عرض للطباعة
السلام عليكم
الحمد لله بعد استشاره اعضاء نيسان قررت انى اركب زينون وفوجات الفوجات جبتها من عند واحد فى شارع المطبعه ال فى الهرم ب 275 جنيه بدون تركيب وكانت بالمفتاح وكل حاجه والكهربائى ركبها مع النور الصغير يعنى لما انور النور الصغير تشتغل ولما افصل النور الصغير تفصل وطبعا المفتاح بتاعها تحت مفتاح الشنطه على طول
دى صور الفوجات
http://up.arab-x.com/Feb11/wsg38983.jpg
http://up.arab-x.com/Feb11/CQE39120.jpg
http://up.arab-x.com/Feb11/qum39120.jpg
ودا موضوع الزينون
http://www.nilemotors.net/Nile/201997-osram-night-breaker.html
الف الف مبروك يا استاذ احمد علي الفوجات و الزينون و بجد عاجبني اوي ضوء الفوجات و كمان ضوء الزينون رائع
بس احب اقولك علي حاجه في الفوجات لأني طبعا كنت شاريهم بنفس السعر و حصل معايا لدلوقتي ان بعد يومين من تركيبهم راحت لمبة من الاتنين اتحرقت .. قمت اشتريت لمبتين الماني محترمين اوي
و دلوقتي الفوجات بقت مشبرة طبعا لأنهم مش زي الاصلي لكن اضائتهم كويسة مش وحشة و بتنفع ساعات في الطرق بالليل
ان شاء الله :) مش هيحصل معاك حاجه متقلقش
بس كنت عايز اعرف صناعة الزينون ايه و عاملة كام من غير التركيب
و شكرا و الف مبروك مرة تانية
ماشاء الله لا قوة الا بالله
الف الف مبارك عليك .... ربنا يرزقك خيرها ويكفيك شرها
بس هو الزينز اللي حضرتك ركبته ده لمبة بس غيرتها ولا المجموعة الكاملة اللي هي اللمض والنواتير والعدسات والكلام ده؟؟
تقبل مروري :))
الف مبروك يا استاذ احمد و ربنا يحفظ لك العربيه
جمببل جدا , ياتري التكلفة كاام ومنين , وغيرت مفتاح النور ولا لا؟
سوري ماخدتش بالي ان حضرتك كاتب المعلومات كلها
الف مليون مبروك , وعاوزين تفاصيل اكتر موضحة السعر موضحة صور الزينون قبل التركيب عشان نتفرج على اسلاكه وخاماته اذا كنت لحقت صورته قبل التركيب , ولو معرفتش ممكن تصوره وهو راكب فى العربية
هل الزينون عليه ضمان ولالا
ومرة تانية الف مبروك
وجزاك الله خيرا على الافادة
مبروك مقدما و متابع باهتمام عالي
اقتباس:
المشاركة الأصلية كتبت بواسطة peaceman
الله يبارك فيك يا باشا
والله انا همشى بالفوجات لحد لما النور يتحرق وبعد كدا اركب لمبات محترمه بس هيا بتنفع كتير فى الطرق الصغيره علشان من انور النور الواطى واعمى الناس
الزينون بس 400 جنيه بدون تركيب ومعاه ضمان 6 شهور
اقتباس:
المشاركة الأصلية كتبت بواسطة sonasteel
امين يا باشا وربنا يتقبل منك لا دا زينون كامل يا باشا بس من غير عدسات زينون يعنى ركبته على العدسات الاصليه للفانوس ودا العيب ال وقعت فيه بس جارى البحث عن حل للعيب دا
اقتباس:
المشاركة الأصلية كتبت بواسطة د.أحمد السعيد
امين يا رب وربنا يكرمك يا باشا
اقتباس:
المشاركة الأصلية كتبت بواسطة beckeryahia
كان نفسى اركبه على دراع النور بس لقيت الدراع بحوالى 300 جنيه لوحده علشان كدا ركبته مفتاح لوحده بس شكله شيك برضوا لا تقلق
اقتباس:
المشاركة الأصلية كتبت بواسطة ahmed.tv
الله يبارك فيك يا باشا ودا بعض ما عندك يا باشا
بكل اسف مضورتوش قبل التركيب بس العلبه لسه معايا هصورهالك يا باشا انت تامر وهصورك المديول وهو رابك بس اللمبه مش هعرف اصورها لانها راكبه فى العدسه بس ال انا استغربتله ان اللمبه ذى اللمبه العاديه خالص من ناحيه الحكم يعنى ال ميعرفش ميعرفش يفرق بينها وبين اللمبه الهالوجين العاديه
السعر 400 جنيه وضمان 6 شهور
او 500 جنيه وضمان سنه بس انا جبت بضمان 6 شهور
اقتباس:
المشاركة الأصلية كتبت بواسطة sedyrohy
الله يبارك فيك يا باشا
ما حضرتك معاك رقمى يا احمد باشا مكلمتنيش ليه كنت خاليتك تركب دراع الفوجات ارخص من كدا بكتيرررر فى التوكيلاقتباس:
المشاركة الأصلية كتبت بواسطة احمد المصرى
كنا بعد اذنك عاوزين نعرف نوع الزينون اسمه ايه
وانت بتصور المديول صورلنا العلبة ممكن
معلش حنتعبك معانا , عشان عاوزينه موضوع مكتمل ومفيد للاعضاء
اقتباس:
المشاركة الأصلية كتبت بواسطة ahmed.tv
الله يخليك يا باشا بس اكيد هكلمك علشان عايز اتعرف عليك يا باشا
بس ال اعرفه ان الدراع كله بيتغير بدراع تانى مجهز للفوجات ولا ممكن الدراع الحالى يتعدل مثلا مش عارف بصراحه
اسمحلى بس انهاردا بليل او بكرا هصورك الصور وهنزلهالك تقربا نوع الزينون hid واكيد صينى يا باشا بس هو العيب الوحيد ال فيه ان اول لما بيشتغل بيقعد حوالى 10 ثوانى عقبال لما يجمع كل قوته ذى اللمبه الموفره كدا يا باشا وبعد كدا بيكون قوى
العيب التانى ال لاحظته ان بيكون منور لمسافه بعيده بس مش شايف كويس بمعنى انه بيكون منور فى السياره ال قدامى مسافه يمكن 75 متر يعنى مسافه محترمه بس لو فى مطب مثلا مش هشوفه غير من مسافه قريبه ودى المشكله ومش عارف هل دا طبيعى ولا ليها حل