الموضوع: 825 مليون دولار خسائر السياحة عن شهر فبراير

لما هما 825 مليون في شهر


امال كانوا بيروحوا فين لما كانت السياحة شغالة؟؟؟؟؟


معلش حد يفهمني

المشاركة الأصلية كتبت بواسطة karim_monir

القاهرة:


أفاد تقرير صادر عن وزارة السياحة تم تقديمه لرئيس الوزراء الجديد الفريق احمد شفيق
بأن خسائر مصر عن قطاع الساياحة في شهر فبراير 2011 825 مليون دولار
ناتجة عن الغاء كل شركات السياحة جميع الحجوزات
خاصة ان شهر فبراير كما هو معروف عالميا من انجح الشهور السياية في مصر بعد شهر يناير واجازة راس السنة
ولم تفلح كل حملات تنسيط السياحة الداخلية في تعويض اي خسائر لعدم اقابل المصريين على اي رحلات
خاصة في ظل الركود الاقتصادي ونسبة التضخم الذي يعاني منها الاقتصاد المصري كتبعات لثورة 25 يناير

كريم منير
نايل موتورز

نعم انا اوافقك على ان السياحه قد نالها من الخسائر قدر كبير لم نواجه فى مجال السياحه منذ حادثه الاقصر فى 1997
ولكن اختلف معك فى ان شهر فبراير من انجح الشهور السياحيه بالنسبه لمصر بل بالعكس هو من اقل الشهور فى السنه رواجا فى مجال السياحه.
عفوا تقبل منى هذا التصحيح للمعلومه كونى اعمل بمجال السياحه.

المشاركة الأصلية كتبت بواسطة dr-mohamed

الخسائر دي عن الشهر كامل ولا حتي وقت اعداد التقرير ؟؟؟؟؟
وضيف عليهم خسائر شهر يناير
وربنا يستر وخسائر شهر مارس تكون اقل

بامر الله شهر مارس هيكون احسن وهنبداء نشوف سياحة تانى وخصوصا بعد ما تهدى الامور شوية وتقل المظاهرات والاحتجاجات.

المشاركة الأصلية كتبت بواسطة 2faster

لما هما 825 مليون في شهر


امال كانوا بيروحوا فين لما كانت السياحة شغالة؟؟؟؟؟

المشاركة الأصلية كتبت بواسطة 2faster

معلش حد يفهمني

الخسائر ديه مش بس لالغاء الحجوزات.الفنادق اللى اتقفلت-الشركات اللى بتدفع مرتبات-المراكب اللى وقفت فى المراسى فى الاقصر واسوان-التجديدات اللى اتعملت فى الاهرامو وسقارة وكان منتظر تتغطى بجزء من دخل السياحة-المقدم اللى اتدفع من الشركات والسياح اللى برة من شهور واشتغل هنا وبعدين بيطالبوا بجزء منه.الخ

كانوا بيروحوا فين؟ كانوا بيروحوا لناس كتير هبداء انا بيهم لاننى مرشد سياحى وكان دخلى بيزيد من نوفمبر لابريل وكان بينعكس على مصاريفى (السوبر ماركت-المطاعم-عمال البنزين-الشراء-المصيف-صيانة العربية-الخ)

وغير مطاعم ومحلات وبازارات فى مناطق كتير اتضرت ومنها الهرم ووسط البلد والاقصر واسوان وطبعا شرم الشيخ والغردقة.

مننساش ان عملية دوران الفلوس على الكل بتبداء من افراد للكل.بمعنى اننى بعمل فلوس بصرفها جوة البلد وكتير بيسفيدوا زى ما انا استفدت.

المشاركة الأصلية كتبت بواسطة tamer2020

نعم انا اوافقك على ان السياحه قد نالها من الخسائر قدر كبير لم نواجه فى مجال السياحه منذ حادثه الاقصر فى 1997
ولكن اختلف معك فى ان شهر فبراير من انجح الشهور السياحيه بالنسبه لمصر بل بالعكس هو من اقل الشهور فى السنه رواجا فى مجال السياحه.
عفوا تقبل منى هذا التصحيح للمعلومه كونى اعمل بمجال السياحه.

بالرغم ان السياحة بتبقى قليلة فى فبراير ولو مقارنة بديسمبر او مارس ممكن اقول انها 100% ديسمبر و70% فبراير وده كان حجم حجوزات عندى وغيرى من المرشدين لفبراير.ولكن هو مش من اقل شهور السنة سياحيا.اومال يوليو ويونيو يبقوا معدومين.!

المشاركة الأصلية كتبت بواسطة karim_monir

شكرا تامر وايمن على تصحيح المعلومة
وانا سمعتها
اللي اعرفة ان موسم السياحة في مصر بيبدء من اول شهر 10 تصاعدا ويتنهي في شهر ابريل
الحسين اليوم مافيهوش ولا اي مخلوق غير مصريين
ومعظم المحلات مغلقة
الله يعينهم

العفو يا كريم.هو فعلا بيبدا من اوخر 10 لحد فترة شم النسيم فى شهر ابريل ولسة شوية على خان الخليلى لانه للاسف من ساعة حادثة الخان وفيه شركات لغته من برنامجها و ناس تانية قالت للسائح لو روحت تروح لوحدك وعلى مسئوليتك.

النهاردة بدأت تندع.فى الهرم ومصر القديمة(مجمع الاديان) كان فيه سياحة بالرغم انها خفيفة ولكنها بداية كويسة.

الله يعين ناس كتير شغالة فى السياحة ومبتعرفش تشتغل حاجة تانية غيرها(عمال مطاعم-بياعين فى المناطق السياحية-اصحاب بازارات-موظفى ومديرى شركات السياحة-الخ)

ربنا يسترها على البلد ونقدر نفوق ونعدى الفترة ديه بسرعة.

ربنا يعدى المرحله دى على خير

مصر محتاجه كتير يا جماعه