استفسار عن الافيو الاوتوماتيك

**amr fahmy** · 04-04-2008 08:45 AM

ياجماعة انا لسة مستلم أفيو أوتوماتيك من يومين , فى زرار جنب الفتيس اسمه Hold كنت عاوز أعرف دا بتاع ايه, ثانيا انا العربية مابتعديش كيلوهات هل لازم اروح التوكيل كى تبدأ فى العد, سؤال اخير هى صيانة الالف كيلو تتكلف كام و ممكن اركب فوج لايتس فى التوكيل و يتكلف كام؟

**amr fahmy** · 05-04-2008 03:14 PM

ايه ياجماعة , لماذا لايوجد ردود...................

**osman hisham** · 05-04-2008 08:05 PM

زر الهولد بيخلى العربيه ما تنقلش بعد التالت و ده بيخليك تقرص على الموتور وده يستخدم فى حالة المطالع الطويله أو أنك عايز تشد علشان تطلع من عربيه فى طريق سفر و الأوتوماتيك مش مجمع معاك .
بالنسبه للفوج لايت أعتقد ممكن تركبه اللى أنا عرفه بتاع الأوبترا موجود ب 950 جنيه
بالنسبه للعداد ممكن تروح على طول أو أستنى لخدمة ال5000
و ألف ممبروك و أحكى لنا بقى عن أنطبعاتك عن سواقتها .
م.هشام عثمان

**amr fahmy** · 05-04-2008 11:40 PM

متشكر جدا يابشمهندس

**timo_crosswind** · 09-04-2008 02:23 PM

سؤال بعد اذنك هي الافيو اتوماتيك 2 ازاز كهربا ولا 4 وشكرااا؟

**fathisaad** · 12-04-2008 10:29 AM

الأفيو اتوماتيك 2 زجاج كهرباء(امامى فقط طبعا)

**amr fahmy** · 19-04-2008 03:20 AM

يا جماعة هو زرار الهولد اللى جنب الفتيس الاوتوماتيك فى الافيو , كيف يتم فصله , فانا كل ماركب العربية الاقى الزرار ده شغال؟

ارجو سرعة الرد من فضلكم؟

**mina_ramsis** · 19-04-2008 11:51 AM

يعنى ايه شغال ؟
اول ما تدور الموتور لمبة الهولد اللى فى التابلوه بتطفى معنى كده ان الهولد واقف اما اذا بعد ما دورت و لقيت اللمبة شغالة معنى كده ان الهولد شغال و تطفيه انك تضغط على الزرار اللى جنب الفتيس

**amr fahmy** · 19-04-2008 01:44 PM

يا باشا انا بالاقى لمبة الهولد شغالة و انا مدور العربية و ماشى بيها , بادوس على زرار الهولد اللى جنب الفتيس, مبتتطفيش برده, هل لازم ابطل العربية خالص علشان تتطفى؟ انا مش عارف أفيدونى الله يخليكم؟؟؟