الموضوع: مرشح شاب لرئاسة مصر بعد 25 يناير

دة راى عمر موسى قبل 25 يناير

[youtube]http://www.youtube.com/watch?v=uXqbk2Q6bFM[/youtube]

معلش اسمحولي أقول رأي المتواضع و ألخصه في عده نقاط

- مبدئيا اختيار مرشح للرئاسة بيكون علي اساس برنامج انتخابي محدد مش لمجرد ارتياح شخصي له و حتي الان لم يتم تحديد مرشحين أو وضع برامج انتخابية..و البرنامج الانتخابي ده بيكون داخله تفصيلات كتير و اولويات للاصلاح...يعني ما ينفعش يجي مرشح يقول "هاخلي البلد أحسن"...لأ لازم يكون في برنامج واضح و يلتزم بيه و يتحاسب لو خدع الناس و ما التزمش بيه و ده هيكون عن طريق مجلس شعب محترم...يعني أنا مثلا قبل ما نتخب حد عايز أعرف السياسة الخارجية من ناحية معاهدة السلام و مشكلة المياه...عايز اعرف السياسة الاقتصاديه هتمشي ازاي...التجاه هيكون في اتجاه السوق الحرة ولا هيكون في نوع من الضمان الاجتماعي و يشرحلي بالتفصيل الاجراءات الي ناوي يعملها لاصلاح الاقتصاد...في أمريكا ممكن مرشح يسقط لمجرد ان عايز يقلل ميزانية التامين الصحي مثلا..أو يسقط لانه موافق علي عدم تجريم الاجهاض...يعني تفاصيل صغيرة جدا بتفرق مع الشعب...بس طبعا امريكا فيها ديموقراطية من 200 سنة و الناس متعودة علي الانتخابات الحرة...باختصار...انا هانتخب برنامج محدد يمثله فلان...مش هانتخب فلان و اقول هو اكيد عارف مصلحتنا فين...و الحمد لله احنا عندنا كمية فضائيات و برامج حوارية كافيه لعرض جميع المرشحين و برامجهم قبل الانتخابات بفترة كافية

- أنا مش مع انتخاب رئيس صغير في السن...برده لنفس السبب...احنا لسة بنقول يا هادي و الشعب مش كله ناس مثقفة زينا...اللي ينفع في انجاترا و امريكا ما ينفعش عندنا في الفترة الحالية...احنا بلد كبير نسبه الامية عالية جدا حتي بين المتعلمين و الشعب مس سهل التحكم فيه و ادينا شايفين الجيش طالع عينا عشان يقنع الناس تبطل مطالب فئوية...و الشعب لسه طاله من تحت ايد ديكتاتور حكم 30 سنة و اتنحي عنده 83 سنه...ما ينفعش بين يوم و ليلة يلاقي الرئيس عنده اربعينات...هيكون سيطرته علي الناس صعبة جدا و هيكطون في نوع من النفلات و الفوضي....لان غالبية الشعب مازالت مقتنعة بصورة الزعيم القوي اللي عنده كاريزما و لا يعنيهم من الديموقراطية سوي زيادة الأجور و انخفاض الاسعار...الرئيس هو رأس الحكومة و رمزها و ووجود شاب علي رأس بلد زي مصر هيكون غير مقنع لناس كتير و هيتسبب في نوع من عدم الاحترام للحكومة كلها...أنا شايف ان البلد محتاجة رئيس قوي و له كاريزما و قبول بين غالبية الشعب و طبعا برنامج محترم...بعد 5 او 10 سنين ممكن الناس تكون قادرة علي قبول مرشح شاب...و في الاخر ارجع و اقول...انا باختار المرشح بالبرنامج بتاعه مش بالشكل او السن او الارتياح لشخصه

- انا مش مع ان ارئيس يكون عالم (زي زويل) او داعية (زي عمرو خالد و معز) لان ده برده مجرد ارتياح شخصي للناس دي لكن ماحدش قال انهم مؤهلين لتحمل مسؤلية كبيرة زي حكم مصر

