عارفة انها بديل عن كلام كتير ما ينفعش يتقال في منتدى عام.. انما مش شايفة ان استخدامها ما وصلش اللي كان اللي مستخدمها عايز يقوله.. يعني مثلا لما حد يقول دي ناس تييييييييييت ولاد تييييييييييت.. هل يعني كده انا ما وصلنيش هو عايز يقول ايه؟ بالنسبة لي هو كأنه قاله.. يعني الأذى الناتج عن سماع البذاءات بالنسبة لي حصل بالفعل :confused:

طبعا ده مش حجر على حرية حد انه يعبر عن غضبه بطريقته ما دامت لا تحمل أي بذاءات بطريقة مباشرة.. انما الموضوع ده مش اكتر عن تعبير عن عدم الارتياح تجاه ظاهرة زي دي.. و بس :rolleyes:

تيييييت دي بتتقال اسوة بصفارة الرقابة

هي في حد ذاتها مش غلط زي اللي بيقول

دول ناس $^@&^ ويقوم مدي الرموز

دي ويسيبوا كل واحد يحط مكان الرموز او

الصفارة اللي في نفسة!!



على الاقل احسن ما يقول اللفظ اللي في

دماغة هيجرح مشاعر البعض وممكن ينذر

او يتوقف حسب قواعد المنتدى.

اقتباس:

---

المشاركة الأصلية كتبت بواسطة Nader

تيييييت دي بتتقال اسوة بصفارة الرقابة

هي في حد ذاتها مش غلط زي اللي بيقول

دول ناس $^@&^ ويقوم مدي الرموز

دي ويسيبوا كل واحد يحط مكان الرموز او

الصفارة اللي في نفسة!!



على الاقل احسن ما يقول اللفظ اللي في

دماغة هيجرح مشاعر البعض وممكن ينذر

او يتوقف حسب قواعد المنتدى.

---

عارفة يا نادر انها زي صفارة الرقابة.. بس مش برضه بلاش منها و لا من غيرها احسن؟ يا رب اكون عرفت اوصل وجهة نظري :rolleyes:

هوا أنتي مش بتحيى حوريه ال

الرأى
هوا يعنى لازم نستحمل الى بيتعمل فينا ونخرس خالص
ولاحتى تيييييييييييييييييييييييي ييييييييييييييييييييييييي يييت
واحده صغيره ها ولاهتخلينى أزعل منك و
جرررررررررررررررررررررررر رررررررررررررررررررر
ههاهاهاهاهاهاهاهاهاهاهههه هههههههههاهاهاهاهاه

دة اية الموضوع الغريب دة :confused:
بصى يا عُلا لازم لما تكونى عايزة تلغى حاجة ...لازم تقدمى حل بديل

اية الحل البديل اللى ممكن يحصل للتعبير عن كدة ... على العلم (هنحتاج حاجات ذى دى كتير او ..فى الفترة اللى جاية و الزمن اللى جاى )

فيه ناستيتتت ولاد تيتتتتتتت :mad: :mad:
بيجبروكي إن تقولي تيييييت عليهم :mad: :mad:
و إلا الواحد هينفجر زي القنبلة الموقوتة اللي بتعمل تيييت قبل ما تفرقع :eek: :eek:
بس على رأي عاشق السيات ...
ما هو البديل ؟؟؟؟؟؟؟ :confused: :confused:

و ربنا يرحمنا جميعا :(

يا جماعة افهموني من فضلكوا انا اعتراضي على البذاءات و ما يشار إليها كمان.. هو يعني ما ينفعش نتكلم و نوصل اللي احنا عايزينه من غير بذاءة او إشارة للبذاءة؟ :confused:

البديل يا سيات هو اننا نبذل شوية مجهود في اننا نتكلم من غير شتيمة و لا إشارة ليها و بالتأكيد هانعرف و هانقدر.. ماحدش أول ما اتعلم يتكلم اتعلم الشتايم قبل بابا و ماما.. و لا ايه؟ :rolleyes:

كلامك صح 100 % يا آنسة علا وأحييكي عليه


طبعا انا عارف ان الدنيا بقى فيها مليون حاجه تخللي الواحد بيغلي وضغطه مرتفع ومتنرفز ومتغاظ و و و و و و و.... وبالتالي عايز يظهر رد فعل على اللي شايفه ده .. انما برضه ممكن الواحد يعبر عن كل اللي هو عايزه بطريقة لائقة ومهذبة هيوصل من خلالها اللي هو عايزه للآخرين دون أن يضايقهم بعبارات او تلميحات لعبارات مفهومة


زمان كانوا بيقولوا فلان ابن الايه أو ابن 60 × 70 يعني حاجه كده زي تييييت

بس انا شايف كتير مأيدين التيييت .. أنا رأيي تفتحي موضوع تعملي تصويت :

