طيب دلوقتي ياجماعة ناس كتير ومنهم انا واقعين فى مشكلة وحيرة كبيرة .. البلد احوالها مش مستقرة والعربية سعرها زاد فجأة 3000 جنيه .. وطبعا الزيادة مهما كانت فى نظر البعض صغيرة فهى هاتربك ميزانيتي و هاتخلينى اراجع نفسى فى موضوع اللوجان ده .. طلباتي بإختصار للناس اللي علي اطلاع بأحوال البلد وعندهم خبرة بالسوق يشوروا عليا أشتري الشهر الجاي ولا استنى حبه ولا استنى فتره طويلة ولا كده السعر بقى كتير علي العربية وأوفر فلوسى واجيب حاجه زي سبارك
لا اصبر شوية
ان شاء الله حال البلد ينصلح
وتجيب اللوجان
على فكرة لو محدش اشترى التوكيل هيلاقى مفيش اقبال فبالتالى السعر هينزل تانى وارخص
اقتباس:
المشاركة الأصلية كتبت بواسطة ayman1204
+111111111111
اقتباس:
المشاركة الأصلية كتبت بواسطة ayman1204
نجرب سياسة المظهرات معاهم يمكن يتنحو عن الي عملوه:E_braces[1]::plusone2:
طيب يا باشا وهو فيه حاجه ف بلدك بتغلى و ترخص تانى؟ ماعتقدش ان العربية هاترخص تانىاقتباس:
المشاركة الأصلية كتبت بواسطة ayman1204
البلد اتغيرت للاحسن ان شاء اللهاقتباس:
المشاركة الأصلية كتبت بواسطة wassim_nasser
انا عندى نفس المشكله بالظبط ومخنوق منهم اوى..
يعنى هى لما كانت بتتباع 67000 كانو بيخسرو فيه ؟؟؟
يارت كلنا نتصل باى جهه لمحاربه الفساد للابلاغ عن الناس دى للجيش او النيابه او اى حته ..
فى مثلا رقم هما حطينو للابلاغ عن الفساد هو 16117
انا عن نفسى هتصل
واى حد عنده راى او تصرف ايجابى ياريت مايبخلش علينا
وجزا الله الجميع خيرا ...
يا نا س يا هوووووووووووووووووو
مش توكيل رينو بس الى غلى الأسعار كل التوكيلات فى مصر رفعت اسعار سيارتها
اقتباس:
المشاركة الأصلية كتبت بواسطة mohamed1979
ريقنا نشف والله يا محمد
والناس مش عارف مالها مش عارفة وﻻ مش فاهمة وﻻ مش فاهم
يا جماعة كل العربيات غليت
الفيرنا بقى تمنها دلؤتى 71750
يعنى اغلى من اللوجان
كل العربيات غليت
وانا كمان نفس المشكلة
كنت ناوى اشترى السانديرو
بس للاسف غليت 3 الف جنيه
مش عارف بقى اشترى ولا اصبر احسن ترخص
حد يشور علينا يا جماعة
أنا أنصح كل واحد مقبل على شراء سياره إنه يستنى على الأقل 9 شهور لسببين :
1- نظام الجمارك فى مصر كان فاسد جدا وكانت الجمارك عاليه بطريقة مبالغ فيها لخدمة أصحاب الكراسى وده أكيد حيتغير بس طبعا مش فى ظل الحكومة الإنتقاليه وحتى مش بعد الإنتخابات الرئاسية على طول عشان كده 9 شهور من دلوقتى ممكن تكون فتره كويسه.
2- الجنيه دلوقتى مش مستقر أمام الدولار وده الخلى الأسعار تزيد بطريقة مؤقته إن شاء الله.
الحيشترى دلوقتى هو الخسران أكيدز
تاني مرة عشان محمد حبيبي أولا :- يا جميل التوكيلات كانت بتكسب مليارات قبل الدولار ما يغلى والدليل على كدهع قضية التعويض الي كان فرج الرواس رافعاه على شركة متسوبيشي لما سحبت التوكيل منه كان طالب مليارات عن المكاسب الي كان هايكسبها خلال الخمس سنين القادمة يعني احنا مش بنتكلم من فراغاقتباس:
المشاركة الأصلية كتبت بواسطة mohamed1979
ثانيا :- لو انت تابعت نشرات الجمارك الي بتصدر وحسبت المبالغ الي بتدفع جمارك على العربيات وقسمتها على عددها بمعنى حساب جمرك كل عربية وقارنت بين الأجمالي وسعر بيعها هاتلاقي نصب واحتيال ويعاقب عليه القانون . سعر مبالغ فيه .
ثالثاً :- الدولا ر غلي كام يعني 10 قروش أو 20 قرش بلاش هانقول جنيه ده يخلي سعر العربية يزيد 3000 جنيه .
