منى مكرم عبيد | كبيره مجلس امناء الثورة ... هيه بتقول كده

**human** · 18-02-2011 12:12 AM

سيد حليق الرأس اللى بيطلع على المحور جايب دلوقتى منى مكرم عبيد بيقولوا و بتقول ان هيه حاجه كده كبيره و كمان مجلس امناء الثوره هيه الكبيره و البلتاجى عضو مجلس الارشاد من ضمن مجلس الامناء

مين اللى قالك كده يا حاجه

الشباب بتوع 25 يناير ولا ازار ولا ابريل
و انتوا جيتوا منين؟؟

كنا بنخطب على المنصه (بتاعه الاخوان اللى قصاد كنتاكى)

الشباب اختاروها و بعدين دلوقتى بيقولوا الشباب يقدروا يعبروا عن نفسهم

انا مش فاهم ايه حكايه الشباب و مش شباب

اللى انا شفته ان مصر قامت بثوره

دلوقتى وقت السياسه نشوف برامج و نختار و نقول اه ولأ بس مش فاهم ايه كميه التخبط ده

برضه انهارده شباب 25 يناير راحوا لعمرو موسى و قالوله الشباب فى التحرير بيرشحوه!!!

باسم مين؟؟

لا حول ولا قوة الا بالله

يا ريت نسيب السياسه تشتغل و احنا بس نقول اه او لأ
لله الامر من قبل و من بعد

**dr-mohamed** · 18-02-2011 12:59 AM

والله انا اتخنقت يا طارق
كل من ساهم في الثورة من شباب مصر يوم 25 وكل شعب مصر بعدها قال بدوره
دلوقت لا فضل لاحد على اخر
دلوقت وقت البرامج والسياسات اللى يقدم الافضل للبلد احنا معاه انما حد يتمنظر وانا رئيس لجنة الحكماء انا كبير القعدة ادام كنتاكي انا كنت بدعي للمتظاهرين متشكرين
دلوقت وقت من يفيد البلد فقط

**د.أبونضال** · 18-02-2011 02:04 AM

شباب الحزب الوطني باعتبارهم خبرة في موضوع السياسة ... قاموا في كل محافظة بالتجمع تحت اسم "شباب 25 يناير" ويخططون لإشهار حزب بنفس الاسم.... وبالتأكيد عمرو موسى هو زعيمهم المفضل. لأنه الوحيد المقبول الآن من شخصيات النظام السابق كرئيس للجمهورية وبأغلبية قد تتعدى 55%

**itsonlyme** · 18-02-2011 02:49 AM

أنا معاك يا استاذ طارق ان كل من هب ودب بيتكلم باسم ثورة 25 يناير وانا من أكتر الناس اللي كنت بتنرفز لما التليفزيون المصري والقنوات الخاصة بتتكلم عن تمثيل الشباب والتفاوض معاهم مع عمر سليمان أو مع غيره

بس في فعلاً تجمعت لكتير من الشباب اللي شارك في الثورة واللي نسق من الأول لمظاهرات يوم 25 يناير نفسه (أول أيام الثورة)

الحكم على مين فيهم مُدعي وبيركب الموجة هو سقف المطالب

"ائتلاف شباب ثورة الغضب" هو أقرب تجمع لتمثيل الثورة وبأعلى سقف للمطالب وهو أكثرهم اسرارا على استمرار الثورة حتى آخر مطلب.

**zkralla** · 18-02-2011 03:22 AM

طيب عاوز ايه يعنى

-

الموضوع: منى مكرم عبيد | كبيره مجلس امناء الثورة ... هيه بتقول كده

LinkBack

أدوات الموضوع

عرض