| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 8 1 2 3 4 5 6 ... الأخيرةالأخيرة
النتائج 1 إلى 10 من 72

  1. #1

    الصورة الرمزية SAMEH_FOUAD

    رقم العضوية : 3647

    تاريخ التسجيل : 10Dec2007

    المشاركات : 11,805

    النوع : ذكر

    الاقامة : EGYPT / CAIRO

    السيارة: CIVIC

    السيارة[2]: HONDA CIVIC SIR

    دراجة بخارية: HONDA CBR

    الحالة : SAMEH_FOUAD غير متواجد حالياً

    افتراضي معلومات عن دورة تبريد محركات الهوندا - Facebook Twitter whatsapp انشر الموضوع فى :

    hasad">

    لاحظت ان فية اخوة من الاعضاء اتعرضوا لمشاكل بسبب سوء دورة التبريد فى المحرك واللى ممكن ينتج عنة اضرار بالمحرك , واللى لحق الموضوع بيوديها لميكانيكى بيخربلة الدنيا اكتر من افتكساتة ودة من اخطر الناس وان شاء الله نستعرض معاكوا :

    1: مكونات دورة التبريد
    2: الصيانة اللازمة
    3: كيفية معالجة المشاكل



    اولا : مكونات دورة التبريد :

    تتكون دورة تبريد الهوندا من عدة حساسات وثرموستات كلها مهمة جدا جدا ولا يجوز الغاء اى حساس فيهم والا سيأتى بالسلب على المحرك فى الاجل القريب جدا وسوف نتحدث عن كل شىء باستفاضة :

    اولا : المشع ( الردياتير ) :



    الردياتير يعتبر العنصر الاساسى فى دورة التبريد حيث يتم من خلالة تبريد المياة ودفعها مرة اخرى الى المحرك لامتصاص الحرارة وهكذا الى ان يتم الاحتفاظ بدرجة حرارة ثابتة للمحرك لضمان عملة بكفاءة , ويتم تبريد الردياتير عن طريق المروحة والهواء ويتكون الردياتير من مواسير داخلية يتم مرور المياة فيها ويتم طرد الحرارة الناجمة من المحرك والتى امتصتها المياة بواسطة (المشع ) ويختلف حجم الرديايتر حسب اختلاف سعة وقوة المحرك فكلما زاد حجم المحرك لابد من زيادة حجم الرديايتر وذلك تجنبا لعدم ارتفاع فى درجات الحرارة عند زيادة عدد لفات المحرك

    ثانيا : مروحة التبريد :



    مروحة التبريد مهمة جدا جدا حيث بدونها لا يوجد فائدة للردياتير وهى تعمل على تبريد المياة الموجودة فى المشع لاعادتها مرة اخرى الى المحرك.
    ولكل محرك مروحة خاصة بة على حسب قوتة وذلك لضمان اقصى تبريد لمقدار الحرارة الناجمة عن المحرك وذلك بإختلاف حجم المروحة او سرعتها

    ثالثا : قربة المياة



    قربة المياة لها ايضا دور مهم جدا يكمن في اخراج الضغط الموجود فى الردياتير الناجم عن ارتفاع الحرارة داخلة وذلك ايضا لتخفيف الضغط على غطاء الردياتير

    رابعا : طلمبة المياة :



    من اهم عوامل انتظام درجة الحرارة داخل المحرك هية طلمبة المياة فهية مهمة جدا لضمان دفع الماء الموجود داخل المحرك الى الرديايتر ثم اعادتة الى المحرك مرة اخرى وان فشلت هذة العملية لافائدة من وجود المياة لانة سيبقى ساكنا ولكن وظيفة الطلمبة هية بقاءة متحرك بصورة مستمرة

    خامسا : الثرموستات :



    من وظيفة الثرموستات ان تقوم بتشغيل مروحة التبريد عند الاحساس بارتفاع درجة حرارة المياة عن المعدل الطبيعى وذلك لابقاءها عند الدرجة المثلى لضمان عمل المحرك بكفاءة وسلاسة , واذا تم الغاء الثرموستات فهذا معناة استمرار عمل المروحة سواء تم الوصول الى الدرجة المطلوبة او سواء درجة الحرارة باردة وطبعا هذا مضر جدا لعمل المحرك

