ده لو كده يبقى عليه العوض........نستورد وزير من بره ومانضمنش يكون كويس برده
ماقلكش نبذة عنه تدينا فكرة عنه
يا سيدي الفاضل
بالله عليك
اذا كان هذا (( صح او غلط ))
هيفيد بأيه دلوقتي غير اننا نتشحن اكتر
ما الايام جاية
و اظن لو ده كمان و احمد شفيق و غيرهم (( غير شرفاء ))
فأنا مش مع حضرتك اننا نستورد وزير من بره
لا و الله ساعتها نبقي نستورد شعب كامل من بره
م.حاتم السباعي
بارك الله في حضرتك
لو يعلم الاخوه حجم الدمار الموجود الان و الله لن يزيدو كلمة بها اي تشكيك او محاولة اثارة
يا جماعة الخير الموضوع بدء بكرة صغيرة مرت بين الشباب و كلما قذفوها بين ارجلهم (( في الفيس بوك )) و التشات و الايميلات بدأت تكبر و تكبر ثم اعلانهم للتظاهرات ثم خروجهم لها (( كبرت الكرة جدا )) ثم مواجهاتهم مع الشرطة ثم القتل ثم التحدي و الصمود ثم وقوع النظام (( هنا الكرة اصبحت جبل مارد كبير )) صدقوني لا يستطيع احد ايقافها ابدا و هذه التخوفات لا مجال لها الان
دعونا نعمل دعونا نتوحد
قلتها من فترة و الله هناك من يتربص بنا
ما الذي يمكن ان يحدث اذا ما تم ضرب التجمعات من الداخل
ما الذي يمكن ان يفعلة الجيش و قتها
ارجو من اصحاب العقول الرشيدة ان (( ننجز بقي ))
حلوه ننجز دي يا (( otefa )) اديني اتعلمت (( اللغة ))
م.حاتم السباعي
انا رأى ان الموضوع اكبر من العادلى صحيح العادلى سفاح وكان مكون كلاب كتير ليه ومعتمد جدا على كلاب امن الدوله الى بيتمتعوا بالتعذيب والقتل والقنص
لكن زى ما كل الوزارات كانت ماشيه هما العصابه الى ماسكه البلد ( جمال وصفوت وسرور وزكريا عزمى وبعض رجال الاعمال لزوم التمويل) كانوا بياخدوا القرارات الارهابيه دى ويبعتوها للسكرتاريه بتاعتهم سواء بقى العادلى بقى او غيره...
والدليل ان العادلى اتغير ونفس الكلام بيحصل قتل وقنص وغيره...
وزى ما ضحوا بالعادلى عندهم استعداد يضحوا بيه بمحاكمه واعدام كمان.. عشان يلهو الناس وهما بيخططوا.. الموضوع عامل بالضبط زى الجنود الى بتقتل كله بيبقى عايز يحاسب الى بعتهم
الى هما الناس الى لا اخبار عنهم لا اتقبض عليهم ولا اى حاجه والله اعلم قاعدين بيخططوا لايه دلوقتى
والاسوء ان الناس دى لسه بيصنعوا قرارت.. بدليل
محدش جاب سيره العصابه دى ولاكانهم عملوا حاجه..
امن الدوله رئيسه متغيرش..مش معقول هو اكبر من العادلى ومساعديه يعنى...
امن الدوله لسه بيعذب متظاهرين ولسه بيقتل والاسوء لسه بيعتقل ناس لحد دلوقتى...
محدش رد على امريكا وفرنسا وانجلترا بتجميد اصول مبارك مع انهم الى طلبوا..طب ليه ماردتش عليهم زى ما جمدت فلوس العادلى وشويه الخرفان الى ضحوا بيهم..
