النور العالى

**saadelden** · 19-02-2011 08:15 PM

اكتر عربيه بتستفزني ف الطريق الشاهين و الفيرنا يبقى كتير اوي مغير اللمض و فرحان بيهم بقى
و المشكله ان قليل اوي الي بيعرف يظبط ريجلاش اللمض

انا عندي الفوانيس المدوره و اما ظبط الريجلاش ماحدش بيكلمني ع النور مع اني مركب لمض 260\200

**M.Osman** · 19-02-2011 09:20 PM

وعلى فكرة فيه عربيات نورها لو وسط مش العالى بيكون غلس زى ال 28 واللادا والالتو
لان ده تصميم الفانوس كدة

تمام
بس مش مبرر ان كــــــــــــــل سائقي السيارات في مصر ماشيين من غير نور بالليل بحجة عشان مضيقش الناس !!

تيييت بجد
الموضوع ده بيحرق لي دمي

==========
مرة ماشي بالليل و قالب مراية الصالون عشان اللي ورايا كان ضارب العالي و مفهمش اي إشارة مني عشان يطفيه
لقيت واحد بلانسر معدي من جبني طاير و غرز و هو طافي النور تماماً

بالذمة ده كلام :( ؟

**eldell** · 20-02-2011 01:08 AM

المشاركة الأصلية كتبت بواسطة M.Osman

تمام
بس مش مبرر ان كــــــــــــــل سائقي السيارات في مصر ماشيين من غير نور بالليل بحجة عشان مضيقش الناس !!

تيييت بجد
الموضوع ده بيحرق لي دمي

==========
مرة ماشي بالليل و قالب مراية الصالون عشان اللي ورايا كان ضارب العالي و مفهمش اي إشارة مني عشان يطفيه
لقيت واحد بلانسر معدي من جبني طاير و غرز و هو طافي النور تماماً

بالذمة ده كلام :( ؟

على فكره والله انا على طول كده علشان بعانى من الى بيضرب النور فى عينى بس وانا معدى من جنب حد برعشله كده وعادى ده فى الطرق السريعه
ههههههههه ويارب مكنتش دعيت عليه علشان ممكن يكون انا

**fiat128man** · 20-02-2011 02:50 AM

وعلى فكرة فيه عربيات نورها لو وسط مش العالى بيكون غلس زى ال 28 واللادا والالتو

انا معايا 128 والوسط بتاعها بينور الاكصدام بالعافيه
الحل ياباشا انك ترعشله بالنور لغاية مايطفي النور بتاعه ولو ماطفهوش اهو تجيبلو عمي مؤقت يلبس في شجرة جزاء له d:

**pro_samir** · 20-02-2011 04:16 AM

المشاركة الأصلية كتبت بواسطة a.saad

فيم الزجاج الخلفى اول او تانى درجة وهيريحك من العالى او ركب ستارة شبك عليه

+1
الفاميه هيريحك فعلا

انا مركب ستاره علي الزجاج الخلفي بس بقالي فتره النور بيتعب عنيا جدا معرفش ليه سواء المرايات الجانبيه أو الصالون

شيلت الستاير وفيمت الأبواب درجه وسط و الزجاج الخلفي درجه أتقل شويه

**mailo** · 20-02-2011 01:33 PM

بص ياباشا هو موضوع العالي ده على طول غباوه بس المشكلة مش فلعالي المشكلة فيظبطت النور يعني أنا النور الواطي عندي قوي شوية عشان كده مابشغلوش كتير بس بأبقى منور النور الضعيف وفوجأت عشان اللي قدامي يشوفني
تخيل كده وإنت ماشي اللي قدامك هدا فجأة وإنتى ماشي بسعرة الطبيعي هتطلع من الجانب لو مشفتش نور فمرايتك يبقى مفيش عربيات أكيد ساعتها مش هتركز قوي عشان وتدور على حد طافي النور إنت عايز تلحق نفسك فلو اللي وراك كان طافي النور يبقى ربنا يستر وياسلام بقى لو كان بيزود عشان يعديك

