الموضوع: زوجي بيخوني وانا جنبوه...

مش هقدر اذود اكتر من الأعضاء قالوه

رايي انك تحاولي معاه مره واتنين وتلاته بالمعروف وبالحسني وحاولي تكلمي اهله او اي حد يكون قريب منه وبيحترمه ويكون ليه كلمه عليه

لو مجاش معاكي بالحسني يبقي معتقدش ان ارتباطك بواحد مش بيصلي او بيشرب مخدرات وفيه شبهة زنا يبقي احسن حاجه في الدنيا

ولادك لما يتربو بعيد عنه وهما بيحبوه احسن مايبقو جنبه وهو علي حاله كده ومش بعيد يبقو زيه

ده غير انه كده مش بيعينك علي طاعه الله ولو دخل المحرمات دي بيتك فدي برده حاجه ميتسكتش عليها

ربنا يهديه ليكي ويباركلكو ويصرف عنكم الشيطان

المشاركة الأصلية كتبت بواسطة ahmed_nubira

الموضوع اكبر من انك تحكيه على النت...كلمى اهله...كلمى اهلك...كبرى الموضوع.....نايل موتورز بتاع تغيير بوجيهات تصليح سربانتينه...استفسار عن طقم شربون

انما هنا مش هينفع ومش هتستفادى حاجه

ولذلك نطلب من الاعضاء البحث عن الجمل...اين شنورى وفارما؟؟؟؟؟

يااخ احمد الله يكرمك مش كل الموضيع تقلب هزار
الأخت عندها مشكله وبدور عل اي حد ينصحها ومعتقدش الجمل يقدر يديها اي نصائح دلوقتي لان زمانه في الصحراء

أختى الفاضلة أول شيئ أن تكونوا دائما سويا ليس هو فى بلد وأنت فى أخرى
ثانيا يترك المخدرات ودى خليها أهم حتى من الخيانة( حتى تتعاملى مع رجل يسيطرعلى رغباته )
ثالثا : أملئ حياته واعرفى ماذا يحب وماذا يحتاج وماذا يكره
رابعا: لا تجعليه يشعر بأنك تراقبيه وتشكى فى تصرفاته بل اظهرى له بأنك واثقة فيه
خامسا : تحلى دائما بالصبر ولا تبدى له الغيره إذا نظر لغيرك وكونى واثقة من نفسك
سادسا : ادعى له بالهدايه وخذى بيده ثم الصبر فلك به أجرا كبيرا
أتمنى أن أكون أفدتك وأسأل الله لكم التوفيق وصلاح الحال

في اخ نصحك باداء العمرة وانا بكرر نصيحتي بالحج ان امكن
صدقيني اللي بيشوف الكعبة بيتغير 180 درجة
..........
بالنسبة للزملاء اللي واخدين الموضوع هزار فانا شايفة انه مش في كل الاوقات ولا مع كل الاعضاء الهزار يكون مقبول
بمعنى ان العضوة صاحبة المشكلة مش زي غيرها من ذوي المشكلات التافهة الهايفة اللي شوفناها الفترة اللي فاتت
ولازم ناخد بالنا ان اللي بيشتكي بيكون في حالة نفسية صعبة ومش بيلجأ لاستشارة الغرباء الا بعد محاولات كتيرة لحل مشاكله بنفسه

موضوع مؤسف فعلا و افضل شىء فعلا زى ما فى احوة افاضل قالوا تستشيري اهل العلم و دائما بيكون علاج الامور دى بيبتدى من الاكبر للاقل. الزانى المحصن ده عند الله حده ابشع من القتل و ترك الصلاة و شرب مخدرات من اكبر الكبائر و كان لازم تنتبهى للحجات دى قبل الزواج انا مش بعجزك بس بقول عشان اللسة متجوزتش او لو قدر الله ليكى قدرا لاكن لا تيأسى من رحمة الله, هو قادر انه يهديه.

لازم تعرفي انتى كمان وضعك ايه بالنسبه للعقد لو ثبت ان عمله ده زنا مش جواز لان ده بيترتب عليه امور لازم تسمعيها من اهل العلم الثقات مش اى حد و اقرأى تفسيير اول 10 أيات من سورة النور مهم اوى تعرفى موقفك ايه شرعا
.
كل الناس نفسها بتراوضها على محرمات والزمن زمن فتن و مش بره مصر بس لا و جوة مصر كمان خلاص مافيش حاجة مجتلناش خصوصا فيما يتعلق بالشهوات و العري المستفشى فى الشوارع و الميديا للاسف بيكون سبب فى فشل علاقات زوجية كتير. مخافت الله و الشرع بيقيد كل من يتقى الله ذكر او انثى و انا لارى طريقة تانية يقدر الانسان يقيد بيها نفسه و شهواته, كلنا خطائين و خير الخطائين التوابين.
و المحن لاتحدث إلا بذنب وخطيئة ولا ترفع إلا بتوبة و ربنا سبحانه و تعالى ليس بظلام للعبيد.

زوجك مريض نفسيا ... إدمان الخيانة مثله مثل إدمان المخدرات تماما... ولن يتوقف زوجك عن خيانتك ولا عن تعاطي الحشيش.... زوجك يحتاج لعلاج نفسي سريري بالأدوية والعلاج السلوكي... إذا لم يوافق على ذلك فالطلاق أفضل لك وللأولاد.