للاسف بقيه النظام موجوده والرأس كمان ولو الجيش متدخلش سريعا الدنيا هتبوظ تانى ويبقى كدا النظام مرحلش فعليا
اتمنى نسمع اخبار حلوه من الجيش بكره
كان في قناصه اعلى البنايات في عبد المنعم رياض
والقنوات الإخباريه وقتها قالت كده
انا شفت في الجزيره مباشر اضاءة بتتصوب على المتظاهرين
مثل الليزر لونها اخضر بس الحقيقه مش عارفه ده كان ايه
من أحد الظباط ايضاً علمت انه سيء جداً
مكرررررررررررررررة
مين اللى قال لحضرتك الكلام ده رئيس امن الدولة السابق ومدير الامن العام ومديرامن القاهرة تحت التحفظ ويتم التحقيق معهم ومحمود وجدي الوزير الجديد عمل حركة ترقيات وعزل لمعظم مداراء الامن اللى في اماكن التظاهرات يا ريت بلاش نردد الاشاعات
استاذة سارة مش هصدق قنوات اخبارية واكدب نفسي وعيني يوم 28 كان هناك قناصة عند وزارة الداخلية فقط وكان من اصعب الامور الوصول للوزارة سواء من ناحية ميدان التحرير او من ناحية القصر العيني ولم اري بعيني احد يستطيع تخطي قوة الامن المركزي الموجودة في شارع القصر العيني حتي فجر السبت
اما محمود وجدي فليس لنا منه الا ما يقوم به الان
أيوه أفتكرت كانو جايبينها على الجزيرة...............طبعا ده تهييس منهم لأن النور الأخضر كان قطره كبير وطبعا الليزر بتاع القناصة حاجة تانية خالص حاجة كده قطرها كام ملي وشعاع حاد غير التهريج ألي كانو بيتكلمو عليه خالص
http://www.lasermax.com/products/ima...gunCloseup.jpg
http://www.geeky-gadgets.com/wp-.......-laser-gun.jpg
اللواء محمود وجدي المولود عام 1946 تخرج في عام 1968 من كلية الشرطة وهو الوزير الذي كلفه الدكتور أحمد شفيق بتولي وزارة الداخلية خلفًا لحبيب العادلي.
بدأ وجدي بالعمل في مباحث القاهرة وتدرج في ترقياته حتى عين مفتشًا لمباحث مصر الجديدة عام 1958 أيام الوزير أحمد رشدي، قبل أن ينتقل لمصلحة الأمن العام ليبقى بها عدة سنوات.
ثم أصبح مديرًا لمكتب مساعد وزير الداخلية لمناطق القناة وسيناء قبل ان يعود إلى العاصمة وكيلا لمباحث القاهرة لقطاع الشرق ثم رئيسًا للمباحث الجنائية ثم مديرًا للإدارة العامة لمباحث القاهرة وقت أن كان حبيب العادلي مديرًا لأمن القاهرة وحسن الألفي وزيرًا للداخلية وحدثت مشادات بينه وبين العادلي الذي كان يتهمه بالسيطرة على القاهرة سيطرة تامة.
وأتت الرياح بما لا تشتهي السفن، حيث عين العادلي وزيرًا للداخلية بعد حادث الأقصر 1997، وقرر العادلي نقل وجدي مديرًا لأمن القليوبية قبل أن ينقله مديرًا لأمن كفر الشيخ ثم المنيا وبعدها عاد مديرًا لمصلحة السجون، ثم أحاله للمعاش بعد بلوغه سن الستين منذ خمس سنوات.
كتر تنقلاته من العادلى معناها ان العادلى مش طايقه ، ومعنى انه مش طايقه انه محترم - طبعاً مش العادلى -
ويقول محللون أن وجدي من أكفأ ضباط الشرطة ولديه قدرة كبيرة على التعامل الراقي مع المواطنين وأن اختياره وزيرًا للداخلية جاء لمصالحة الشعب
السلام عليكم و رحمة الله و بركاته
أنا من رأيى, أدام كتر الكلام بالنقيضين عن محمود وجدى, فأننا لا نملك الا أننا نستنى لحاااااااااااااااد مانشوف هيعمل ايه.
