اوبااا.هو الجيش بدا يزهق ولا ايه؟ قلقان

**Ayman-Ahmed** · 19-02-2011 12:00 AM

لسة قارى الخبر ده على موقع اليوم السابع ومش عارف قالوه امتى البيان ده ولا ايه اللى بيحصل.وخصوصا اخر ما جاء فى البيان:

اليوم السابع | "الأعلى للقوات المسلحة" يطالب المواطنين بحفظ أمن الوطن

صرح مصدر عسكرى بالمجلس الأعلى للقوات المسلحة الليلة بأنه فى ظل الظروف الراهنة التى تمر بها البلاد وحرص المجلس الأعلى للقوات المسلحة على المكاسب المشروعة للمواطنين والتقدير الكامل لأبناء شعبنا العظيم بكل طوائفه على أدائهم المشرف ومشاركتهم رجال القوات المسلحة فى تحقيق أمن الوطن والمواطنين، إلا أنه لوحظ الآتى:

أولا: قيام بعض الفئات بتفضيل مطالبها الفئوية وتنظيم الوقفات والاحتجاجات التى تسبب تعطيل المصالح وإيقاف عجلة الإنتاج وخلق ظروف اقتصادية حرجة، مما يؤدى إلى تدهور اقتصاد البلاد.

ثانيا: قيام بعض العناصر بمنع العاملين بالدولة من أداء أعمالهم، مما يعيق سير العمل ويؤدى إلى تعطيل الإنتاج ومضاعفة الخسائر.

ثالثا: قيام بعض العناصر بالاستيلاء على أراضى الدولة وتبوير الأراضى الزراعية والبناء عليها.

رابعا: إن استمرار حالة عدم الاستقرار وما ينجم عنها من تداعيات سوف تؤدى إلى الإضرار بالأمن القومى للبلاد.

لذا يؤكد المجلس الأعلى للقوات المسلحة على الآتى:

أولا: تفهم المجلس الكامل لمطالب بعض الفئات، والتى تم تكليف الجهات المعنية بالدولة بدراستها والعمل على تحقيقها فى التوقيتات المناسبة.

ثانيا: ضرورة قيام المواطنين الشرفاء بتحمل مسئوليتهم تجاه الوطن والتصدى لأى عناصر غير مسئولة.

ثالثا: المجلس الأعلى للقوات المسلحة لا يسمح باستمرار تلك الممارسات غير المشروعة لما فيها من خطورة جسيمة على الوطن، وسيتم مجابهتها واتخاذ الإجراءات القانونية حيالها لحماية أمن الوطن والمواطنين.

**cheetos_892005** · 19-02-2011 12:04 AM

يا ريت الناس تتلم بقي و يشوفوا شغلهم
وعندكو يوم الجمعه لو حاجه مش عجباكوا
دي الخلاصه

**Ayman-Ahmed** · 19-02-2011 01:49 AM

ربنا يستر وتهدى الامور.

**fiat128man** · 19-02-2011 03:05 AM

الناس بدأت تظيط ومش عايزة تشتغل

**aly_hosny** · 19-02-2011 03:48 AM

عندهم حق
ولو فضو المظاهرات دي بالقوة
ما كل الناس ليها حق في البلد
بس دا مش وقته
لما يجيلك رئيس منتخب اطلب منه ال انت عايزه و لو مجبلكش حاسبه و حاكمه
انما الناس دي مهمتها تامين البلد و الخروج من الموقف

**SunSet** · 19-02-2011 04:02 AM

الموضوع ان النظام لم يسقط لا زال موجود يمارس نفس الاشياء

يتغافل عن المحاسبة والعدالة ويلهي الشعب ببعض القضايا القليلة

لازال يرمي فتات للموظفين

يعني الشرطة تكافئ ب100 % فور ا وهم اصلا مرتباتهم نسبيا عالية وبقية الشعب 15% بعد 3 شهور

15% بدل ما يقولوا 15000%
!!!

يعني برغم كل فضايحهم لسة برضه على نفس الاسلوب

يبقى الثورة تنتهي ليه ؟ على أساس ان المطالب كانت دستورية وسياسية بس؟

اصلا مغظم الناس لو عاشت عيشة كريمة في ظل الحزب الفاسد السابق ولا كانت حتقوم ثورة حتى لو عارفين انهم برضه منهوبين ومسروقين ومكذوب عليهم ومستغفلين

الشعب المصري صبور جدا لكن للصبر حدود

**misoalex** · 19-02-2011 04:46 AM

المشاركة الأصلية كتبت بواسطة aly_hosny

عندهم حق
ولو فضو المظاهرات دي بالقوة
ما كل الناس ليها حق في البلد
بس دا مش وقته
لما يجيلك رئيس منتخب اطلب منه ال انت عايزه و لو مجبلكش حاسبه و حاكمه
انما الناس دي مهمتها تامين البلد و الخروج من الموقف

++++++++++111111111

=

**SkyBird** · 19-02-2011 05:07 AM

بيتهيألي التحذير ده موجه لبقايا الحزب الحاكم ووقفه قوية في وجه الثورة المضاده
خصوصا بعد ان اعلن الثوار ان ليس لهم علاقة بهذه المطالبات المشبوهه و نبهوا الجيش انها بوادر ثورة مضاده (المحور:منى مكرم عبيد و محمد البلتاجي )
يعني التحذير في صالح الثورة وليس ضدها

**mahmoudysf** · 19-02-2011 05:18 AM

على فكرة الجريدة دي مشبوها بعد ما عرفت اللي اسمه خالد ده على حقيقتة
وكان زميل حطلة تسجيل لمكاملة هنا مع ابن ممدوح اسماعيل

**cheetos_892005** · 19-02-2011 06:03 AM

المشاركة الأصلية كتبت بواسطة mahmoudysf

على فكرة الجريدة دي مشبوها بعد ما عرفت اللي اسمه خالد ده على حقيقتة
وكان زميل حطلة تسجيل لمكاملة هنا مع ابن ممدوح اسماعيل

لا بس البيان ده صحيح .....ميقدروش يخترعوا بيان
يروحوا في داهيه

الموضوع: اوبااا.هو الجيش بدا يزهق ولا ايه؟ قلقان

LinkBack

أدوات الموضوع

عرض

اوبااا.هو الجيش بدا يزهق ولا ايه؟ قلقان - انشر الموضوع فى :

-

-

-

-

-

المواضيع المتشابهه

أنا قلقان

قلقان

انا قلقان..... :-(

انا قلقان جدا

الكلمات الدلالية لهذا الموضوع

المفضلات

المفضلات

ضوابط المشاركة