المخطط الدنئ لاسقاط عمونا حسنى مبارك
باختصار شديد ده كناب للكاتب سامى كمال الدين
هو مش معروف اوى بس ى رواية جامدة ليه مكتوبة فى اواخر السنة الل فاتت و اتطبعت اول السنة دى
انا عارف ان ده ميهمش ناس كتير بس انا وقع تحت أيدى الكتاب ده و فعلا فيه صدف غريبة قوى !! هى مش بالظبط بس متشابهة جدا خصوصة فى تتابع الاحداث مقارنة بالثورة
و انا عارف او حاسس انه كالعادة كمان كام يوم هيظهر الفئة المعهودة و يقولوا
هااااااااا هى جحافل الخونة تظهر و تخرج من جحورها !!
هاااااااااا هى الخطة المرسومة الامريكية تتجلى امام العالم !!
هااااااااا هو الكاتب الاخوانى الزنديق المارق الفاجر الداعر العاهر الكافر الايرانى القطرى الاسرائيلى الكنتاكى المتأمرك يفضح نفسه و يظهر انه احد اصحاب المخطط الذى أدى لاسقاط الزعيم الجليل الاب السيد الرئيس (محمد حسنى مبارك)
و يقولوا ان الكاتب ده عنده 13% اسهم فى قناة الجزيرة و بيرضع ابن امير قطر الصغير و مشارك وائل غنيم فى محل اجندات على اول اورشليم وانت داخل من اليمين
فقلت نختصر احنا و نقعد نضحك من دلوقتى باعتبار ما سيكون :)
