دخانة من موتور العربية

**kokoelmasry70** · 18-02-2011 02:55 PM

اخوانى انا معايا عربية اكسيل غيرت لها موتور و ركبت واحد استيراد و ماشي كويس الحمد لله

بس بعد فترة لاقيت ان العربية بتطلع دخانة بيضاء عند تدوير العربية علما بالتالى

العربية مش بتتحرك كتير يعنى 3 مرات اسبوعيا
الدخانة بتطلع عند تدوير بس و بتختفي على طول
لو خرجت بالعربية مثلا صباحا و جيت ادورها تانى مفيش دخانة تظهر يعنى الدخانة بتظهر فى حالة لو العربية فضلت يومين من غير تدوير
الميكانيكى بيقول مفيش منها مشكلة و دية نتيجة عدم تدوير العربية كتير و كمان راجعة ان دخانة دية نتيجة نقطة زيت مش محروقة بتطلع عند تدوير بس و مش كتيرة

ارجو حد يفهمنى

سبب الدخانة دبة اية ؟
هل هى مقلقة و لا ؟
ازاى احل مشكلة الدخانة دية و امنعها ؟

منتظر الافادة

**kokoelmasry70** · 21-02-2011 01:30 AM

اخوانى محتاج مساعدتكم

**beshomilan** · 22-02-2011 12:22 AM

كان عندى نفس المشكلة فى الاكسيل بس راحت من ساعت ماغيرت مياه الريداتير

**kokoelmasry70** · 22-02-2011 01:14 AM

المشاركة الأصلية كتبت بواسطة beshomilan

كان عندى نفس المشكلة فى الاكسيل بس راحت من ساعت ماغيرت مياه الريداتير

طيب هو انت الاول كنت حاطط مياة عادية و لا نوع معين و لما غيرت المية حططت مياة نوع عادى ولا نوع معين

**wael6** · 23-02-2011 09:33 PM

المشاركة الأصلية كتبت بواسطة kokoelmasry70

اخوانى انا معايا عربية اكسيل غيرت لها موتور و ركبت واحد استيراد و ماشي كويس الحمد لله

السلام عليكم
ربنا يحللك مشكلتك وتكون بسيطه باذن الله تعالى
ممكن اعرف من حضرتك جبت الموتور بكام ومنين وهل الموتور كامل بالفتيس ولا من غيره وسعته 1500 ولا 1300 وطريقة اثباته فى المرور ؟ وهل له ضمان ؟ ياريت مواصفاته بعد اذنك معلش
معلش انا ازعجتك ؟ بس اصلي داخل على عمره و من ضمن الاحتمالات انى ممكن اغير الموتور
ولكم جزيل الشكر والامتنان

**yyy** · 23-02-2011 10:07 PM

المشاركة الأصلية كتبت بواسطة kokoelmasry70

اخوانى انا معايا عربية اكسيل غيرت لها موتور و ركبت واحد استيراد و ماشي كويس الحمد لله

بس بعد فترة لاقيت ان العربية بتطلع دخانة بيضاء عند تدوير العربية علما بالتالى

العربية مش بتتحرك كتير يعنى 3 مرات اسبوعيا
الدخانة بتطلع عند تدوير بس و بتختفي على طول
لو خرجت بالعربية مثلا صباحا و جيت ادورها تانى مفيش دخانة تظهر يعنى الدخانة بتظهر فى حالة لو العربية فضلت يومين من غير تدوير
الميكانيكى بيقول مفيش منها مشكلة و دية نتيجة عدم تدوير العربية كتير و كمان راجعة ان دخانة دية نتيجة نقطة زيت مش محروقة بتطلع عند تدوير بس و مش كتيرة

ارجو حد يفهمنى

سبب الدخانة دبة اية ؟
هل هى مقلقة و لا ؟
ازاى احل مشكلة الدخانة دية و امنعها ؟

منتظر الافادة

دة غالبا كاوتش صباب بس لسة فى بدايتة خالص....العربية تمشى عادى خالص من غير مشاكل
لما الدخنة تبتدى تزيد ابقى غير كاوتش صباب (ومن غير ما تودى الوش المخرطة علشان يتقشط الا ا>ا كان محتج قشط)

**kokoelmasry70** · 25-02-2011 12:03 AM

المشاركة الأصلية كتبت بواسطة yyy

دة غالبا كاوتش صباب بس لسة فى بدايتة خالص....العربية تمشى عادى خالص من غير مشاكل
لما الدخنة تبتدى تزيد ابقى غير كاوتش صباب (ومن غير ما تودى الوش المخرطة علشان يتقشط الا ا>ا كان محتج قشط)

طيب علشان افهم كاوتش صباب ده معناه عيب فى الموتور اللى اشتريتة ؟؟

و غير كده كاوتش صباب دة علشان اعالجة لازم افتح وش الموتور و لو كده تكلفتة هتكون فى حدود كام

**kokyjoon** · 25-02-2011 12:15 AM

سلام عليكم

أولا هل الزيت بينقص

كاوتش الصباب ده عبارة عن يل بيركب فوق دليل الصباب ليمنع تسرب زيت تزييت دليل الصباب

**beshomilan** · 25-02-2011 12:34 AM

حضرتك انا الاول كنت حطيت مية خضرا ب 25 جنيه وكانت بتطلع دخنة بيضة كل ما امشى رغم انى خروجى بالعربية نادر اوى كل 3 ايام مثلا وجه واحد خبرة اوى قاللى المية اللى جبتها دى مية نار اصلا وسيئة جدااا وغيرها بمية موبيل اللى ب 58 جنيه وفعلا بصراحة الفرق واضح جداا وزودت مية موبيل مياه مقطرة من البنزينة ودايما بزودها مية مقطرة مش مية عادية

**mrastra** · 27-02-2011 09:05 PM

السلام عليكم ورحمة الله وبركاتة
اخى الكريم مش عاوزين نستعجل بس وندخل فى جلد صباب وخلافة اى عربية فى الدنيا حتى لو زيرو بتطلع دخان من الشكمان بس المهم هو لون الدخان دة اية وهل مستمر ولا بيروح مع سخونة الموتور .....غالبا فى الصباح الباكر او مع اول دوارة للموتور سوا بالنهار او حتى باليل بيطلع دخان ممزوج برزاز مياة لو كتمت الشكمان بايدك لمدة ثوانة وشلتها شوف اللى على ايدك اية هل هو بخار مية او حاجة غيرة وانا اعتقد بنسبة 90 فى المية ان الموتور اللى اشتريتة زى الفل ومظبوط جدا وبخار المية اللى بيطلع دة دليل داااااااااامغ على ان الموتور بكفاءة عالية وكمان مظبوط اوى نسب الهوا مع البنزين ..... اما بقى لو لقدر الله الدخان اللى بيخرج مايل للزرقة يعنى كدة زيت محروق سوا بقى من طقم الشنبر او من جلد الصباب بس لو كدة الدخان دة بيفضل مستمر مع اول دوارة وطول ما نت ماشي وتحس ان الزيت بينقص كمان ........الحاة الثالثة عادم مصاحب معة هباب واسف فى التعبير لونة بيكون اسود وبيزيد مع زيادة الدوس على البنزين ودة بيكون خليط غنى اكثر من اللازم بالبنزين بامر الله بامر الله هو الحالة الاولى عندك وهى بخار مياة