هل تقبل التيييييت في المواضيع أم لا تقبلها

ونشوف رأي الناس في المنتدى

اقتباس:

---

المشاركة الأصلية كتبت بواسطة SEATLOVER

دة اية الموضوع الغريب دة :confused:
بصى يا عُلا لازم لما تكونى عايزة تلغى حاجة ...لازم تقدمى حل بديل

اية الحل البديل اللى ممكن يحصل للتعبير عن كدة

---

انا معاك فى الموضوع ده مليون فى الميه ... وعلى فكره الحكومه بتاعتنا والحزب الوطنى كان عندهم بعد نظر بجد لما ابتدوا مش بس يشوفوا المشاكل لا ويقترحوا ليها حلول كمان..

انا هامشى بنفس مبدأ الحزب اللى خللى البلد كلها تتحرك ... وهاقترح حل جذرى للمشكله يقضى عليها فى مهدها وذلك بالإنتقال التحويلى من الإستخدام الغير متميز للكلمه "تيييييييييت" واستبدالها بالجيل الأحدث ذو التوجه العصرى المعبر عن مستقبل هذه الامه وهى كلمه "توووووووووت"

وكما هو واضح لحضراتكم فانه هناك اختلاف جزئى وكلى بين التكوين التكعيبى المرحلى المتشعب للكلمتين .... وإمعاناً فى التمثل بحكومتنا التقدميه الغراء (وهى صفه وفى نفس الوقت منتج صناعى هام يفرزه المسئولون الحكوميون اثناء جلوسهم على مقاعدهم) لن اكتفى فقط بهذا التخطيط قصير الأجل ولكن اعلنها صريحه من هذا المزنق ان المرحله بعد القادمه قد تم التخطيط لها بعناية مدروسه وأستقر رأى الخبراء على استخدام "ترباتتو ترباتتيت" فى مرحله لاحقه يكون المجتمع فى حينها قد نجح فى استيعاب التركيبات الكلاميه المختلفه وقادر على التفاعل معها....

يا شباب مصر ..... انه وقت الـ "تووووووووووت" ... وفى انتظار نهضة الـ "ترباتتو ترباتتيت" .... فهيااااا ...... البلد بتتحرك

اقتباس:

---

المشاركة الأصلية كتبت بواسطة tutankhamoun

فيه ناستيتتت ولاد تيتتتتتتت :mad: :mad:
بيجبروكي إن تقولي تيييييت عليهم :mad: :mad:
و إلا الواحد هينفجر زي القنبلة الموقوتة اللي بتعمل تيييت قبل ما تفرقع :eek: :eek:
بس على رأي عاشق السيات ...
ما هو البديل ؟؟؟؟؟؟؟ :confused: :confused:

و ربنا يرحمنا جميعا :(

---

ما ينفعش يا توت نتحول لقنابل موقوتة في وجوه الآخرين بصفة دائمة كده.. الضغوط مالية الدنيا منذ بدء الخليقة و متهيألي ماكانش فيه ضغوط اكتر من اللي اتعرض لها رسول الله صلى الله عليه و سلم و الصحابة.. بس مع ذلك ما سمعناش ان رسول الله صدر عنه لفظ بذئ او ان الصحابة كان معظم كلامهم سب في الكفار و شتم فيهم.

اما عن البديل فزي ما قلت لسيات في ردي السابق.. نيجي على نفسنا شوية و نحاول نخلي كلامنا من غير تييييييت عشان زي ما وضحت في رأس الموضوع ان كده تقريبا ما عملناش حاجة و المعنى بكامله وصل و الأذى حصل.. لية انا على الأقل :(

اقتباس:

---

المشاركة الأصلية كتبت بواسطة OlaOsman

ما ينفعش يا توت نتحول لقنابل موقوتة في وجوه الآخرين بصفة دائمة كده.. الضغوط مالية الدنيا منذ بدء الخليقة و متهيألي ماكانش فيه ضغوط اكتر من اللي اتعرض لها رسول الله صلى الله عليه و سلم و الصحابة.. بس مع ذلك ما سمعناش ان رسول الله صدر عنه لفظ بذئ او ان الصحابة كان معظم كلامهم سب في الكفار و شتم فيهم.