    سادسا : غطاء الرديايتر



    من الاشياء المهمة جدا ولا يجب ان نغفلها وهو غطاء الردياتير ووظيفتة انة يقوم بظبط الضغط فى الردياتير وذلك عن طريق قفل البلف الموجود اسفل الغطاء واذا زاد هذا الضغط يتم تحويل المياة الى القربة الى حين تهدئة الضغط فى الريدياتير ولكى تتم هذة العملية بصورة سليمة يجب ان يكون بلف غطاء الردياتير محكم ويعمل بكفاءة عالية , ايضا يمنع خروج الماء من الردياتير


    #e81e1e

    تلك هية المكونات الرئيسية لمحركات السيارات ولكن ماسوف يتم استعراضة لاحقا هو مايخص محركات الهوندا من حساسات لازمة لضمان عمل دورة التبريد بكفاءة عالية وامان اكتر ( محركات التى تدار بوحدة كنترول )

    اولا : حساس الحرارة : ( ect )





    وهو اختصار لكلمة electronic control temperature


    يثبت هذا الحساس على البلوكة كما هو موضح فى الصورة ويتم توصيلة بفيشة مرتبطة بوحدة الكنترول الخاص بالسيارة.
    ومن وظيفة هذا الحساس هو الاحساس بدرجة حرارة المحرك وعن طريقها يتم خفض الانبعاثات الناجمة و الاقتصاد فى استهلاك الوقود واعطاء اداء اعلى للمحرك

    ثانيا : حساس مؤشر الحرارة :



    وهو حساس يقوم بالاحساس بدرجة حرارة المحرك واعطاءها لقراءتها على العداد الخاص بالسيارة ومكانة كما هو موضح بالصورة

    ثالثا : ثرموستات الكوعة :

    وهية ثرموستات يتم تركيبها فى كوعة المحرك من الداخل وذلك لضمان افضل اداء فى فصل الشتاء , المحافظة على درجة حرارة السيارة عند السير بسرعات عالية , المحافظة على درجة حرارة المحرك ومساوتها بالحرارة الخارجية وذلك للحفاظ على جسم المحرك


    #e32020


    ثانيا : الصيانة اللازمة للحفاظ على دورة تبريد المحرك

    صيانة دورة التبريد غير مكلفة وسهلة جدا وذلك لضمان افضل تشغيل او اكتشاف اى عطل قد يلحق دورة التبريد من بدايتة وذلك يكون له اثر ايجابى فى حماية المحرك عند تدارك العطل مبكرا والنصائح كالاتى:

    1: الاهتمام بالكشف اليومى على منسوب مياة الردياتير و القربة واذا وجد نقص يجب عدم اهمالة والذهاب لفنى متخصص

    2: الكشف على كفاءة غطاء الردياتير وتغيرة ان لزم الامر ويفضل الاصلى

    3: غسيل دورة التبريد كل فترة وذلك عن طريق فتح طبة الردياتير من اسفل وفك الخرطوم من اعلى واعادة ملىء قربة المياة بعد غسيلها من الصدأ للحد المسموح

    4: تنظيف ثرموستات المروحة وتنظيفها من الصدأ وذلك لضمان افضل قرأءة وتشغيل وذلك يتم كل فترة بعيدة من 50000 الف كيلو مثلا

    5: متابعة عمل طلمبة المياة وذلك عن طريق فتح غطاء الردياتير ومتابعة حركة المياة فلابد ان يحدث عملية تقليب داخل الردياتير وعند زيادة عدد اللفات يجب ان تتحرك المياة بسرعة الضغط على الاكسراتير

    6: بالنسبة للمحركات التى لها ( وحدة كنترول ) يجب ان يتم وضع السيارة على الاسكانر او جهاز كشف الاعطال والتاكد من سلامة قراءة حساس الحرارة

    7: الكشف المستمر على حالة خراطيم السيارة وذلك لعدم حدوث انفجار مفاجىء لاقدر الله ويأتى نتيجة لعوامل كثيرة ( عدم جودة خامة الكاوتش, السلك الموجود بالخرطوم تم انتهاء مدة صلاحيتة ومع قوة الضغط ينفجر الخرطوم , ارتفاع الضغط فى السيارة مما يؤدى الى انفجار احد الخراطيم ( الاضعف ) عدم تنظيف محرك السيارة بالجاز لانة يسبب تشقق لاى كاوتش موجود بالسيارة

