معلومات عن دورة تبريد محركات الهوندا

**tarekzein** · 31-03-2011 04:09 PM

المشاركة الأصلية كتبت بواسطة tsaid

أنا شايف إن الموضوع ده مهم و يا ريت الإدارة تثبتة

عنك ياباشا

أنا هابعت تقرير مشاركه

تعالى على أول مشاركه وإعمل تقرير

وإكتب طلبك

وبإذن الله المشرفين يهتموا

**tarekzein** · 02-04-2011 12:32 AM

مبروك التثبيت ياعم سمسم

فين حقى بقى

المفروض على كل موضوع عشيييييين جنيه

وشكرا للساده المشرفين وللإداره

**youssefazmi** · 26-09-2011 07:48 PM

ياجماعة انا اول مرة اركب هوندا والمية بتنقص من القربة وانا شايف ان الردياتير بيسرب خفيف بس سؤالى هوة المعدل الطبيعى لمؤشر حرارة السيفيك 99 اية ؟؟ لانى شايفة واقف على النص لابيطلع ولا بينزل خالص ؟؟

**SAMEH_FOUAD** · 27-09-2011 03:23 PM

المشاركة الأصلية كتبت بواسطة youssefazmi

ياجماعة انا اول مرة اركب هوندا والمية بتنقص من القربة وانا شايف ان الردياتير بيسرب خفيف بس سؤالى هوة المعدل الطبيعى لمؤشر حرارة السيفيك 99 اية ؟؟ لانى شايفة واقف على النص لابيطلع ولا بينزل خالص ؟؟

مؤشر الحرارة الوضع الطبيعى بتاعة انة يكون قبل النص بشرطتين

بالنسبة لنقص المياة من القربة فدة بسبب التسريب اللى حضرتك بتقول علية

وانصحك لو العيب مش غطاء الردياتير انك تغير الردياتير بواحد استيراد نظيف بالغطاء الاصلى بتاعة وتمنة 400 الى 450 جنية حسب الحالة ويفضل انك تجيبة من على ربع

وحرارة الهوندا ماببتأثرش باى عوامل زى الضغط على المحرك او تشغيل التكييف

**SAMEH_FOUAD** · 27-09-2011 09:21 PM

على فكرة ردياتير الهوندا بيقعد كتير جداااااااااااااااااااا فوق ال200 الف كيلو مابيجرالوش حاجة وعن تجربة

وعموما التايوانى مش حلو وبالنسبة للردياتير لو نظيف هتركز جدا على الوش الخارجى الى فوق + ان تكون الريش المشعة كلها سليمة ومافيهاش حاجة متنية , او مقفولة + ان لا يوجد صدأ على الردياتير + غطاء الردياتير يكون نظيف والاصلى واكيد المنظر بيبان وكمان بيبقى لية تجربة اسبوع تجرب فية

بالنسبة لشرط الردياتير فاكيد انت بالنظر كدة تحاول تقول دية اقل من النص بكام

**SAMEH_FOUAD** · 28-09-2011 09:17 PM

زى ماقولتلك هات ردياتير استيراد هوندا اصلى نظيف وحفنى على فكرة عندة استيراد بس احسن واحد تجيب منة الحاجات دية استيراد من عند مجدى الدسوقى بس بيبقى غالى شوية 50 جنية

بالنسبة انك تتابع الاتنين هيتم متابعتهم بس عند اول اسبوعين بعد تركيب الحاجات الجديدة وبعد الاطمئنان على الجودة هيتم متابعة القربة فقط وطول ماهية مليانة يبقى الردياتير ماليان ومافيش مانع انك تتابع الردياتير مرة كل اسبوع ودة لازم طبيعى عشان تلحق اى مشكلة فى بدايتها

* بالنسبة لضوء حزام الامان والابواب فطبعا موجود ياباشا بس هتلاقى عندك اللمض محروقة ممكن تغيرهم وتجيب لمض زى اللى هتخرجها من التابلوة بنفس قوة الفولت بتاعها وهيشتغلوا عادى

**SAMEH_FOUAD** · 14-10-2011 01:06 PM

بالنسبة لضوء العدادات والاربى ام فكل اللى هتعملة

1- انك تجيب عداد فية ار بى ام خاص مثلا بسيفيك si وبعد كدة تخلى الكهربائى يوصلة

2- لو عايز اضاءة حلوة وحركات فكل اللى عليك انك هتجيب لمض نظيفة + ورق عداد نظيف وتلزقة على العداد بدون اى تأثير على العداد يعنى لو حبيت تشيلة هتشيلة فى اى وقت ودة سعرة بيبدأ من 150 الى 300 جنية وكلة على التجربة قبل ماتشترى بحيث تشوف الشكل اللى يعجبك

ودة احسن من اى حاجة

3- عايزك تفك وحدة التكييف وتشيلها ودية جواها لمض مغطاة ببلاستيك ازرق هتلاقيها ضعفت , هات زيها ونظف الزجاج من الداخل جيدا وان شاء الله هيبقى تحفة ونورة حلو اوى

4- هتلاقى عندك فية نور فى زرار الانتظار , لو مش شغال عندك فك الزرار عن طريق كلبسات فى الجنب وطلع الزرار وهات مفك عادة ولف الدواية ( لونها بنى ) وهتطلعها هتلاقى فيها لمبة شيلها وهات زيها
وبعد كدة هتلاقى الدنيا كلها نورت عندك فى التابلوة

-

-

-

الموضوع: معلومات عن دورة تبريد محركات الهوندا

LinkBack

أدوات الموضوع

عرض

-

-

-

المواضيع المتشابهه

دورة تبريد التريوس

معلومات عن دورة تبريد محركات الهوندا

غسيل دورة تبريد الفيرنا

محركات تبريد الهواء ماتت ليه ؟

صوت غليان فى دورة تبريد الانوس

الكلمات الدلالية لهذا الموضوع

المفضلات

المفضلات

ضوابط المشاركة