اما عن البديل فزي ما قلت لسيات في ردي السابق.. نيجي على نفسنا شوية و نحاول نخلي كلامنا من غير تييييييت عشان زي ما وضحت في رأس الموضوع ان كده تقريبا ما عملناش حاجة و المعنى بكامله وصل و الأذى حصل.. لية انا على الأقل :(

---

على فكرة أنا مش ضد كلامك يا علا إطلاقا
و على فكرة أنا أول مرة في حياتي اكتب كلمة تيت دي في المداخلة السابقة و لا أستخدمها إطلاقا و لكن لم يكن عندي أي اعتراض عليها
و لكن أنتي أخت كريمة لنا و إذا كنتي تشعرين بإيذاء منها .... فأنا معك قلبا و قالبا في رجاء الأخوة الأعضاء بعدم أستخدامها و لكي و كل أعضاء المنتدى تحياتي الحارة

المشكلة ان تيييت دي مش اللي كاتبها

هو اللي بيقول معناها... لا اللي بيقراها

هو اللي بيستنتج معناها وكل واحد على

استنتاجة!! يعني ممكن مثلاً يعني

لقدر الله يعني يكون اللي كاتب تيييت دي

كان قصدة يقول بدالها "منة لله" مثلاً

يعني!! هنحاسبة ازاي والنة في القلب

هنعرف نيتة منين؟؟!


دة كدة حلو اوي الحمد لله ان الناس محترمة

ومش بيقولوا حاجة تانية بدل تييييييت دي

زمان كنا بنشوف بلاوي بس اعدوا يتغربلوا

لحد ما بقى فينا افاضل الناس.

اقتباس:

---

المشاركة الأصلية كتبت بواسطة مصراوي جدا

كلامك صح 100 % يا آنسة علا وأحييكي عليه


طبعا انا عارف ان الدنيا بقى فيها مليون حاجه تخللي الواحد بيغلي وضغطه مرتفع ومتنرفز ومتغاظ و و و و و و و.... وبالتالي عايز يظهر رد فعل على اللي شايفه ده .. انما برضه ممكن الواحد يعبر عن كل اللي هو عايزه بطريقة لائقة ومهذبة هيوصل من خلالها اللي هو عايزه للآخرين دون أن يضايقهم بعبارات او تلميحات لعبارات مفهومة

---

فعلا يا أستاذ مصراوي الموضوع عايز شوية مجهود في اختيار الألفاظ اللي توصل الرسالة صح و في نفس الوقت من غير الاستعانة بالتييييييييت دي اللي زي قلتها.. يعني من الآخر الموضوع محتاج لباقة و ذكاء حواري مش اكتر.

اقتباس:

---

زمان كانوا بيقولوا فلان ابن الايه أو ابن 60 × 70 يعني حاجه كده زي تييييت

---

بس تيت بتاعة اليومين دول تحمل من المعاني ما لا يُحتمل من إيذاء للمشاعر مش طالبة خالص ان الواحد يسمعها كمان في منتدى محترم زي ده.

اقتباس:

---

بس انا شايف كتير مأيدين التيييت .. أنا رأيي تفتحي موضوع تعملي تصويت :

هل تقبل التيييييت في المواضيع أم لا تقبلها

ونشوف رأي الناس في المنتدى

---

ما بلاش احسن.. لا النتيجة تطلع مش في صالح رافضي التيت على طول الخط :rolleyes:

جزاك الله خيرا على فهمك و تفهمك :)

اقتباس:

---

المشاركة الأصلية كتبت بواسطة emadkamel

انا معاك فى الموضوع ده مليون فى الميه ... وعلى فكره الحكومه بتاعتنا والحزب الوطنى كان عندهم بعد نظر بجد لما ابتدوا مش بس يشوفوا المشاكل لا ويقترحوا ليها حلول كمان..

انا هامشى بنفس مبدأ الحزب اللى خللى البلد كلها تتحرك ... وهاقترح حل جذرى للمشكله يقضى عليها فى مهدها وذلك بالإنتقال التحويلى من الإستخدام الغير متميز للكلمه "تيييييييييت" واستبدالها بالجيل الأحدث ذو التوجه العصرى المعبر عن مستقبل هذه الامه وهى كلمه "توووووووووت"

وكما هو واضح لحضراتكم فانه هناك اختلاف جزئى وكلى بين التكوين التكعيبى المرحلى المتشعب للكلمتين .... وإمعاناً فى التمثل بحكومتنا التقدميه الغراء (وهى صفه وفى نفس الوقت منتج صناعى هام يفرزه المسئولون الحكوميون اثناء جلوسهم على مقاعدهم) لن اكتفى فقط بهذا التخطيط قصير الأجل ولكن اعلنها صريحه من هذا المزنق ان المرحله بعد القادمه قد تم التخطيط لها بعناية مدروسه وأستقر رأى الخبراء على استخدام "ترباتتو ترباتتيت" فى مرحله لاحقه يكون المجتمع فى حينها قد نجح فى استيعاب التركيبات الكلاميه المختلفه وقادر على التفاعل معها....

