الموضوع: مين نازل معايا مظاهرة رد الجميل لريسنا مبارك بكره؟؟؟

الله يسامحة

المشاركة الأصلية كتبت بواسطة metenawy

انا شايف ان كل واحد من حقه يقول رايه و هي دي الديمقراطية مينفعشي كل نتقسم الي فريقين فريق بيقول ان الناس دي خونة وعملا و ضد الثورة و الفريق التاني شايف ان الثوار تسببو بالفوضي و عدم الاستقرار في البلد يا جماعا كنا معارضين و مؤيدين عندما كان هناك نظام يحكم اما بعد ان سقط النظام فاصبحنا كلنا مصرين فحرية الاختلاف في الراي هي قمة الديمقراطية ودي كانت اكتر حاجة محروميم منها في عهد مبارك

أخي الحبيب ، أوافقك أن كل واحد حر في رأيه ، مؤيد أو معارض

بس أولا أنا بدعو المؤيدين للتفكير ، عن طريق الإنجازات والصور اللي أنا رفعتها
ثانيا ، أنا بدعو الفريق ده بالإحساس بإخوانهم من الفقراء والمساكين والغير متعلمين وأطفال الشوارع والأطفال العاملين والمرضى اللي مش لاقيين علاج .. يا أخي والله لو نزلوا بس منطقة 4 ونص هيذهلوا من إن فيه عالم آخر عايش بيننا وإحنا مش شايفينه ولا حاسين بيه
ثالثا أنا بدعو الفريق الآخر بالإحساس بالناس اللي فقدوا أهلهم في قطار الصعيد و عبارة السلام و 25 يناير ، و الإحساس أيضا بأم خالد سعيد وأم سيد بلال ، تخيلوا ابن عنده سنتين اتيتم فلما سأل أمه فيم قتل أبي ، قالت له قتل أبوك لأنه كان يقول ربي الله.
رابعا ، لما هؤلاء المؤيدين يتكلموا يجب عليهم أن لا يتكلموا بلسان المصريين زي "مبارك أبو المصريين" وغيره