السلام عليكم .
هل يمكن تركيب لمبة 100 واط و بدل 55 واط , لنور السيّاره ؟
ام يوجد بذلك ضرر ؟
مع الشكر لكم .
.
السلام عليكم .
هل يمكن تركيب لمبة 100 واط و بدل 55 واط , لنور السيّاره ؟
ام يوجد بذلك ضرر ؟
مع الشكر لكم .
.
ممكن طبعا بس بتحتاج تركب كتاوت كمان عشان اللمبة تديلك قوتها الفعلية وتحافظ على الدراع بتاع النور ميسيحش منك
طب نوع كتاوت كويس ايه ومنين؟
انا اسمع ان الكتاوت التركي كويسة
منين الحقيقة معرفش عشان مركبتهاش قبل كدة
فيه كتاوت تركي و فيه فرنساوي و سعرهم ف حدود 20 جنيه
هتلاقيهم عندي اي حد بتاع اكسسوارات سيارات
لك جزيل الشكر .
لكن كيف طريقة تركيب الكتاوت واين يكون تركيبه بالسياره ؟
ولماذا يلزم تركيب كتاوت ؟
.
الكتاوت بيركبها الكهربائي عشان فيه اسلاك بياخدها من البطاريه و اسلاك بياخدها من دراع النور
بتركب ف اي حته تحت الكبوت بس يستحسن جنب البطاريه
بنركبها عشان تدي اللمبات وات زياده عشان اللمبه الاصليه 55 و العربيه اخرها كدا
لكن اللمبه الجديده لو ركبت من غير كتاوت هتعمل حاجه من الاتنين
اما تسيح دراع النور او مش هتشتغل بكامل طاقتها
التركي تعبان ابو 15 جنيه داه عندي
شكرا جزيلا لك .
.
فيه تركى ب 17 جنيه شكله كويس جيبته بس مركبتوش عشان لاقيت حاجة أحسن ، وفيه صينى ب 4 جنيه باين و زبالة اول لما ركبته باظ فى يومها ، فى النهاية ركبت واحد مستعمل كان بتاع تكييف عربية امريكانى فكبير ومستحمل الحمد لله اخدته من الكهربائى ب 30 ، للأسف معظم الحاجة اللى فى المحلات زبالة فلو عرفت تشوف كهربائى يكون عنده واحد مخرجه من تكييف ولا سخان ولا كرسى كهربا أو اى حمل كبير هيبقا اختيار مش وحش ، أو جرب التركى انا حاسس انه هيبقا كويس ان شاء الله مقارنه بحجمه وشكله وحجم وشكل الصينى
هو الكتاوت عشان تبقا عارف إسمه Relay فى الكهربا ، شغلته ببساطه إنه يتحكم فى دايرة سواء يوصلها أو يفصلها بدون مايكون الزرار اللى بتتحكم انت منه متوصل على الدايرة نفسها ، وده عن طريق مجال مغناطيسى مؤقت بيشد ريشة فيوصل الدايرة وبعدين لما تفصل يروح المجال فاصل و ترجع الريشة فيفصل الحمل
بدون تعقيد انت ممكن تكون بتشغل حمل كبير فى العربية او فى البيت حتى ، الحمل ده كل دايرته لازم هتكون من سلك تخين عشان يستحمل الكهربا بتاعة الحمل ده وما يسخنش ، دلوقتى اى مفتاح يتحكم فى الحمل ده لازم يكون مفتاح كبير عشان يتوصل بالسلك التخين ويستحمل هو كمان الكهربا العالية زى مفتاح البوتشينو مثلا اللى بتركبه للتكييف او السخان فى البيت
طب لو انت عايز تتحكم من مفتاح صغير اوى زى المفاتيح اللى فى تابلوه العربية ، يبقا لازم هنا الكتاوت ، المفتاح الصغير بيبقا فيه كهربا صغيرة يدوبك تعمل مجال مغناطيسى جوا الكتاوت ، وبعدين المجال المغناطيس هو اللى هيوصل الدايرة عن طريق جذب ريشة التوصيل بدون ما المفتاح الصغير بدايرته الصغيرة يتوصل فعلياً بالدايرة الكبيرة
اللى بيحصل ان دراع النور فى العربية هو مفتاح ومصمم على حمل (55 × 2) وات مثلا ، فلو انت ركبت حمل (100 × 2) وات هيبدأ يسخن وممكن يتحرق وممكن لأ وممكن المقاومة بتاعته تبقا عالية على اللمبات الجديدة عشان هو متصمم على أقل فتخنق اللمبات الجديدة ومش هتقدر تديها ال 100 كاملين ، فلازم تعزله عن الحمل ده بالكتاوت وتبقا اللمبات واخدة دايركت من دايرة العربية بدون المرور على دراع النور اللهم إلا استعماله فى الفتح والغلق فقط عشان دى حاجة مش عايزة مغامرة عشان الكهربا خطيرة والحل مابيكلفش حاجة
بس يا سيدى وآسف ع الإطالة بس فرصة تبقا عارف اساس الموضوع ، وبالتوفيق