استـفسار :: عن موضوع الشـقق اللي تبع وزاره الاسكان او المحافظه

**K!ShO** · 18-02-2011 01:18 AM

السلام عليكم ورحمة الله وبركاته

لو سمحتو عندي استفسار عن موضوع كده
سمعت ان في شقق تبع وزاره الاسكان او محافظه القاهره
المفروض ان اللي عايز بيروح يقدم طلب
بس انا معنديش اي معلومات وعايز اعرف معلومات عنها
ياريت اللي يعرف حاجه يقولها
وجزاه الله خيرااا

**beautiful0mind** · 18-02-2011 01:27 AM

انا قدمت فى اكتوبر والقاهرة الجديدة ..

بس قبل مقدم ف اكتوبر كان معايا الاخبار وكان مكتوب فيها ان الموضوع نصب وان رئيس الجهاز والمحافظ بيقولة ان مافيش وحدات متاحة ...بس انا قدمت وخلاص

ولما روحت القاهرة الجديدة الراجل قالى قدم مش هتخصر حاجة وتعالى اسأل بعد 10 ايام

الموضوع كلة استمارة وصورة البطاقة بس

ولو حد أحتاج انزلة صورة منها على النت انا تحت أمرة

بس ناس كتير اوى اوى بتقدم

وتقريبا فالقاهرة الجديدة مش هتستلم استمارات تانى يد بيد ...عشان الزحمة ....ممكن تبعتهلهم عن طريق البريد

**tarekzein** · 18-02-2011 01:40 AM

38520012

ده الرقم المخصص من جهاز مدينه 6 أكتوبر للأستفسار

والشروط صورة البطاقه

السن من 20 ألى 40 سنه

عدم تملك وحدات أخرى

والمواعيد من 8 ألى 2 ظهرا

بس فيه حاجه غريبه

كل ما أحب أستفسر عن معلومه

الموظف يقوللى مفيش شروط

مفيش معلومات

مفيش

مفيش

لدرجه أفقدتنى الثقه فى جدية الموضوع أصلا

وبس

دى كل المعلومات عندى