يا شباب مصر ..... انه وقت الـ "تووووووووووت" ... وفى انتظار نهضة الـ "ترباتتو ترباتتيت" .... فهيااااا ...... البلد بتتحرك

---

طــــيــــــب :o

اقتباس:

---

المشاركة الأصلية كتبت بواسطة tutankhamoun

على فكرة أنا مش ضد كلامك يا علا إطلاقا
و على فكرة أنا أول مرة في حياتي اكتب كلمة تيت دي في المداخلة السابقة و لا أستخدمها إطلاقا و لكن لم يكن عندي أي اعتراض عليها
و لكن أنتي أخت كريمة لنا و إذا كنتي تشعرين بإيذاء منها .... فأنا معك قلبا و قالبا في رجاء الأخوة الأعضاء بعدم أستخدامها و لكي و كل أعضاء المنتدى تحياتي الحارة

---

و انا بدوري أحييك على مراعاتك لشعور إخواتك البنات هنا في المنتدى :)

همه بس الظاهر ان أعضاء المنتدى من الرجال لسه مش واخدين على وجود بنات في وسطيهم، عشان كده واخدين راحتهم حبتين :rolleyes:

الحمد لله المشاكل كلها خلصت فاض بس
نقضى على شعار الجهل والرجعيه والفاشيه
والملوخيه والبطاطس المقليه والفراخ المشويه
الى هوا ( تيييييييييت ) عموما شويه وصاحب الشعار ده
هيختفى وطيعا أحنا عارقين هيروح فين
وأنا من هنا من موقعى هذا ( جزيره القطن ) تضامنا منى مع صاحب الشعار
هقولو
انا يكره تييت تيييت ويقولها لو أتسئل
أنشله أموت قتيل أو أخش ال تييييت
المعنى فى بطن الشاعر

ممكن نستخدم الاتى بدلا من تيييييييييييييييييت :
تبا
عليك اللعنه
خسئت
ثكلتك امك
عليك غضبة السماء
لا هناك الله
انك لعريض القفا

البدائل دى للاستخدام فى المنتدى فقط و اذا استخدمتها فى الشارع فلا تلومن الا نفسك و سيقول لك الكثير تيييييييييييييييييييييييي ييت:D نيههههههههههههههههههه:D

اقتباس:

---

المشاركة الأصلية كتبت بواسطة Nader

المشكلة ان تيييت دي مش اللي كاتبها

هو اللي بيقول معناها... لا اللي بيقراها

هو اللي بيستنتج معناها وكل واحد على

استنتاجة!! يعني ممكن مثلاً يعني

لقدر الله يعني يكون اللي كاتب تيييت دي

كان قصدة يقول بدالها "منة لله" مثلاً

يعني!! هنحاسبة ازاي والنة في القلب

هنعرف نيتة منين؟؟!
.

---

آه.. ده بأه نقاش موضوعي فعلا و لا تفكير بصوت عالي؟؟ :D
يا نادر.. خلينا نتكلم بصراحة.. هو اللي عايز يقول حاجة ينفع تتقال في مكان عام محترم رجال و نساء محترمين هايشيلها و يحط بدالها تييييييييت ليه؟ :rolleyes:

اقتباس:

---

دة كدة حلو اوي الحمد لله ان الناس محترمة

ومش بيقولوا حاجة تانية بدل تييييييت دي

زمان كنا بنشوف بلاوي بس اعدوا يتغربلوا

لحد ما بقى فينا افاضل الناس

---

ربنا يبارك و يزيد :)

اقتباس:

---

المشاركة الأصلية كتبت بواسطة OlaOsman

طــــيــــــب :o

---

ايه طيب دى؟ :) :)
معلش الساعه هنا 1 ولسه مخلص كلام مع الواد عفركوش ... فطلبت معايا فانتازيا ......

انما لو هانتكلم جد فانا مش باحس انها بيبقى معناها سئ ...زى ما حد من الاخوه قال انها حسب المتلقى .... باحس ان كتير بيستعملوها من باب الهزار مش اكتر ... يعنى .... وبعدين يا علا يعنى هى جت على دى .... يا ستى حنا موافقين عليها بس نلتزم احنا بآداب الحوار مع بعض وبابداء الرأى فى العربيات من غير فتاوى كتيييير وبالمشاركه الفعاله اللى من غير ++++ ... وبعدين كده نشوف مصادر ... آه ... اقصد معانى التيييت :) :)

طيب.. هو انا كنت بارد على كل واحد بإسمه احتراما للناس يعني اللي ردت في الموضوع.. انما طالما الناس بدأت تستخف بالموضوع و أهميته فأنا قلت اللي عندي و وضحت اللي ممكن يكون بيأذيني في منتدى محترم زي ده و وضحت وجهة نظري اكتر من مرة و الحمد لله في أكتر من عضو فهموا بالظبط انا عايزة اقول ايه و احترموا مشاعر فتاة بتتواجد في معظم الأحوال في مواضيع مرتاديها من الرجال.. و على هذا فخلاص.. انا خلصت كلام في الموضوع و شكرا للجميع :)

انا اسف جدا

دا مش رد شخصى
لكن أنا طالما عارف انى مش بأذى مشاعر أى حد بكلامى
أنا كده عدانى العيب ولا هه ؟؟؟؟؟؟؟؟؟؟
عموما أنا زى مأنا وأنتا الى بتتغير .....

