الموضوع: مساعد وزير الداخلية:إطلاق الرصاص علي المتظاهرين و إنسحاب الشرطة و الفوضي بأمر مبارك

المشاركة الأصلية كتبت بواسطة m.mostafa80

بص يادون اوتيفه انا اعتقد انو كان يعلم ولو لم يكن يعلم فابلتأكيد دا طلب ابنه اللى الكرسى هيطير منه
هو وامه اللى خربو البلد صحيح الراجل دا فى بدايه حكمه كان كويس بس خلاها خل بعد كده وكونه سابها لأبنه ومراته يعملو فيها اللى هما عايزينه فهو مسئول بردو عن تصرفه دا واى كان متخذ القرار
فهو قرار لا يخرج الا من شياطين ولايعرفو عن الرحمه شئ لكى يدهسو العزل بالسيارات ويضربو عليهم الرصاص الحى
حسبى الله ونعم الوكيل فهو العدل الحكم القادر

متفق معك تماما

المشاركة الأصلية كتبت بواسطة otefa

أحب أضيف أن العادلي وأي يد نفذت وضربت نار على الناس أبتداء من العسكري والظابط والقناصة مجرمين فأن كان العادلي المحرض وصاحب الأمر فمن ضغط على الزناد على عزل هو السفاح الحقيقي
وبعدين أحنا نسينا أن العادلي تحصن بوزارته عدة أيام وكان القناصة بيضربو المتظاهرين على بعد 100 متر ضربات قاتلة وبطريقة لامعنى لها سوى أستفزاز للمتظاهرين والنتيجة زيادة غضبهم ومزيد من التصاعد فهل العادلي بالسطحية علشان يزيد الطين بلة ولا ده كان قصده الفعلي للأثارة ومزيد من الفوضى تمكنه من الفرار من البلد

كلهم مسئولين يا عزيزي
اما بخصوص وزارة الداخلية تحديدا فعذرا انا كنت موجود هناك والغلط من المتظاهرين لان الجيش قال محدش يقرب من الداخلية واحنا المسئولين وبرغم كدة كان فيه مجموعات مصممة لازم ندخل الداخلية طيب يا جدعان هندخل نعمل ايه ندخل نستولي عليها طيب هانستفيد ايه ميردوش عليك
انت عارف يعني ايه اقتحام وزارة الداخلية في اي دولة ؟؟؟
المفروض ان فيه نسخ من كل شئ موجود في الاقسام والسجون وكل جهات وزارة الداخلية محفوظة في وزارة الداخلية لما تصمم انك تدخل وتستولي عليها برغم ان هناك قناصة يحمون الوزارة يبقي اكيد ليك مصلحة غير القضاء على الفساد او نظام مبارك
وبالفعل المكان الوحيد اللى انا واثق ومتأكد وابصم بالعشرة ان كان فيه قناصة هو وزارة الداخلية

المشاركة الأصلية كتبت بواسطة زينة الله

فعلا يا أخ أحمد موجة
القناصة ( من عناصر الشرطة ) اللى ضربوا الناس فى التحرير يوم الاربعاء كان بعد إقالة العادلى و فى ظل الحكومة الجديدة
هل عناصر الشرطة تعمل بأوامر رجال الاعمال ؟؟
و بعدين مساعد وزير الداخلية السابق اللى بيتكلم هيفرق معاه إيه يقول مبارك هو السبب أو العادلى هو السبب و الأثنين فى حكم المقالين
أعتقد إن ملوش مصلحة من إنه يتحيز لأحدهم و خاصة وإنه خبير يعنى لا يصدر قرارات و ليس عليه اتهامات

يا استاذة زينة الله زي ما قلت في تعقيبي السابق انا واثق ان كان هناك قناصة عند وزارة الداخلية نفسها
اما في باقي الاماكن فلا يوجد اي قناصة كل ما في الامر ان كلاب يوم الاربعاء كانوا على كوبري اكتوبر اي اعلى المتظاهرين الموجودين في التحرير وهم بالالاف وطبيعي ان لما تصرب ارصاص من اعلى اما لا تصيب اهداف اطلاقا او تصيب الراس بنسبة اكبر من بقية اجزاء الجسم والناس تقول دول قناصة او يقولوا الاقسام كان فيه قناصة
لو قناصة كانت كل طلقة منهم بشهيد لكن لما ينضرب مئات الطلقات وفي النهاية الشهداء 11 معناها انهم مجرد ناس معاها طبنجة وخلاص
ومساعد وزير الداخلية الاسبق مثله مثلنا لا يعرف ما جري تحديدا يومها وكل واحد بيفتي المهم يطلع في التليفزيون الا من رحم ربي
اما الكارنيهات ففيها كلام كتيييييييييير جدا يعرفه كل من راي بعينه مقر للحزب الوطني وهو يحرق او قسم شرطة وهو يحرق
رحم الله الشهداء وانقذ مصر