الموضوع: زوجي بيخوني وانا جنبوه...

انا عندي 31 سنه وعندي ولدين ومتجوزه عن قصه حب

جوزي مهندس وانا بكالوريس هندسه بس قعده في البيت

ارجوكم التفكير بيدمرني الموضوع باختصار شديد

هو كويس وحنين ومببيخلش باي شي مادي وجدع وكل ده علي راسي من انا بالنسبه له صاحبه مامته مراته عشيقته عشتنا ظريفه جدا

الموضوع بدا اول ما سافر الامارات في 2008 وكان بينزل كل شهرين ويكلمني فيديو كل يوم ومفيش اي مشاكل بينا ومتاكده انوا مستحيل يخوني لانه خاني من 3سنين وانا سمحت كتير عشان بيتي وولادي وحبي الشديد ليه لحد ما فوجت وانا بكلمه مره العصر انه مش بيرد علي التليفون وده كان شي غريب لانه علطول بيرد حتي لو في الحمام

ولما سالته ليه مش بترد

قالي نايم
قولته مش صوت نايمن و المهم فضلت اكلم اي كلام واساله عن زميله الموجود معاه في الشقه

رد عليه وقالي لسه مجاش هيجي الساعه 8 وده كان يوم خميس وفجاه واحده قالت بالحرف(الو الو )
انا رديت الو مين
لقيت تليفونه اتقفل اتصلت بيه بعد 5دقائق رد عليه وقالي ان دي واحده دخلت في الخط وهو في ابو ظبي وانا في مصر وبنتكلم علي الموبايل طبعا شتمته وبهدلته وقالتوا الدخول في الخطوط ده كان ايام عبد الناصر طبعا معبرتوش خالص لحد ما هو نزل هو بعديه بحوال 15 يوم
وقعد يعتذر والمهم الموضوع عدي وابني الصغير كان ماسك التليفون بيلعب فيه لاتيه مطلع فيديو فيه بنتين واحده راكبه قدام والتانيه ورا وشنطه العربيه مرفوعه والبنت الي قدام نزله تركب ورا وهو مش باين في الفيديو خالص بص واضح انوا نسي يمسحوا الفيديو كان متصور من بلكونه عاليه وسمعنا في الفيديو واحده بتقول(واه)واضح انها مش مصريه وقال ان الفيديو احناالي مصورين الفيديو والعربيه هي عربيتنا لان عربيه برضوا لونه اسود بس البنات الي نزلوا من العربيه بشعرهم وانا محجبه ولما سالت زميله علي اساس ان احنا انفصلنا

قالي دي غريزه والاغرات هنا كتير وسمحي علشان الولاد والحياه ومش عشان غلطه البيت يدمر

وهو راجع تاني ابو ظبي طلب من اني اعملوا بفتيك وحمام وطلب ليفه مصريه واضح ان البنت الي معاه مش مصريه وقلي ان الليف لصاحبه ولما سالت صاحبه قالي انا مش طلبت منوا حاجه

ومره تانيه الفجر حوالي 10 مرات التلفون الارضي يرن يرن وتليفونه هو الي كان بيتصل ولما ارد الخط يتفل اتصلت انا بيه وقالتوا مش بترد ليه قالي التليفون محشور في الحيطه


انا عايزه اعرف لو ديه بنت ليل المفروض كل الي يهمه انها تاخد فلوس وخلاص مش تفرق معاها مراته الي في مصر

اي غرضها انها تعرفها انها مع جوزها الا لو جوزي كان فارق معاها
وخوفها عليه انوا يسيبها هو الي منعها انها تكلمني وتقولي هيا مين هو دلوقتي رجع مصر وساب الشغل من نفسه ولما بجيب سيره الموضوع ده بحس بضيق ورعب علي وشه مش عارفه وهو اعتذرلي وقالي(اعتبريني مريض وساعدين)وعلطول بينكر انو عمل اي حاجه وبيتهمني بالجنون مع اني لقتيت بيجامه حريمي ومشط في قلب هدوامه واضح انوا لمهوم غلط وفي هدوم كتير نسيها هناك

حاجه اخيره معلش
لو مثلا روحنا كارفور يبقي ماشي جنبي بيبص علي اي بنت معديه المهم انا مش اشوفه وانا بتحرج جدا ولو وجهته ينكر اعتذرلي كتير بس انا مش قدرا انسي خالص وحياتي بقت سوده بيعمل المستحيل ويستحمل مني اهانات جامده عشان يثبت انو بيحبني وانا برده مش قادره انا اعصابي بتتحرق وحياتي بقت سوده قوللي اعمل ايه والحل ايه

وانا عايزه اعرف برده رايكوا في موضوع خطوط التليفون

وهل تعتقدوا انوا لو جتلوا فرصه هيخون تاني مع انو عنده حياه هادئه زوجه جميله وابناء زي الفل
علي فكره هو بيشرب مخدرات ومش بيصلي

اعمل ايه بجد انصحوني
وانا اسفه طولت عليكم محتاجه ردكم بجد وخصوصا الرجاله لانهم بيفكرا زيه