مقارنة بين ال Fiat Punto classic 2011 & Hyundai I10 2011 GL

**hazememam14** · 17-02-2011 07:38 PM

محتاج مقارنة يا جماعة بين البونتو كلاسيك 2011 و الهيونداي i10 2011

سعر البونتو 68500
سعر الهيونداي 66500

البونتو : صربي , تكييف ,سيتي باور , سنتر,زجاج كهرباء أمامي , مساحة خلفية , مفيش كاسيت , مش عارف في سماعات ولا لأ , 1250 سي سي . استهلاك بنزين من 4.7 الي 7 , المتوسط 5.7 , قطع غيار غالية في التوكيل بس متوافرة برة عادي , الصيانات في التوكيل في أوماترا غالية بس مش عارف ايه نظامها عند الوكلاء المعتمدين

الهيونداي: هندي , تكييف . باور عادي . كاسيت roadstar with usb , مفيش سنتر ولا زجاج ولا مساحة خلفية , موتور 1100 سي سي , بنزين من 4.8 الي 5.7 , قطع الغيار في التوكيل أغلي من باقي الهيونداي لكن أرخص من البونتو في التوكيل بس مستحيييييييييل تلاقيها برة التوكيل , الصيانات في التوكيل مش غالية خالص لكن هيا كل 5000 كيلو بعكس البونتو كل 10000 كيلو

ياريت أشوف رأيكو ايه و لو أي حد عنده اضافة أو تصحيح ما يبخلش علينا

**medo2o1o** · 17-02-2011 07:42 PM

بيكانتو افضل هى هياها الاى 10 بس منتشرة اكتر و توكيل افضل
البونتو رائعة بس توكيلها &*&*)&) لو تعرف اماكن صيانتها برة و مش هتعتمد على التوكيل توكل عل الله و هاتها

**fouady** · 17-02-2011 07:44 PM

أنا شايف بونتو طبعا وال بونتو فيها سمعات

**hazememam14** · 17-02-2011 07:55 PM

اللي خلاني أستبعد البيكانتو ان هينزل منها شكل جديد 2012 , و برغم ان رأيي ان الشكل اللي موجود دلوقتي أحسن منه بكتيير بس المشكلة ان لما الجديد ينزل سعر اعادة البيع بتاع الشكل القديم 2011 هينزل جامد لكن ال i10 2011 الشكل الجديد بس أنا الصراحة مستغلي الi10 66500 كتير قوي علي عربية فاضية وبكاسيت roadstar , دا أنا كمان نسيت أقول ان البونتو فيها 2 airbags , بس عيب البونتو التوكيل فعلا غااااالي قوي يعني مثلا بوجيهات الهيونداي عند غبور ب 48 جنيه لكن بوجيهات البونتو في أوماترا ب 142 جنيه و قيس علي كده كل حاجة , أنا محتااار جدا

**M.Alaa92** · 17-02-2011 09:53 PM

بص يا باشا اهم حاجة الامان و الايرباجز اهم من اى حاجة تانية ثم فى فرق فى التقفيل لصالح البونتو و لو تعرف تصينها فى مركز معتمد يبقى كان بها

**karimalaa** · 18-02-2011 01:41 PM

حرام بجد مقارنة زي دي! لو حضرتك بتقارن عربية بعربية يبقى حرااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااام
لو توكيل بتوكيل نقول ماشي ساعتها....لكن حرام i10 ب punto classic!
دي الpunto تخلي الi10 تكح تراب من جميع النواحي....ثبات , تحكم حتى لو على 150-160 كم\س , أمان , تقفيل , قاعدة عجلات أكبر , أوسع , واخدة جوايز عالميا من أول ما طلعت لحد دلوقتي , شنطة أوسع , أقيم كقيمة مقابل سلعة ,و لسه في حاجات كتييييييييييييييييير ممكن يتعمل بيها كتاب!
لو حنتكلم عن الصيانة....ايه الميزة اللي في ال i10؟