اقتباس:

---

المشاركة الأصلية كتبت بواسطة OlaOsman

ماحدش أول ما اتعلم يتكلم اتعلم الشتايم قبل بابا و ماما.. و لا ايه؟ :rolleyes:

---

أنا ليا تعليق على النقطه ده

هو طبعا الواحد اول ما يتعلم أكيد مش هايتعلم الشتايم. بس في الأيام ده ممكن تشوفي عيل صغير مكملشي 5 او 6 سنين بيشتم شتايم عمر الواحد ما يتخيل انه يسمعها من طفل ذي كده.

المشكله إن الشتايم والبذائات بقت شئ عادي جدا في ال language skills بتاعت الشعب المصري وبقيت حاجه مشهوره جدا في بعض الأفلام المصريه الحديثه وفي الحوارات اليوميه

على العموم إحنا ممكن نغير تيت تيت ده ( مع إنها ممكن تدخل في كلمات أغنيه:):)) إلى وضع نقط ........ ( يعني مكان فاضي أو فاصل ) يتيح للي عايز يكمل محتوى الحوار إنه يملأ الفراغات بمعرفته وفي الأول وفي الأخر كل شخص هايملأ الفراغات ده بناءا على ثقافته هو مش ثقافة كاتب الحوار.

انا معاكى يا علا كلامك صح , ورأيى ان استعمال هذه ( مش عارف اسميها ايه ) ناتج عن عدم دراية باللغة والا كان استعمل اللفظ الصح وبدون خدش الحياء او التعرض لتعليمات الادارة

أنا معاك فى البدائل دى:

اقتباس:

---

المشاركة الأصلية كتبت بواسطة ams

عليك اللعنه
خسئت
ثكلتك امك

انك لعريض القفا

---

وبالذات معاك فى آخر واحدة
لكن مش معاك فى (عليك غضبة السماء) لأنها بتفكرنى ب اللى بيقول (عدالة السماء و رحمة السماء) كأن السماء بقت إله يحكم ويغضب ويرحم رغم إنها مخلوق زييى زيك

يعني يا جماعــــة انا لو قلت دول عالم ولاد شحيبر ..... تفتكروا شحيبر ها يزعل :(

و لا لو قلت تتتتت ولاد تتتتت ..... ال لبيب بالاشارة يفهم :p هي شقاوة ليس الا :p

و مش ناقصـــة الواحد يكبت و يخبي فى معاميق اعماقة لغاية ما ينفجر

اعتبروها طريقة تسريب معقولة بدون قلة تييتتيتيت :rolleyes:

:(و لا حول و لا قوة الا بالله :(

صحيح الواحد احيانا بيمر باوقات ضيق ونرفزه .. بس مش معني كده ان احنا نؤذي مشاعر الأخرين ..وبعدين والله اعلم ان الكلام ده ممكن ناخذ عليه ذنوب .. ما الكلام ده بيكون واضح معناه برضه .. هو لو كان كلام عادي صاحبه مكتبوش ليه ؟؟
يا ريت كل واحد قبل ما يسجل الرد يتخيل ان ابنه او بنته ستقرأه ... يا تري منظرك ها يبقي ازاي امامهم ؟؟
ايه رأيكم نستبدل الشتيمه دي بكلام مثل :
ربنا يهديهم
ربنا يسامحهم
وبكده ناخذ حسنات مش ذنوب . واللي مش هايقدر علي ما سبق ممكن يقول
ربنا علي الظالم
اللهم انتقم من الظالمين / الفاسقين / المسرفين

عاوزين نكون قدوه لأبنائنا

معلش يا علا لسه شايف موضوعك
بصراحة انا واحد من الناس اللي ممن افقد اعصابي وانا سايق خاصة اوقات لما الاستفزاز بيزيد
بس براعي جدا وجود زوجتي او امي لو جنبي وبحاول امسك اعصابي على قد ماقدر
ونفس الوضع هنا
بحاول ماستخدمش الفاظ سيئة طبعال لوجود ناس محترمين كتير واحتراما لنفسي قبل الاخرين
ولفظة تيت دي انا كمان معترض عليها ومش متقبلها فعلا لانها بدات تزيد وبدات تعبر عن اللي بيستخدمها كثير الشتيمة
وانا بضم صوتك لاعتراضك
وبوجة نداء للاعضاء بعدم تحوير الموضوع او الاستخفاف بيه من فضلكم