لكن, أنا لا أعتقد أنه سيكون هناك من هو أسوأ من حبيب العادلى فى الوقت الراهن.
مع الأخذ فى الاعتبار, أن ممكن اللى بيقولوا أن محمود وجدى ده أقذر من حبيب العادلى, أنهم يكونوا عاوزين يبثوا الخوف و الرعب و السخط و الغضب فى قلوب الناس و يحسسوهم أن حبيب العادلى ده كان نعمة و اللى يكرهها يعمى, لأن أنا ملاحظ أن السياسة المتبعة من فلول النظام الفاسد البائد, أنه يحسس الشعب, أن النظام اللى فات, على الرغم من كل عيوبه, الا أنه كان أفضل مافى الامكان و أنا حاسس أنهم بيلعبوا على الوتر ده, و ده بالضغط على الشعب بالغياب الأمنى أولا و بحاجات تانية كتير, لحااااااااااااااااااد ما الشعب ينقسم على نفسه و يبقى فيه ناس مؤيدة لاستمرار الثورة و ناس تانية بتقول, لأ بأه, ده عهد مبارك كان ميه ميه و لا فراج الجمعية .
فيجب علينا الحذر الشديد و ان شاء الله, ربنا معانا و هينصرنا زى مانصرنا و أظهر مكر النظام الفاسد فى موقعة الجمل 29-1-2011
مصطفى الفقي
- عضو سابق في الحزب الوطني الديموقراطي استقال يوم 05/02/2011 على إثر ثورة 25 يناير.
- أمين عام المجلس الاستشارى للسياسة الخارجية.
- أمين معهد الدراسات الدبوماسية.
- سفير مصر بجمهورية النمسا.
- سفير غير مقيم بجمهورية سلوفاكيا وسلوفينيا.
- مندوب مصر بالمنظمات الدولية في فينا.
- عمل سكرتيرا للرئيس محمد حسني مبارك للمعلومات بين عامي 1985 ،1992
- قام بالتدريس في الجامعة الأمريكية، واشرف على عدد من الرسائل العلمية.
- أحد المتحدثين في الجلسة الافتتاحية للمنتدى الاقتصادي الدولي في "دافوس " بسويسرا في يناير سنة 1995.
- عضو مجلس الشعب عن انتخابات سنة 2005 عن دائرة دمنهور وقد اعلن سقوطه في بادء الأمر ثم أعلن فوزه بعد ذلك، وثار لغط كبير بسبب شهادة المستشارة نهي الزيني التي أيدها نادي القضاة و137قاضيا[1] بأن إجمالي عدد الاصوات كان لصالح منافسه د. جمال حشمت المرشح عن جماعة الاخوان المسلمين ويعمل الدكتور مصطفى الفقى رئيس للجنه العلاقات الخارجية بمجلس الشورى.
بعد جمعة إسقاط الحكومة اليوم 18 فبراير 2011
سيتم تغيير الحكومة بالكامل بإذن الله تعالى
وأقترح إسم وزير الداخلية السابق أحمد رشدي لتولي منصب وزير الداخلية في حكومة تصريف الأعمال التي من المتوقع إعلانها خلال أسبوع
اولا مين الى قال لحضرتك انى بردد اشاعات ؟؟؟؟؟؟؟؟؟؟؟ هو حضرتك سمعت ردى ولا اتاكدت من الكلام دا قبل ما تتهم....
ثانيا ... الى تحت التحفظ مساعدين العادلى ورئيس امن الدوله ولا حد لمسه والكلام دا باين مش هيوقفوه والصحافه والاعلام مش هيقولوا يعنى.. ولا حتى مساعديه اتأكد انهم اتوقفوا مبقالهم اسبوع بيقولوا بنحاكم العادلى والاخر طلع فى البيت ولسه رايح السجن امبارح على ذمه التحقيق
وفى لواء شرطه فى قناه المحور قال الحته دى بتاع رئيس امن الدوله...كمان عمرو الليثى مع بلال فضل ناقشوا حته رئيس امن الدوله دى بالذات امبارح وقالوا الراجل لسه فى مكانه...