    8: التاكد من سلامة ريش المروحة وسرعة تبريدها وانتظام عملها وذلك من الوصول لدرجة حرارة السيارة الطبيعية يجب ان تعمل المروحة لمدة 40 ثانية تقريبا


    #ff0000

    ثالثا : المشاكل التى ممكن تواجهها وكيفية معرفة اسبابها :

    1: غليان الماء فى القربة والردياتير مع بقاء حرارة المحرك على طبيعتها ؟

    ج: ويكون سبب هذا العطل من توقف عمل المروحة للاسباب الاتية :
    ( عطل فى ثرموستات المروحة - عطل فى فيوز المروحة - عطل فى ماتور المروحة نفسة )

    2: ارتفاع درجة حرارة المحرك عند الضغط عليه او على السرعات العالية ؟

    ج: يكون هذا العطل بسبب الثرموستات , ضعف فى طلمبة المياة

    3: نقص بمقدار قليل فى مياة الردياتير مع ثباتها فى القربة, وايضا وجود شفط لخرطوم المياة , ونزول مياة من القربة عند اغلاق المحرك ؟

    ج: ويكون هذا بسبب تلف فى غطاء الردياتير وتلف البلف الخاص بة مما يؤدى الى تسريب المياة خارج الردياتير

    4: نقص يومى فى القربة بعد كل مشوار او عند السير مع الحرق على الغيارات ؟

    ج: ويكون ذلك نتيجة لتلف فى غطاء القربة وعدم احكام الغلق

    5: نقص كامل فى مياة الردياتير فى مدة قصيرة جدا بدون وجود مياة مختلطة فى الزيت ؟

    ج: وهذا معناة تلف فى جوان وش السلندر

    6: انخفاض درجة الحرارة عند السير بسرعة عالية ؟

    ج: وذلك ايضا يكون لة علاقة بالثرموستات فيجب تغيرها فورا لعدم حدوث اضرار لاجزاء المحرك الداخلية


    ( خاص بالهوندا سيفيك )

    بالنسبة للردياتير : انا لا انصح بتنظيف الردياتير ولكن ممكن يتم تغيرة باخر استيراد من نفس النوع وسعرة من الحرفيين ( 375 جنية ) بحالة الزيرو بالغطاء الاصلى , ولا انصح بشراء الردياتير التايوانى حيث ان سعرة 400 جنية جديد مقابل 1200 جنية للاصلى من التوكيل

    بالنسبة لاصحاب هوندا سيفيك ex موديل من 92-95 :
    انصح بتغير الردياتير الخاص بها الى ردياتير الsi لانة افضل واحسن فى ظل مناخ مصر


    الموضوع من مجهودى الخاص ارجو ان يكون عجبكوا واى استفسارات انا فى الخدمة واى تعديلات طبعا هتكون افيد ليا وليكوا
    يارب الموضوع يعجبكوا


  2. #2

    الصورة الرمزية hondaman

    رقم العضوية : 55904

    تاريخ التسجيل : 15Dec2009

    المشاركات : 428

    النوع : ذكر

    الاقامة : cairo

    السيارة: HONDA CIVIC 93 EL

    السيارة[2]: regata

    الحالة : hondaman غير متواجد حالياً

    افتراضي -

    اصلى يا مان


  3. #3

    الصورة الرمزية tarekzein

    رقم العضوية : 72189

    تاريخ التسجيل : 03Jun2010

    المشاركات : 2,905

    النوع : ذكر

    الاقامة : الجيزه

    السيارة: !!!!!!!!!!!!!!!!!!!!!!!!!!!

    السيارة[2]: فيكترا b1

    دراجة بخارية: لا يوجد

    الحالة : tarekzein غير متواجد حالياً

    افتراضي -

    تسلم يا سامح باشا

    وحشتنا

    ووحشتنا موضوعاتك


  4. #4

    الصورة الرمزية m3touk_85

    رقم العضوية : 66869

    تاريخ التسجيل : 03Apr2010

    المشاركات : 483

    النوع : ذكر

    الاقامة : Cairo

    السيارة: Nothing

    السيارة[2]: Honda civic

    دراجة بخارية: honda

    الحالة : m3touk_85 غير متواجد حالياً

    افتراضي -

    تمام يا معلم استاذ


  5. #5

    الصورة الرمزية arabmarket

    رقم العضوية : 46212

    تاريخ التسجيل : 05Sep2009

    المشاركات : 278

    النوع : ذكر

    الاقامة : ALEXANDRIA

    السيارة: mitsubishi galant

    السيارة[2]: HONDA CIVIC SI 93

    دراجة بخارية: I don't Have

    الحالة : arabmarket غير متواجد حالياً

    افتراضي -

    كبير يا معلم وكل يوم بتثبت انك عم الهونداويه بعد اذن الهونداويه

    أطلب تثبيت الموضوع للفائده ..