النور مهم بس الغباوة وحشة

المشاركة الأصلية كتبت بواسطة a.saad

فبلاش اول جملة انت كاتبها
احفظ الجميل بس واعزمنا على رحلة لبلد متقدمة شهر لكل واحد

هو ده الكلام بص اعزم المنتدى كله مرة واحدة ورايح دماغك

المشاركة الأصلية كتبت بواسطة fiat128man

انا معايا 128 والوسط بتاعها بينور الاكصدام بالعافيه
الحل ياباشا انك ترعشله بالنور لغاية مايطفي النور بتاعه ولو ماطفهوش اهو تجيبلو عمي مؤقت يلبس في شجرة جزاء له d:

حلوة شجرة دي

**ABO_MAREM** · 20-02-2011 01:52 PM

جزاكم الله خيرا كلكم وانتى فعلا اخواتى بس انا فعلا كنت مضايق اوى بسبب الظاهره دى

وانا مش بكلم على الى بنور فى الظلام لا بالعكس دا لازم اصلا

انا بكلم على الى بيمشى فى النور وشايف ادامه ومنور النور برده

حاجه مزعجه بجد انا معايا سكودا والله مبنور غير فين وفين لما يكون فعلا مش شايف

اما الدنيا نور والعماويد منورة بليل تشغل النور ليه وتقرف الناس ليه .

ألى ماشى فى الحارة التانيه ومولع النور العالى اوى ممكن ميكونش واخد باله ان حدثه حصلت فى الحاره التانيه تكون بسببه لان عمل عمى مؤقت للناس وبالذات الاختراع المهبب الى اسمه زينن زنن ايه القوة دى هو احنا حنكتشف بير بترول علشان كل النور دا

**a7madramadan** · 20-02-2011 10:59 PM

الزينون لما بيتركب صح على عدسه عمره ما بيزعل حد ...... أنا والله الي مأخر تركيب الزينون بالنسبالي هوه اني عاوز اشتري فانوس كريستال بعدسات علشان ما أتعبش حد جايي في وشي و يعمل حادثة وأشيل ذنبه ......

ومسألة النور المفروض الناس عارفة خط الإضائه بتاعهم والمفروض ما يضربوهوش في وش الناس ... انا شخصيا باشغل النور الواطي في المدينة وباسيب مسافة الإضائه عشان أعمل حساب الي قدامي .... ولو ماشي لوحدي في سكة سريعة وماحدش قدامي بأطمن نفسي بالنور العالي علشان ما اتفاجئش بمطب او نقرة او غيره

**omaroof** · 20-02-2011 11:34 PM

النور الواطى ده المفروض بيشتغل فترة الغروب ولما الدنيا بتغمق لازم نشغل النور العادى درجه رقم 2 اما النور الباهر ده بيتم تشغيله فى الطرق الصحراويه لو مافيش سيارات امامك او جاية مقابله ليك ولو شغلته ولقيت سياره جايه فى المقابل او ظهرت امامك من بعيد لازم تطفيه لانه متعب جدا
وفيه مشكله اخرى النور الزاينون ده مشكله كبيره لانه بيخليك تشوف بوضوح لكن بيعمى غيرك
مشكلتى لما بنزل مصر ان كل الناس بتزعق وتقولى طفى النور العالى رغم انى مشغل النور العادى ومره سواق تاكسى وقف وقالى كد قولتله ده العادى اما العالى كده ورحه عامل الباهر فسكت شويه وقالى لا 2 ده عندنا عالى وطبعا ضحكت

-

الموضوع: النور العالى

LinkBack

أدوات الموضوع

عرض

-

-

-

-

المواضيع المتشابهه

النور العالى

النور العالى

النور العالى دوخنى

النور العالى

اية الحل فى النور العالى

الكلمات الدلالية لهذا الموضوع

المفضلات

المفضلات

ضوابط المشاركة