وبعدين مكانه ولا مش مكانه مش التعذيب والخطف لسه مستمر.. وحضرتك بتقول رئيس امن الدوله تحت التحفظ....
ادينى دليل بقى او حد طلع قال كدا سواء مذيع ولا لواء ولا صحافه ولا اى حد بيتكلم عشان نعرف مين الى بيردد الاشاعات...
الكلام بخصوص محمود وجدى مش مشكلتى ان حضرتك مش متابع ومشوفتش لما اتغير استمر الاعتدائات على المتظاهرين..
مش مشكلتى ان حضرتك مشوفتش احداث الخارجه فى الوادى الجديد الى اتقتل فيها اكتر من 5 واتجرح فيها كتير بنفس اسلوب بلطجه الشرطه..
وبعد كل دا وهو وزير جديد اقل حاجه يعملها ينقل كام مدير ويحقق والكلام الفاضى دا..دا لازم يعمل كدا اصلا حتى هيخاف على منصبه وعشان يمتص غضب الناس..
يا جماعة الخير طولوا بالكم الحكومة الحالية احتمال كبير تتغير يقال ايضا إن د/ أحمد جويلى من سيقوم برئاسة هذه الحكومة الجديدة و الله أعلم
حد شاف خطبة الجمعة و ما بعدها فى ميدان التحرير الناس بتنادى باسقاط الحكومة والتلفزيون المصرى بيعرضها على الهواء
م/ محمد (otefa) اللينك اللى أنت حاطة بيخرجنى على الصفحة الرئيسية و مش عارف أوصل للموضوع
يا ريت تقتبس المشاركة اللى تقصدها فيه و تحطها هنا من فضلك
أتفضلي أ.زينة ده جربته أكيد شغال وألي في صفحة 2 في الموضوع هنا شغال برده
http://www.nilemotors.net/Nile/201048-a-7.html
اتمنى يكون كويس بالتأكيد
مصدر الخبر : شخصي ولست مروجة اشاعات
والإنتقاد بخصوص امور ماليه
انا شكيت في كده بس مش متأكده
وده رد م/محمد
تهييس من مين؟ مش فاهمه بجد
كان في زجاجات مولتوف وطوب بتتحدف من فوق العمارات
ومن فوق كوبري عبد المنعم رياض
وكان في تصويب على المتظاهرين بالليزر واتصالات استنجاد من المتظاهرين بشكوى من وجود قناصه فوق العمارات
انا قصدت يوم الأربعاء يوم موقعة الجمل ليلاً وليس جمعة الغضب
وكانت الحصيله وقتها 10 قتلى و1500 مصاب
لخبطنى يا با شمهندس :8954[1]:
يعنى حضرتك مقتنع من مشركاتك المقتبسة إن فى حد وراء الفوضى و سحب الشرطة
و إن العادلى هو السبب ... طيب لحساب مين ؟
و بعدين تستمر الفوضى و القمع بعد اقالة العادلى و فى ظل الحكومة الجديدة و يعتذر أحمد شفيق عنها
و بعدها تحصل أحداث الوادى الجديد المؤسفة
طيب بعد إقالة العادلى مين المستفيد من استمرار الفوضى ؟ العادلى برضو ؟
و مين اللى وجهها بعد إقالته ؟؟
إذا كان دا حسب كلامك ضد رغبة الجيش وامريكا
هي عملية لفة شوية بس أظن السياسة عمرها ماهاتكون مانراه على السطح ها أحاول ألخصها في نقاط
-الجيش غير راضي عن مايحدث بالبلد من فساد وخصوصا السنوات الأخيرة ومازاد الطين بلة هو توريث الحكم بعد عدة شهور
-تغيير الدستور وتزوير أنتخابات مجلس الشعب والشورى يتم تحت سطوة وعنف أجهزة ما مختصة بالداخلية
-موقف صعب الجيش يعمل أيه بقى بين نارين أستحالة الموافقة على مبدأ التوريث وعلشان يعمل ده هايتواجه مع قوات أمنية تأمن ذلك بالداخلية كده هايدخل نفسه في مواجهات دامية لا يمكن أن يسمح لنفسه كمؤسسة عسكرية لها تاريخها المحترم بالأنزلاق لها مع أمكانية تطور الموضوع لما يشبه الحرب الأهلية ده غير الأضرار بصورة مصر عالميا نتيجة لهذه الفوضى........فيه حل تاني للفزورة دي!!!!!