    Axis Freight Management
    Full Freight Solutions


  6. #6

    الصورة الرمزية M_Nabil

    رقم العضوية : 14603

    تاريخ التسجيل : 12Jul2008

    المشاركات : 3,270

    النوع : ذكر

    الاقامة : Egypt, Cairo, Heliopolis

    السيارة: Honda Civic EL 1992

    السيارة[2]: Honda Civic VTi 1996

    دراجة بخارية: لا يوجد

    الحالة : M_Nabil غير متواجد حالياً

    افتراضي -

    الله ينور يا سمسم باشا موضوع جميل بس احب اضيف بعض الحاجات للمبتدئين

    في رقم 2 في ثالثاً المشاكل اللى ممكن تواجهها ممكن نضيف اليها الشكمان لو مش سليم او مخبوط ومسدود بيؤدى لرفع درجة الحرارة أيضاً بسبب الضغط العكسى

    ودى نصائح هامة وبسيطة عند حدوث سخونة في المحرك



    1- ينصح بعدم فتح غطاء الريداتير حيث إن نزع غطاء الريداتير عند ارتفاع درجة حرارة المحرك هو أمر ينطوي على قدر كبير من الخطورة، وممكن يسبب لك لا سمح الله حروق في الوجه او اليدين وذلك لأن الريداتير يكون مليئاً بالهواء الساخن المضغوط. لذا، إذا أردت زيادة معدل سائل التبريد، يجب عليك الانتظار حتى تنخفض حرارة المحرك قبل أن تنزع غطاء الريداتير.

    2- ينصح بعدم وضع ماء بارد في الريداتير و المحرك ساخن والعربية مش شغالة، حيث يسبب ذلك في حدوث شروخ وتشوهات في رأس الاسطوانه وش السلندر و ينصح بالانتظار حتى يبرد المحرك تماما أو تشغيل المحرك أثناء عملية التزويد.

    HONDA THE POWER OF DREAMS


  7. #7

    الصورة الرمزية No Comment

    رقم العضوية : 11902

    تاريخ التسجيل : 30May2008

    المشاركات : 4,959

    النوع : ذكر

    الاقامة : cairo

    السيارة: Now : Honda Civic 4G A/T F/O

    السيارة[2]: Was:Peugeot-Fiat-Mazda

    دراجة بخارية: God Willing Dodge Tomahawk

    الحالة : No Comment غير متواجد حالياً

    افتراضي -

    الله عليكم يا هونداوية ...... اهو كدة الكلام بتاع زمان ...... فاكرين زمان وليالى زمااااان هههههههههه .
    تسلم ايدك يا سامح وعقبال كدة ما أشوفك فى النصب التذكارى وبينضرب عليك نارررر ( غلطة كيبوردية: وبينضربلك نار ) .
    ساعتها أكيد مش هنشوفك هنا تانى ..... وأقعد هنا بقى انا وأقولهم نصائح مدفوعة الأجر مش مجانية كدة ههههههههه .
    مش هنفرح فيك بقى يا عم ولا ايه ...... وأهى الأسلحة لسة موجودة سخنة وطازة وجاهزة للأحتفال .

    وَمَا رَبُّكَ بِظَلَّامٍ لِّلْعَبِيدِ
    All The Power On Earth Can't Change Destiny
    アフマド アミン


  8. #8

    الصورة الرمزية honda forever

    رقم العضوية : 34891

    تاريخ التسجيل : 08Mar2009

    المشاركات : 738

    النوع : ذكر

    الاقامة : Nasr city

    السيارة: Citroen C4

    السيارة[2]: Honda Civic

    دراجة بخارية: لا يوجد

    الحالة : honda forever غير متواجد حالياً

    افتراضي -

    إيه الكلام الجامد ده
    الله أكبر عليك يا سمسم
    عندى سؤالين يا كبير
    1-إيه المعدل الطبيعى لنقص الميه من القربه يعنى كل فترة قد إيه الميه تنقص قد إيه؟
    2-المروحه لو بتشتغل حوالى من 5 إلى 10 ثوانى بس وترجع تشتغل بعد 10 ثوانى تانى وبعدين تفصل لفترة كبيره والحراره مبتعلاش كده الثرموستات عايز يتغير؟