معلش يعني مع احترامي الكامل للجميع أنا مش شايف إن الموضوع مستاهل كل الحوار ده تييييييييييييت ديه زي ما نادر قال كل واحد بيفهما زي ما هو عايز يعني زي ما يكون حد بيحكي عن موقف صعب ويقوم قايل ( ومنه لله ) مثلا ( وحسبي الله ونعم الوكيل ) ، طيب هنقول ليه ما بيكتبش الكلام ده ؟ هو حر براحته أنا مش شايف إن فيها حاجه ولا جرح لمشاعر ولا إيذاء لأي شخص كل واحد يفهمها زي ما هي ، وبعدين انا بأت ألاحظ أن المنتدى الاجتماعي بقت مواضيعه بصراحه صعبه شوية ، وليا اقتراح للإدارة كان قاله نادر قبل كده وأنا أؤيده بشدددددددده وهو ان المنتدى الاجتماعي ده يتقفل ويبقى دخوله بعضوية خاصة ويكون مغلق على اللي فيه نتكلم بقه في طبيخ في تيييييييييييييت في أي حاجة ثانية لا تمت للسيارات بصلة وبضايق أي حد ثاني ، وياريت يتم تفعيل هذا الاقتراح بأسرع وقت ممكن لأن تيتتتتتتتتتتتتتتتتتتتتتتت تيتتتتتتتتتتتتتتتتتتتتتتت ت تيتتتتتتتتتتتتتتتتتتتتتتت تتتت !!!!!!!!!!!!!!!

موضوع تيت ده عادي جدا <مع احترامي للجميع> و على فكره انا كتبتها كتير هنا في المنتدى بقصد الهزار مش اكتر
و بعدين ناس كتير هنا معترضه على تيت
طب الي كاتب الموضوع و الي علقوا على تيت بانه شئ خاطي مش بيمشوا في الشوارع و يركبوا ميكروباصات و لا مش بيسوقوا عربيات و لا مسمعوش بنت بتشتم شتايم وحشه <بلاش تييييييت>
و مكتبش كلمه واحده توحد ربنا على موضوع زي ده و زعلان اوي من تيت
تيييييييييييت دي للاسف بقت مش حاجه
الالفاظ الخارجه للاسف بقت هيا الحوار الرسمي بين الناس بين المدير و العامل بين الولاد و البنات
السينما زات نفسها بقت بتقول الكلام معدتش تعمل تيييييييييييييييت
المفروض ان احنا ندعو لالغاء الكلام الخارج و نحاول ابقاء تييييييييييييييييتت على امل حاجه من اتين
ربنا يصلح الحال و منحتاجش نقول تيييييييييييييييت
او الحال يبقى اوحش و الكلام الخارج يبقى عادي و سعاتها مش هنحتاج تييييييييييييييت لان الكلام بقى عادي
مع كامل احترامي للاخت علا

بصراحه انا مش شايف فيها حاجه رغم اني ما بستعملهاش و قليل لما بشتم حد.
بس برضه مش شايفها موضوع يتفتح و يتناقش .
انت يا علا بتقولي انك بتضايقي اوك معاكي
بس الكلام دا لو قريتي شتيمه انما انت قريتي كلمه زي تيييت دي يا تري عرفتي اللي قايلها قصده ايه؟؟؟
و بعدين يعني احنا خلاص كمصريين بقينا كاملين المعاني من كله علشان نفكر بقي في تيت و في الحاجات دي.
يا ستي اللي كاتبهها و قصده شتيمه ابقي انصحيه و الله اخد بالنصيحه و احترم وجودك اوك ما اخدش بالنصيحه محدش يقدر يلومه و حسابه عند ربنا لو قصده يشتم انما ان المنتدي يعمل قاعده يمنع فيها كلمه تيييت متهيالي صعبه اوي الحكايه دي

انا اتفق مع رأي علا
اذا كنا ساعات بنفقد اعصابنا في الحياة ... احنا هنا امامنا فرصة اننا نراجع كلامنا قبل ما نبعته .. وبعدين المنتدي ده فيه ناس انا باعتبرهم نخبه من المجتمع .. لو ما سيطرناش علي عصبيتنا هنا .. امال في الحياة الفعلية ح نعمل اية ؟؟

انا باقترح علي الاعضاء الكرام اننا نعمل معاينة للمشاركة ونقرأها قبل ما نرسلها
اولا : ح نلاقي كلام ممكن اننا نعيد صياغته بشكل افضل
ثانيا :ح نلاقي غلطات املاءية كتير اوي وبعضها ممكن يغير المعني تماما
ثالثا :ح نلاقي كلام ممكن يزعل غيرنا مننا وممكن ببساطة نغيره او نلغيه

