حد يقدر يفيدني في تركيب باور للادا 2107 , منين وبكام؟
عرض للطباعة
حد يقدر يفيدني في تركيب باور للادا 2107 , منين وبكام؟
أحسن حاجه ركبه فى التوكيل
تكلفه حوالى 3000 جنيه
فى التوكيل احسن لأنهم فاهمين بيركب إزاى و عندهم قطع الغيار اللى هتتغير
اى حد بره زى حمدى لادا هيركبه برده بس هتلاقى العربيه مش مظبوطه فى الملفات لأنه مش بيقدر يظبط زاويه فتح العجله
و على فكره التكلفه قريبه بره التوكيل من جوه
لو حسبت سعر الكباس و المواسير و علبه الدراكسيون و كل اللى هيتيغير هتلاقى نفس التكلفه
يبقى التوكيل احسن واضمن
هو حمدي لادا ده فيين ؟؟ وهل في حد في الحرفيين ممكن يركبة؟
حضرتك لو بتسافر بالعربية أو بتاخدها مشاوير كبيرة لا أنصحك بتركيب الباور ..... علشان مابيفصلش مع السرعة عكس ما بيقولوا .... ركبت 3 عربيات مركبين باور عربيتين زيرو وعربية بقالها سنتين شغالة ...... سواقتها قلق خــــالص على 70-90 العربية بتطير يمين وشمال والدريكسيون فاضلله شوية ويعوم ...
بس لو انت 90% من سواقتك جوة المدينة فهو خيار موفق ومريييييح جدا جدا .... وعيبه الوحيد زي ماقولت انه مابيفصلش فصل تام على على السرعات......
أفادكم الله معلومات قيمة جدا