رابعاً :- ياريت المنتدى يستضيف المسئول عن تسعير العربية ويحسبلنا كيفية تسعير العربية دلوقتي ولو احنا طلعنا غلط انا هانعتذر على الكلام ده . وهانعمل ودعاية مجانية للتوكيل ويا عم يعتبرها مساهمة من التوكيل لمساعدة اسر الشباب الي عايز يركب عربية يعني بلاش مكسب كبير يقللوا لأنه لو قلل المكسب هايبيع كتير والعربية هاتنتش أكتر وقطع الغيار ها تنتشر وهلمة جرة . وحد يرد عليا لو أنا غلطان
و أخيرا يعني غبور ولا منصور ولا عز العرب يعني من أولياء الله الصالحين طبعا مولد ولازم يكسبوا منه
ياجماعه انا فاهم اللي حضراتكم بتقولوه وعارف ان كل العربيات غليت وشفت بنفسى الشفروليه سبارك اللي كانت ب 52000 بقيت ب 57000 وشفت الفيرنا واللانوس .. بس بما ان توكيل رينو كان محترم عن غبور و منصور اعتقدت انه هايثبت سعر العربية بس الظاهر الوكيل اهم حاجه عنده مكسبه والعميل يولع .. لاحظوا ان العربية معفاه من الجمارك عشان تقفيل مغربي واحنا بيننا وبين المغرب اتفاقية اغادير بمعنى ان العربية اصلا مش عليها جمرك .. علي اي حال انا مش بناقش ذمه محمد نصير المالية انا والمبتدأين اللي زيى طالبين مشورتكم الحكيمة وانتو برضه دايسين سوق العربيات ومنكم اللي ركب حاجات قبل اللوجان .. السؤال دلوقت نشتري علي طول و لا نستنى يمكن ترخص؟ .. فى رأيى المتواضع العربية مش هاترخص تانى عشان يحفظو سعر الموديلات الاقدم .. إن كان فيه حد شايف حاجه تانية ياريت يشور عليا انا محتار جدا خصوصا ان دي اول عربية ليا
ازيك يا محمد باشااقتباس:
المشاركة الأصلية كتبت بواسطة elsheikh2010
مش عارف اقولك ايه بس اصبر شويه يمكن ربنا يصلح الحال و يكون فى الفتره القادمه ان شاء الله تغيرات للأحسن
رأى ان الناس تصبر على شراء السيارات لغايه ما الصوره توضح ان شاء الله
يعنى اغلب الناس رأيها استنى شهرين .. طيب نستنى شهرين وامرنا لله ولو أنى مش عارف ايه اللي هايحصل بكره بس خلاص تبقى إرادة ربنا
انا فى راى ان الموضوع دة مرتبط بانخفاض الجنية اكتر من اى حاجة تانية(مش موضوع توكيل ... كل العربيات رفعت بنفس السعر ) ..... وربنا يصلح الاحوال
أنا بقي هاطلع أول واحد يخالف المجموعة وأقولك متستناش واشتري دلوقتي (ده لو فلوس العربية جاهزة معاك)اقتباس:
المشاركة الأصلية كتبت بواسطة wassim_nasser
أنا علي فكرة زيك وبقالي أكتر من 3 شهور عمال أأجل موضوع الشراء لحد م اتغيرت الأوضاع السياسية مؤخرا, ومؤخرا وكيل البافارية اللي انا عايز اشتري منه قرر زيادة السعر برضه.
لو كنت بتفكر إن السعر هينزل بعد شويه, دي حاجة أنا أشك فيها, ومتخليهاش هي الحكم في موضوع البيع والشراء لأن السعر ده موضوع عرض وطلب والوكيل أكيد حسبها كويس ولقي إن الطلب علي العربية يتيح ليه الفرصة ف زيادة السعر.
مع إحترامي للأستاذ اللي كان بيقول عايز يتصل بالرقم بتاع الفساد الإداري, البائع دايما ليه الحق في عرض السلعة بالسعر اللي هو عايزه, وانت كمان من حقك متشتريش. لإن زي م قولنا السوق عرض وطلب, فلو مفيش طلب مكنش حصل زيادة ف السعر.
أنا رأيي لو انت مستقر ماديا, ووظيفيا وحاسس إنك محتاج العربية دلوقتي إنزل واشتري, لا أعتقد إن السعر هيتراجع (ودي وجهة نظري الشخصية جدا)
علي فكرة أنا مش شغال في توكيل رينو ولا ف أي توكيل, أنا هاشتري بريليانس بالمناسبة ونازل يوم الجمعة إن شاء الله أشتري كاش.
وانا بضم صوتى لصوتكاقتباس:
المشاركة الأصلية كتبت بواسطة elsheikh2010
لازم يكون فى أليه محدده لتسعير السيارات وحساب سعرها للجمهور بعد الجمارك والضرائب والشحن وعموله التوكيل ولازم تكون عموله التوكيل او المصلحه اللى بيطلعها اى كان المسمى تكون بنسبه محدده من تمن العربيه مثلا من كذا الى كذا
ولازم ان يكون هناك هيئه تراقب الاسعار فى السوق كل 6 أشهر مثلا
هناك مطالب كتيره بخصوص تسعير السيارات فى مصر
انا سافرت بره فى الخيلج وفى اوروبا ولاحظت ان فعلا اسعار العربيات فى مصر مبالغ فيه بنسبه لدخل الفرد وده بسبب جشع التجار فى نظام مبارك الفاسد
فا زى ماغيرنا نظام مبارك لازم يكون هناك تغير فى نظام تسعير العربيات واضح للجميع
لازم نعمل جروب هنا باشراف مدير المنتدى لكى يتولى هذه المطالب
انا كل الي عايزه حد يقولنا باسلوب واضح وبكل شفافيه طالما احنا بنقول عايزين نبدأ صفحة جديدة كيفية تسعير العربية ؟؟؟.
لأنه خلاص انتهت نغمة سرية المعلومات وياريت نتعلم من الناس المتقدمة .
=========
+1اقتباس:
المشاركة الأصلية كتبت بواسطة elsheikh2010
أنا معاك في الصفحة دي
انا ان شاء الله ناوي اجيب ساندرو على شهر 12 اخر السنة يمكن سعرها ينزل سعرها دلوقتي 70500 الهاف اوبشن في المصرية للسيارات
ده طبيعى لان سعر الدولار زاد