صدقوني ... انا عملت كده كتير اوي ... وساعات كتير كنت بألغي المشاركة كلها ..ساعات بالاقي ان اسلوبي مش ظريف .. وساعات بالاقي ان المشاركة مالهاش معني ومافيهاش اي اضافة للموضوع ... وساعات بالاقي نفسي باهزر في موقف لا يحتمل الهزار ... وساعات بالاقي ان كلامي ممكن يجرح زملائي
انا في اكتر من 90 % من مراجعاتي باستبدل كلام كنت كاتبه...... ِأو بالغي المشاركة كلها

انا معاكى يا علا فى موضوع الالفاظ بس انا عن نفسي شايفة ان كل الاعضاء هنا فى قمة

الاحترام سواء دلوقتى او من قبل وجودى هنا ..يمكن قليل اوى لما حد يتجاوز فى

الكلام او حاجة و بيبقي مش قصده لكن بالنسبة لكلمة تيييت نفسها او حتى

الرموز &%^&&^^% انا نفسي بعملها و مش بيبقي حتى قصدى لفظ وحش

او حاجة انا عن نفسي باخدها بمعني زعيييييق و خلاص مش لازم زعيق بالالفاظ بذيئة و

فى الاول و الاخر كل واحد ليه حرية التعبير بشرط انه ميئذنيش

الله ينور عليك يااستاذ احمد ابراهيم +111111
......
والف شكر يا استاذه علا على الموضوع...وحرصك على ظهور المنتدى فى افضل صوره....

بس انا مش شايف ان تيييييييييييت فيها اى معنى خارج...يعنى ساعات الواحد بيكون متغاظ او هيطق من جنابو. http://content.sweetim.com/sim/cpie/...s/000200BA.gif

..فدى ساعات بتريح الواحد......
هى كانت ممكن تكون غلط...لو فيها ايحاء للفظ او تعبير معين...انما تيييييييت
ممكن الواحد مايكونش يقصد بيها اى شتيمه ...بس اهى مجرد اداه للتنفيث مش اكتر
...........
او ممكن تييييييييت اللى هى زمارة العربيه بتاعت الفرح مثلا...تييييييت تيييييييت تييت تييت تييييييييييييييت :D
..................
الناس مخنوءه ياحماعه...فخلونا نعبر عن خنقتنا او اعتراضنا..مادام فى حدود اللياقة..

.بدل ما نفرقع من الغيظ http://content.sweetim.com/sim/cpie/...s/000201B7.gif

اقتباس:

---

المشاركة الأصلية كتبت بواسطة onna

انا معاكى يا علا فى موضوع الالفاظ بس انا عن نفسي شايفة ان كل الاعضاء هنا فى قمة

الاحترام سواء دلوقتى او من قبل وجودى هنا ..يمكن قليل اوى لما حد يتجاوز فى

الكلام او حاجة و بيبقي مش قصده لكن بالنسبة لكلمة تيييت نفسها او حتى

الرموز &%^&&^^% انا نفسي بعملها و مش بيبقي حتى قصدى لفظ وحش

او حاجة انا عن نفسي باخدها بمعني زعيييييق و خلاص مش لازم زعيق بالالفاظ بذيئة و

فى الاول و الاخر كل واحد ليه حرية التعبير بشرط انه ميئذنيش

---

الله ينور عليكي يا نهى

والله انا شايف إن الموضوع ده مش للدرجه اللي تخلي الناس تضايق من بعضيها

وذي ما إنت ما قولتي الناس هنا في غاية الإحترام والمشرفين مستحيل يسيبوا حاجه ذي كده تحصل هنا في المنتدى

أرجوا إنك ياعلا ما تخديش الموضوع ده علا محمل شخصي لأن ده حرية رأي وحرية تعبير مدام هيه ماخرجتشي عن نطاق المسموح

اقتباس:

---

المشاركة الأصلية كتبت بواسطة hazem_khidr

بصراحه انا مش شايف فيها حاجه رغم اني ما بستعملهاش و قليل لما بشتم حد.
بس برضه مش شايفها موضوع يتفتح و يتناقش .
انت يا علا بتقولي انك بتضايقي اوك معاكي
بس الكلام دا لو قريتي شتيمه انما انت قريتي كلمه زي تيييت دي يا تري عرفتي اللي قايلها قصده ايه؟؟؟
و بعدين يعني احنا خلاص كمصريين بقينا كاملين المعاني من كله علشان نفكر بقي في تيت و في الحاجات دي.
يا ستي اللي كاتبهها و قصده شتيمه ابقي انصحيه و الله اخد بالنصيحه و احترم وجودك اوك ما اخدش بالنصيحه محدش يقدر يلومه و حسابه عند ربنا لو قصده يشتم انما ان المنتدي يعمل قاعده يمنع فيها كلمه تيييت متهيالي صعبه اوي الحكايه دي