  9. #9

    الصورة الرمزية SAMEH_FOUAD

    رقم العضوية : 3647

    تاريخ التسجيل : 10Dec2007

    المشاركات : 11,805

    النوع : ذكر

    الاقامة : EGYPT / CAIRO

    السيارة: CIVIC

    السيارة[2]: HONDA CIVIC SIR

    دراجة بخارية: HONDA CBR

    الحالة : SAMEH_FOUAD غير متواجد حالياً

    افتراضي -

    اقتباس المشاركة الأصلية كتبت بواسطة no comment مشاهدة المشاركة
    الله عليكم يا هونداوية ...... اهو كدة الكلام بتاع زمان ...... فاكرين زمان وليالى زمااااان هههههههههه .
    تسلم ايدك يا سامح وعقبال كدة ما أشوفك فى النصب التذكارى وبينضرب عليك نارررر ( غلطة كيبوردية: وبينضربلك نار ) .
    ساعتها أكيد مش هنشوفك هنا تانى ..... وأقعد هنا بقى انا وأقولهم نصائح مدفوعة الأجر مش مجانية كدة ههههههههه .
    مش هنفرح فيك بقى يا عم ولا ايه ...... وأهى الأسلحة لسة موجودة سخنة وطازة وجاهزة للأحتفال .

    عايز تضرب نار عليا عشان تستغل الاعضاء وتبيعلهم المعلومات

    لما افرح فيك انت الاول عشان اضربك بالنار قصدى اضربلك نار


  10. #10

    الصورة الرمزية SAMEH_FOUAD

    رقم العضوية : 3647

    تاريخ التسجيل : 10Dec2007

    المشاركات : 11,805

    النوع : ذكر

    الاقامة : EGYPT / CAIRO

    السيارة: CIVIC

    السيارة[2]: HONDA CIVIC SIR

    دراجة بخارية: HONDA CBR

    الحالة : SAMEH_FOUAD غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة ibrahim hassan مشاهدة المشاركة
    إيه الكلام الجامد ده
    الله أكبر عليك يا سمسم
    عندى سؤالين يا كبير
    1-إيه المعدل الطبيعى لنقص الميه من القربه يعنى كل فترة قد إيه الميه تنقص قد إيه؟
    2-المروحه لو بتشتغل حوالى من 5 إلى 10 ثوانى بس وترجع تشتغل بعد 10 ثوانى تانى وبعدين تفصل لفترة كبيره والحراره مبتعلاش كده الثرموستات عايز يتغير؟

    المعدل الطبيعى لنقص مياة القربة نصف كوب كل فترة كبيرة يعنى ممكن تقول 3 شهور

    كدة العيب فى الثرموستات



 
صفحة 1 من 8 1 2 3 4 5 6 ... الأخيرةالأخيرة

المواضيع المتشابهه

  1. دورة تبريد التريوس
    بواسطة خالد على في المنتدى دايــهاتســو
    مشاركات: 5
    آخر مشاركة: 08-11-2012, 11:07 PM
  2. معلومات عن دورة تبريد محركات الهوندا
    بواسطة SAMEH_FOUAD في المنتدى أخبار السيارات في مصر والعالم
    مشاركات: 5
    آخر مشاركة: 09-02-2012, 02:31 AM
  3. غسيل دورة تبريد الفيرنا
    بواسطة mshmshm3 في المنتدى هيــونــداى
    مشاركات: 13
    آخر مشاركة: 22-08-2010, 03:10 AM
  4. محركات تبريد الهواء ماتت ليه ؟
    بواسطة MaZaGAngeE في المنتدى المحركات
    مشاركات: 8
    آخر مشاركة: 03-05-2010, 10:17 PM
  5. صوت غليان فى دورة تبريد الانوس
    بواسطة dr.hany في المنتدى دايــو+شيفرولية لانوس
    مشاركات: 15
    آخر مشاركة: 25-05-2009, 12:18 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2