فى خبر بيقول ان الحكومة بتستقبل طلبات توظيف على رقم بريد مش فاكر كام كده
حد عنده خلفية عن الموضوع ده واى تفاصيل يفيدنا بيها؟
عرض للطباعة
فى خبر بيقول ان الحكومة بتستقبل طلبات توظيف على رقم بريد مش فاكر كام كده
حد عنده خلفية عن الموضوع ده واى تفاصيل يفيدنا بيها؟
مش عارف والله بس دة كله اعتقد تسكين بس للشعب
11599 تقريبا انا قدمت بس اعتقد انها اشتغاله
السلام عليكم و رحمة الله و بركاته
أنا اللى أعرفه أنك بتجيب :
-صورة من شهادة الميلاد
-صور من كووووووووووول مؤهلاتك
-صورة من الرقم القومى
-صورة من الموقف من التجنيد
-النموذج بتاع طلب العمل و تملأه
و بعد كده تحط الورق ده فى ظرف و تبعته على وزارة المالية, ص. ب. 11599
و لا تقبل الطلبات الا بالبريد, يعنى لا تقبل الطلبات باليد
و بالتوفيق ان شاء الله
سمعت انهم بيرمو الورق بعد ما بيستلموة من الناااس
يعنى من الاخر بيسكتو الناس
يا جماعه اعملو اللي عليكم وابعتو الطلبات ..انا سمعت انه لازم بريد سريع بحوالي 7 جنيه ..ودا موجود في مكاتب البريد
وربنا يكرم كل اللي عايز يشتغل بالشغل المناسب ليه.. والسعي مطلوب ولا تنسوا ركعتين قيام ليل ودعاء اثناء السجود ...ولا تنسوني من صالح دعاؤكم بالتوفيق في الدنيا والاخره.
انا سمعت من ناس شغالين في وزارة المالية ان الوظائف دي حقيقية وهيشغلوا الناس اللي بتقدم بس بعد مدة طويلة ممكن توصل لسنة او سنتين و اعرف ناس راحوا يقدموا خرجين 2002 وناس عدت التلاتين وقدام كل مكتب بريد بيبقي واقف طوابير ربنا يوفق الجميع
علي فكرة محدش يشتري نموذج التقديم ده وزير المالية قال في كل البرامج هي ورقة فاضية بتكتب فيها بياناتك و مؤهلاتك بس او قال بتدخلوا علي موقع الوزارة وفي نموذج جاهز بيتملي ويطبع ويتبعت برده في البريد .