-أيوه في الشعب أصبح على حافة الأنفجار نتيجة للفساد الشامل في البلد وهاينفجر بثورة في جميع الحالات أجلا أم عاجلا سواء بسبب ترضي الحياة المعيشية أو السياسية المتمثلة في لحظة تولي جمال الحكم(ماكنتش هاتعدي بالساهل) ده غير حبيب العادلي كان بيظبط الدنيا لمواجهة يوم التوريث وبالتالي أي تأخير كان مش في صالح لا الشعب ولا الجيش
-طيب الجيش ليه يدفي بدأ شرارة الثورة الله أعلم بس من بعض التحليلات أنا أتوقع له دور في ذلك بمساعدة وائل غنيم في تجهيز الشعب لأنطلاق الشرارة الأولى
-هروب العادلي وأنسحاب الشرطة كان يوم 28 مساءا في تصوري أنسحب بعد علمه أن الجيش أمسك بزمام الأمور وأن الحكم أصبح بصورة ما في يد القوات المسلحة وأن لم يعلن ذلك لأسباب سياسية في صالح سمعة البلد عالميا وتاريخيا
-من اللحظة دي أصبح العادلي خارج نظام الدولةولكنه كان مسيطر على أقل تقدير على قوات خاصة مقربة منه لتنفيذ أي عمليات فاسدة وحدثت بعد ذلك أحداث خروج المساجين والأنفلات الأمني
-أحداث يوم الأربعاء كانت لأظهار أن أحمد شفيق لايلتزم بوعوده وبالتالي خروج مزيد من المتظاهرين لأشعال الموقف يزيادة وتوريط الجيش مابين الأحداث الأمنية والسيطرة على فلول النظام الفاسدة وأتاحة فرصة لمحاولات هروبهم
الملخص الشعب كان على حافة الأنفجار بمظاهرات لو ماكانش النهاردة هايكون في أيام نقل الحكم والتوريث
وربنا أراد لنا الحرية الأن الحمد لله وربنا يكملها على خير ويهدي قواتنا المسلحة للطريق القويم في المرحلة الحرجة ألي بنمر بيها وألي شايفهم ماشين بخطى ممتازة للأن
ارسلت لحضرتك على الخاصاقتباس:
المشاركة الأصلية كتبت بواسطة otefa;3873295956[B
[COLOR=#800080][QUOTE=otefa;3873295956[/COLOR]عن طريق بلطجية أو أنصار أعضاء مجلس شعب حزب وطني وبمساعدة فارين فاسدين من الشرطة نفسها
القصد كان زعزعة الثقة في وزير الداخلية الجديد وأحمد شفيق ووعوده وبالتالي زيادة التظاهرات ومزيد من أحتمالات الفوضى [/QUOTE
متفقه مع ده تماماً
بس سؤالي كان بخصوص رد حضرتك على النور الأخضر المصوب على المتظاهرين وان ده كان مجرد تهييس !!!!!
شكرا لحضرتك
قصدي تهييس من الجزيرة لأن على ما أفتكر النور الأخضر ألي كانو بيتكلمو عليه قطره كبير على حسب ماشفته على الجزيرة
ونور القناصة ليزر بقطر صغير وحاد