عرض للطباعة
السلام عليكم ورحمة الله وبركاته
ياجماعة انا عندي استفسار بالنسبه للسماعات بتاعت الجين 2 لو حد يعرف مقاسهم بتوع الرف الخلفي وبتوع الباب الامامين عشان صوتهم تعبان جدا وعاوز اغيرهم بسماعات نضيفه نفس المقاس
ولو ركبت جي ام هيخرجني بره ضمان الكهرباء ولا ايه؟؟
وياريت تقولولي احسن نوع ايه بايونير ولا سوني اكسبلود بس طبعا من غير جي ام واجبهم كام وات والكاسيت هيقدر يقومهم ولا هيبقي نفس اداء السماعات بتاعت الفابريقه ديه؟
ولو بيضاوي ايه ظروفهم مع الكاسيت ده(من غير جي ام برضه)
معلش هتعبكم معايا:shyy:
يا باشا انا هقولك على الي حصل معايا بخصوص حوار الصوت بالزبط
اول حاجة انا كنت عايز اعمل زيك كدا واغير السماعات الي ورا بس عشان تجيب نفس المقاس هتبقى بردو مافرقتش كتير وبالتالي اخترت الحل التاني وهو اني ركبت سماعات بيضاوي سوني في البوردة الخشب الي ورا وبعد ما ركبتهم عرفت ان في ناس بتعمل بوردة مفتوحة جاهزة عشان لو مش عايز تفتح في الفابريكة بتاعت العربية المهم الصوت فرق لكن مش كتير بردو والمفاجئة كانت ان للاسف الكاسيت اصلا مافيهوش امكانيات تزبيط كتيرة للصوت فا بردو اخترت الحل التاني واشتريت كاسيت هتقولي طبعا ركبته فين :E_braces[1]: هقولك ركبته بميل ناحية الشمال فوق الرف ملاصق للتابلوه هحاول اصوره وابعتلك شكلة بس بصراحة هو دا الي عمل الفرق بعدها بشويه ركبت جي ام وصب ودا كان الفرق الي نفسي اوصله والصوت بقى تحفة وجميل جدا لكن انا في ناس قالولي ان سماعات الكينوود افضل بس الله اعلم دا صح ولا غلط اسئل بردو حد معرفة يكون فاهم يفيدك في النقطة دي
مانا لو جبت يضاوي مش هينفع يقومو علي ماظن عشان الكاسيت مش هيقدر يقومهم من غير جي ام .... فانا كنت عايز اركب مكانهم سماعات بس حاجه نضيفه
ولو ركبت جي ام العربيه هتخرج من ضمان الكهرباء ولا ايه ده اهم حاجه عايز اعرفها
ايه يا جماعه محدش عارف خالص مقاس السماعات كام الخلفيه و الامامية
ولو ركبت جي ام هيخرجني من الضمان ولا ايه؟؟
لا يا باشا لو ركبت البيضاوي هيقومهم الكاسيت بتاع العربية وهتحس بفرق كمان بس لو انت كييف قوي في حوار الصوت فالكاسيت فعلا هيحجمك لان مافيش في اي اوبشنز لتزبيط الصوت غير البيز والتريبل وخلاص وللاسف انا والله مش عارف ارفعلك الصورة عندي بتاعت مكان الكاسيت الجديد وبالنسبة لو انت عايز تعرف المقاس في دقيقة واحدة عند اي حد بتاع صوتيات هيقولك هما مقاسهم ايه لكن نصيحة مني بلاش لان الفرق في حالة انك ركبت سماعات مكان الاوريجنال هيبقى بكتيره قوي 10 %
الف شكر يا غالي علي ردكاقتباس:
المشاركة الأصلية كتبت بواسطة merooo56
طب يفضل اجيبهم سوني اكسبلود ولا بايونير 400 تايلاندي؟ (مع الاعتبار اني هركب جي ام بس قدام شويه بقي لما اتاكد من حكاية الضمان ديه) ولا انت تنصحني بايه يكون نوع سماعات افضل يعني
بص هو انا كذا واحد قالي ان الكينوود افضل الانواع حاليا وكمان فيه المحل الي انا بتعامل معاه صاحبه راجل كبير وفاهم كويس قووي وشغله بصراحة ماشفتش زيه وكمان مش بيشغل عنده اي حد هو شكله كدا مهندس صوت او حاجه المهم قالي ان كل نوع بيبقى مميز اكتر في حاجه معينه يعني مثلا السوني مميز اكتر في تخريج صوت بيز عالي للي بيسمع اجنبي مثلا واغاني فيها بيز عالي كدا مثلا فا قالي ان الكينوود افضل لان فيها توازن من حيث تخريج الصوت يعني مش بتيجي على حاجه على حساب حاجه دا كان كلامه وانا فعلا اخويا مركب عنده كينوود صوتهم نقي جدااااا وانا الي عندي سوني اكسبلود صوتهم بردو حلو جداااا ومش حاسس بمشكلة فارقة بينهم بصراحة لكن ماجربتش البايونير عشان مافتيش وعموما انا بردو ممكن بكرة اديلك رقم المحل دا وتتصل تكلم الراجل دا وهو محترم جدا وهيقولك الصح بس بكرة لان رقمه على كارت معايا في العربية تحت وانا تحت امرك ويارب اكون قدرت افيدك
الف شكر يا باشا معلش تعبتك معايااقتباس:
المشاركة الأصلية كتبت بواسطة merooo56