الموضوع: هو احنا ممكن نرجع في امان تاني والا انسي

ان شاء الله فترة لا تتعدى الشهوور
يا رب
والدنيا حترجع احسن من الاول 1000 مرة

المشاركة الأصلية كتبت بواسطة eng.m mahran

دلوقتى فوضى عارمة فى الشوارع

اختيار المسار الى تمشى فيه بالعربية بقى اختيارى مفيش اتجاهات ولا شوارع محددة الى عاوز يمشى فى اى مكان براحته

مفيش سعر محدد لاى سلعة او اى حاجة

الى عاوز يبنى عمارة براحته و الى يزود ادوار مخالفة براحته برضه

الى عاوز يخلص اى تار او خصومة مع اى حد ماشى

الى عاوز يسرق اى حاجة او يسرق اى حد ماشى

دلوقتى طباع و ثقافة الناس بتظهر

وربنا يستر علينا كلنا

و انا معاك فى الكلام ده بحاول اتفاءل بس كل اللى بشوفه بيقول كل اللى بتقول عليه

المشاركة الأصلية كتبت بواسطة mahamedaraby

والله كل ده واكتر كان بيحصل فى الفتره اللى فاتت اللى كانت فيها استقرار وكل حاجه

ادوار مخالفه عينى عينك وادفع و ابنى

التار حاجه من زمان وموجوده

السرقه بردوا شوف كميه المواضيع عن العربيات المسرقه بالكامل او اللى مسروق منها بعض الحاجات

احنا كنا فى فوضى منظمه .... دلوقتى يئينا فى فوضى عشوائيه

فى الاخر انت قبل كده كنت فى فوضى وبرضوا دلوقتى بس الفرق انك بتشيل الفوضى من جدورها اساسا

مع الوقت والاصلاحات هتتحسن الحال ان شاء الله

ان شاء الله بكره هيبقى احسن

ان شاء الله حال الناس هتصلح ونبتدى نبنى بلدنــــــــــــــــا وحط تحت بلدنا مليون خط

ان شاء الله هنشترى المنتج المصرى علشان نشجع صناعتنا

مصر هتبقى احسن بيبنا ونفتخر بيها

اشكرك على تحليلك الرائع للموضوع

و تسمحلى استعير عبارتك


(احنا كنا فى فوضى منظمه. دلوقتى يئينا فى فوضى عشوائيه )

الكلمة دى خلاصة الموضوع

النظام السابق

خاصة الداخلية

كانت بتحكم بطريقة الفوضى المنظمة

و عشان كده كانت بتستعيين بالبلطجة بجميع اشكالها لاشاعة الفوضى المنظمة

سواقين الميكروباصات

اتاوات على المحلات و البياعين

تصاريح المبانى

صراعات و نزاعات طا~فية

(تفتكر مين كان ورا احداث كنيسة القديسين المروعة)

كل الاحداث الظريفة دى كانت ايام النظام

لكن مكناش حاسيين بيها لسببين

1- اننا بدرجة او بأخرى كنا بعيد عنها

2- انها كانت فوضى منظمة و ليست عشوائية

مرة اخرى

تقبل تحياتى و تقديرى