المعجزة حصلت يا شباب انا حاموت مش مصدق بقلى يومين

**roaahim** · 18-02-2011 12:17 AM

يا شباب صدق ولا تصدق مرور ابيس اللى كان يدخله عشان يجدد الرخصة لازم وراه شيخ يرد ايمانه له والرشوة والفساد من اصغر عسكرى وموظف اروح امبارح اجدد تصريح العربية اللى اخد منى اول مرة اكتر من 4 ايام الموظفين ماكنوش بيحضروا غير الساعة 9 الصبح ويبتدوا الساعة 10 ويلموا الليلة الساعة 12 والساعتين دول فيهم ساعة ونص للجماعة اللى بيدفعوا رشوة والنص الباقى خناقه مع جموع الشعب المهم انا قولت اجدد التصريح عشان ابيعها الموظفة قاللتى لازم شهادة بيانات بمنتهى الادب ومش حاقدر اطلعلك الاتنين يالتصريح يا شهادة البيانات حاجة واحدة النهاردة وبكرة تجى تعمل الحاجة التانية قوللتها ماانا قدام حضرتك والملف قدام حضرتك اية لازمته اجى مرة تانيه قالتى للو مستعجل هات استثتناء من الظابط راحت للظابط انا عارف من الاول انه محترم بامانة من قبل موضوع الثورة المهم امة لااله الا الله كل مرور اسكندرية عنده لان مرور ابيس الوحيد اللى ماتحرقش والراجل صابر ومتحمل ومفيش عسكرى على بابه يسالك رايح فين دخلت راح موقع على طول ربنا يبارلك له اسم المقدم امجد الغريب رجعت قالتى ادفع راحت دفعت الخزينة فاضية و رجعت عطتينى الورق كامل ودخلت على الكميوتر اللى كان دايما عطلان لقيته شاغل وفل الفل بقدرة ربنا خلال 10 دقايق كنت مستلم شهادة البيانات والتصريح الموقت واهم حاجة انى اخدت عهد على نفسى انى مش حادفع رشوة وقد كان مادفعتش ولا مليم لاى حد وخلصت الورق كله فنص ساعة الله لو مصر تفضل كدة على طوال كنا نبقى اجمل ناس على الارض

**roaahim** · 18-02-2011 12:20 AM

معلش يا شباب حصل غلط املائى فاللفظ الجلالة لااله الا الله سامحونى

**eldell** · 18-02-2011 12:28 AM

طيب كويس ياكبير

**zyadahmed** · 18-02-2011 01:08 AM

اخبار مرور محرم بيه ايه هل تم فتح العمل فيه ولو جزئيا بعد الحريق
انا رخصتى خلصت من اسبوع ورحت كانت اثار الحريق لسه فيه والظابط قالى تعالى بعدين قدامك لسه شهر سماح

**roaahim** · 18-02-2011 01:17 AM

بيقولوا يوم السبت الجاى بس لا اعتقد انت احلى حاجة تطلع على ابيس تكون هناك الساعة 8 صباحا هم بيجيوا 8ونص مرور محرم بيه الموظفين بتوعه موجودين فمرور ابيس وكله بيستاهل وبعدين ابشر مفيش مخالفات لان كل الملفات اتحرقت وطبعا دة من جهل النظام السابق اللى خلى كمبيوتر فى كل بيت وماهانش عليه يحط كمبيوتر قدام كل موظف عشان يعذبوا البشر وتتنتشر الرشوة والواسطة والمحسوبية

**zyadahmed** · 18-02-2011 04:10 AM

بشرك الله بالخير لانى كنت قلقان جدا من 3 سنين شوف بقى المخالفات والتقدير الجزافى الخرافى للسادة ظباط المرور الحمد لله
مع العلم انا ما عملتش ولا مخالفة وكنت مسافر نص المدة فى الخليج لكن كنت متوقع مبلغ محترم