---

برده عليك نور يا حازم

ما هو ده اللي ناس بتحاول تقوله من البدايه

وزي ما قلت الموضوع مش مستاهل علشان الناس تزعل من بعضها وكمان علشان الناس تقعد ترغي فيه يجي 10 صفحات ويدخل عليه حوالي 5000 مشاهد :) علشان يشوفوا الناس بتتحاور في آيه وكل مشاهد يدخل ويقول ( يعني الناس سابت كل حاجه في الدنيا وجت على تيت تبت وبدأت تبني الهرم)

انا مش عايز ققلب الموضوع هزار إحتراما لعلا وإحتراما للناس هنا بس بجد الموضوع مش مستاهل

اقتباس:

---

المشاركة الأصلية كتبت بواسطة aif

انا اتفق مع رأي علا
اذا كنا ساعات بنفقد اعصابنا في الحياة ... احنا هنا امامنا فرصة اننا نراجع كلامنا قبل ما نبعته .. وبعدين المنتدي ده فيه ناس انا باعتبرهم نخبه من المجتمع .. لو ما سيطرناش علي عصبيتنا هنا .. امال في الحياة الفعلية ح نعمل اية ؟؟

انا باقترح علي الاعضاء الكرام اننا نعمل معاينة للمشاركة ونقرأها قبل ما نرسلها
اولا : ح نلاقي كلام ممكن اننا نعيد صياغته بشكل افضل
ثانيا :ح نلاقي غلطات املاءية كتير اوي وبعضها ممكن يغير المعني تماما
ثالثا :ح نلاقي كلام ممكن يزعل غيرنا مننا وممكن ببساطة نغيره او نلغيه

صدقوني ... انا عملت كده كتير اوي ... وساعات كتير كنت بألغي المشاركة كلها ..ساعات بالاقي ان اسلوبي مش ظريف .. وساعات بالاقي ان المشاركة مالهاش معني ومافيهاش اي اضافة للموضوع ... وساعات بالاقي نفسي باهزر في موقف لا يحتمل الهزار ... وساعات بالاقي ان كلامي ممكن يجرح زملائي
انا في اكتر من 90 % من مراجعاتي باستبدل كلام كنت كاتبه...... ِأو بالغي المشاركة كلها

---

هو صح إن كل واحد يراجع الكلام اللي كتبه قبل ما يبعته بس ده ما يمنعشي إن أي شخص حر في التعبير عن ما بداخله مع الألتزام بأداب الحوار وكمان الموضوع ده هايخلي الناس بدل ماتكتب الحاجه في ربع ساعه تكتبها في نص وهكذا

وزي ماقلت قبل كده المشرفين هنا مستحيل يسيبوا حاجه ذي كده تحصل وعلشان كده المنتدى ده محافظ على هيكله العام ومحافظ على محتواه

اقتباس:

---

المشاركة الأصلية كتبت بواسطة إسلام شاهين

معلش يعني مع احترامي الكامل للجميع أنا مش شايف إن الموضوع مستاهل كل الحوار ده تييييييييييييت ديه زي ما نادر قال كل واحد بيفهما زي ما هو عايز يعني زي ما يكون حد بيحكي عن موقف صعب ويقوم قايل ( ومنه لله ) مثلا ( وحسبي الله ونعم الوكيل ) ، طيب هنقول ليه ما بيكتبش الكلام ده ؟ هو حر براحته أنا مش شايف إن فيها حاجه ولا جرح لمشاعر ولا إيذاء لأي شخص كل واحد يفهمها زي ما هي ، وبعدين انا بأت ألاحظ أن المنتدى الاجتماعي بقت مواضيعه بصراحه صعبه شوية ، وليا اقتراح للإدارة كان قاله نادر قبل كده وأنا أؤيده بشدددددددده وهو ان المنتدى الاجتماعي ده يتقفل ويبقى دخوله بعضوية خاصة ويكون مغلق على اللي فيه نتكلم بقه في طبيخ في تيييييييييييييت في أي حاجة ثانية لا تمت للسيارات بصلة وبضايق أي حد ثاني ، وياريت يتم تفعيل هذا الاقتراح بأسرع وقت ممكن لأن تيتتتتتتتتتتتتتتتتتتتتتتت تيتتتتتتتتتتتتتتتتتتتتتتت ت تيتتتتتتتتتتتتتتتتتتتتتتت تتتت !!!!!!!!!!!!!!!

---

براحه شويه يا إسلام مش كده.

ده انا حسيت إنك داخل بعربيه لوري جوه الموضوع ده:D

لازم برده يكون عندنا سعة صدر ومناقشه موضوعيه لأي موضوع يتفتح

وأيه حكاية عضويه خاصه ده وهل ده هاتبقى ببلاش ولا ليها إشتراك شهري:D