**hazememam14** · 18-02-2011 05:42 PM

أنا فعلا متفق معاك في كل الحاجات اللي حضرتك قولتها , الحاجة الوحية اللي قلقان منها هي التوكيل بتاع أوماترا ده , قطع الغيار فيه غالية جدا و كمان المصنعيات أغلي من غبور بكتيييييير , يعني مثلا احنا معانا نيو أكسنت 2008 , عاملين صيانة ال20000 عند غبور اتكلفت حوالي 450 جنيه و المفروض انها عربية كبيرة الي حد ما , طب لما صيانة البونتو ال 20000 تتكلف حوالي 900 جنيه و صيانة ال40000 تتكلف قرب 2000 جنيه !!!!!!!!!!!!!!!! أنا معاك ان البونتو عربية محترمة بمعني الكلمة و من شركة بتصنع عربيات من سنة 1899 مش هيونداي اللي بادئة تصنع عربيات في السبعينات !!!!!!!!!!!! بس هي الحاجة الوحيدة اللي خليف منها هي التوكيل خصوصا لو لا قدر الله احتاجته في حاجة غير الصيانة , ياريت لو حضرتك تعرف وكلاء صيانة معتمدين يكونو أرخص من أوماترا تقوللي عليهم تبقي عملت فيا خير و طمنتني قوي , لما كان معانا الأونو كنا بنعمل صيانتها في شركة النيل الهندسية اللي كانت في الهرم دي كانت التوكيل أيامها و كانو ناس محترمين جدااااااااااا بس علي حد علمي دول دلوقتي مش وكيل معتمد لفيات

**karimalaa** · 19-02-2011 12:27 AM

من الأخر...التوكيل حيقرفك لو عزت تركب أي حاجة في العربية...مش حايجوا سكة غير بالوش الناشف و تبقى جدّي معاهم في كلامك عشان يتعدلوا....المصنعيات استهبال على أد ما تقدر تقول الساعة ب100 جنيه و تغيير الزيوت ساعة الا ربع يعني 75 جنيه مصنعية تغيير زيت بس!!!
أنا شايف تجيبها...تعمل صيانة ال10 و ال20 في التوكيل
و الباقي مع نفسك...أنا باعمل كده بس نصيحة....أي تغيير سيور يبقى في التوكيل..غير كده أي حاجة تانية أمرها ساهل...فلاتر بوجيهات و الكلام ده...و متنساش ان في مراكز معتمدة و أكيد أسعرها أرخص من أوماترا بكتير...و قطع الغيار مليانة عند محلات قطع الغيار من أول الصيني لحد الايطالي الأصلي...

**Formulator** · 19-02-2011 06:05 PM

مبدئيا ماينفعش تقارن البونتو كلاسيك بـ توكتوك
وبالنسبة لموضوع التوكيل وقطع الغيار:
أنا كان معايا punto 2004 speedgear وكنت بلاقى حاجتها عند الكيلانى فـ شارع شمبليون وبرضه عند فيات2000 ...
على الرغم انها كانت "نادرة" 1242cc DOHC 16v 80hp وكنت بلاقى قطع غيارها...!!!

رأيى الشخصى.. دوس فـ البونتو ومش هتعانى زى الناس اللى معاها جراند وأيفو وبرافو... ياراجل ده الجراند حاجتها بدأت تنتشر بره التوكيل..! عقبالنا يارب..

الموضوع: مقارنة بين ال Fiat Punto classic 2011 & Hyundai I10 2011 GL

LinkBack

أدوات الموضوع

عرض

-

-

-

-

-

المواضيع المتشابهه

Fiat Punto Classic vs Kia Picanto

مقارنة بين Renault Sandero و Fiat Punto Classic

السيارة هيونداى أكسنت أر بى 2011 الجديدة Hyundai Accent RB 2011

Fiat Sienna or Fiat Punto Classic

fiat punto classic 2008/2009 owners pease help

الكلمات الدلالية لهذا الموضوع

المفضلات

المفضلات

ضوابط المشاركة