رقم العضوية : 4028
تاريخ التسجيل : 08Jan2008
المشاركات : 174
النوع : ذكر
الاقامة : Zagazig
السيارة: Nissan Sunny Ex Saloon 2007
السيارة[2]: Nissan Bluebird Sylphy 2009
دراجة بخارية: No
الحالة :
انا مصري
انا اللي بنيت الاهرامات
انا اللي فحرت بضوافري قناة السويس
انا اللي حاربت في اكتوبر
انا اللي هزمت التتار و الصليبيين
انا اللي باحب اهل البيت و كمان الصحابة
انا االعسكري للي واقف خدمة احرس حدود بلدي
انا ضابط الشرطة الشريف اللي رفض الرشوة
انا القاضي اللي بيحكم بما يرضي الله
انا المدرس اللي بيعلم تلاميذه كأنهم اولاده
انا عامل المجاري اللي بينظف قذارة البلد و يرضى بالملاليم
انا الدكتور اللي بيتقي ربنا في شغله و يراعي حرمة و كرامة مرضاه
انا المهندس اللي بيقف تحت الشمس الحارقة علشان يطمن ان صبة الخرسانة سليمة
انا المحامي اللي ما بيدلسش او يخون الامانة او يبرأ المجرمين
انا اللي طلعت بطاقة انتخابية و رحت ادليت بصوتي علشان ما حدش يتهمني بالسلبية
انا كل دول و اكتر بكتير
و اخيرا
انا اللي وقفت تحت بيتي بخشبة احرسه علشان اهلي و جيراني مايخافوش من البلطجية
و انا
قلبي واجعني عليكي يا بلد
فرحان بالثورة
قرفان من الفساد
مش هافرط في حساب الفاسدين او المجرمين
بس خايف على بلدي لا تتحرق
شايف قدامي العراق و لبنان و السودان
شايف ناس كانت بتطالب بالديمقراطية بقت اكثر دكتاتورية من الديكتاتور اللي خلعوه
شايف اقصاء و تهميش و ادعاء احتكار للحقيقة
قال تعالى (إن هذا أخي له تسع وتسعون نعجة ولي نعجة واحدة فقال أكفلنيها وعزني في الخطاب قال لقد ظلمك بسؤال نعجتك إلي نعاجه وإن كثيراً من الخلطاء ليبغي بعضهم على بعض إلا الذين أمنوا وعملوا الصالحات وقليل ما هم وظن داود انما فتناه فاستغفر ربه وخر راكعا وأناب) صدق الله العظيم
http://www.facebook.com/#!/home.php?sk=group_153154958076732&ap=1
مع تحياتي
د.عيد
قال رسول الله صلى الله عليه وسلم:
((من بات آمنا في سربه معافى في بدنه عنده قوت يومه فكأنما حيزت له الدنيا بحذافيرها))
رقم العضوية : 4028
تاريخ التسجيل : 08Jan2008
المشاركات : 174
النوع : ذكر
الاقامة : Zagazig
السيارة: Nissan Sunny Ex Saloon 2007
السيارة[2]: Nissan Bluebird Sylphy 2009
دراجة بخارية: No
الحالة :
نفسي الناس اللي بتحب البلد و خايفة عليها من الفوضى تتكلم
صحيح اتهامات التخاذل و التخوين و العمالة بقت جاهزة و بتطلع في ثانية
بس احنا بنبتغي وجه الله و صالح البلد
ماحدش بيبكي او يتباكي على رحيل الدكتاتور
اهو غار في ستين داهية
و ماحدش بيقول نفرط في حقوقنا و ما نحاسبش المفسدين
حقنا ان شاء الله هناخده هناخده
اللي بنقوله اننا نتلم على بعض
و ناخد بايد بعض
علشان نوقف البلد على رجليها
لأن احنا اصلا اللي شايلينها على اكتافنا من ايام الفراعنة
مش باقول لكم انا اللي بنيت الاهرام و حفرت قناة السويس
انا الراجل اللي بيشتغل علشان يبني بلده و كل الناس بتدعي انها بتتكلم بالنيابة عنه
لا اسف
كان زمان و جبر
ماعدش حد هيتكلم بالنيابة عني
و ما عدتش هاكتم رأيي جوايا
و الكل هيتفاجئ باللي هيسمعه
اصل البلد فيها ثورة
مع تحياتي
د.عيد
قال رسول الله صلى الله عليه وسلم:
((من بات آمنا في سربه معافى في بدنه عنده قوت يومه فكأنما حيزت له الدنيا بحذافيرها))
المفضلات