- بالنسبة لايمن نور و البرادعي و حمدين صباحي..انا شايف ان مالهمش شعبية عند راجل الشارع العادي و بالتالي نفس الكلام مش هايعرف يمسك البلد كويس...البرادعي فقد شعبيته اللي اكتسبها من سنه بسبب بعده عن البلد و كمان طريقة كلامه مش مقنعة...ماعندوش كاريزما و كمان خلاص الناس اقتنعت ان هو اللي باع العراق و ساعد امريكا و مفيش فايدة صعب تغيير رأيهم رغم انه غير كده خالص بس خالص الناس كرهته

- بالنسبة لعمر سليمان فقد شعبيته علي مدار الاسابيع الماضية لانه ربط نفسه بمبارك...يعني حرق نفسه مع مبارك

- انا ضد اللي يقول ان اللي مسك منصب في النظام القديم يتم استبعاده زي عمرو موسي و عمر سليمان و أحمد شفيق...لأن النظام القديم ماكانش بيسيب الوزراء يشتغلوا من دماغهم...المحرك الرئيسي لهم كان الرئيس و مراكز القوي في الحزب الوطني...يبقي ما ينفعش احكم علي أداء عمرو موسي اللي كان محكوم و مقيد بالرئيس و الحزب..و كمان الفترة اللي جاية الرئيس مش هيبقي فرعون و يتم اطلاق يده في كل شئ....يا جماعة اللي حصل لمبارك هيكون كابوس لاي حد يحكم مصر علي مدار ال 50 سنة اللي جاية...اي رئيس متوسط الذكاء مش هيمشي في السكة اللي كان ماشي فيها مبارك و هيكون حريص قوي جدا في ان اسمه يبعد عن اي فساد او تهمة سرقة...مبارك كان عامل فاكر ان مفيش حساب و انه قاعد فيها لحد مايموت و عشان كده السرقة كانت ببجاحة و عدم خوف من المحاسبة...اي مرشح جديد أكيد عنده ملايين مش جعان و قدامه سكة من اتنين...يسرق و يسمح بالفساد و تكون نهايته سودة....أو يصلح البلد و اسمه يتخلد في التاريخ كأول حاكم ينقذ البلد و ينقلها لعصر الديموقراطية

أتصور أن فكرة الرئيس المعجزة الذي يستطيع حل جميع المشاكل وتحقيق كل التوقعات كانت أحد الأصنام التي حُطمت بعد 25 يناير.
لا أفهم منطق "المرحلة يلزمها رجل قوي يقف أمام مش عارف إيه" .. أو "شاب صغير في السن لن يستطيع إقناع 85 مليون مصري".
أعتقد أن الشعب المصري قام بالثورة لكي "يحكم البلد" أليس كذلك؟
الرئيس القادم يجب أن يعرف جيدا أننا من نحكم وليس هو.
لقد طرحت هذا الموضوع لأنني أريد أن أختار مرشحي... وأدعوه لقبول الترشيح... وأتبرع لحملته من جنيهاتي القليلة... وأتطوع في حملته دون مقابل. لا أن أجلس منتظرا من سيترشح وما هو برنامجه وماذا يقول.... أزعم أنني أعرف مقدما أن عمرو موسى ليس لديه جديد... وأن البرادعي قد حقق ما دعا إليه وسقط النظام ولن يترشح للرئاسة إلا إذا كان هناك توافق عليه وهو ما لن يحدث.. وأن كل الأسماء الأخرى تحلم بالمنصب لكن ليس لديها رؤية واضحة أو برنامج محدد.
إذن لماذا لا نبحث نحن عن مرشح شاب، ونطرق أبوابه وندعمه بجنيهاتنا القليلة ونتطوع في حملته وندعو الناس لانتخابه. كبار السن سيعتقدون أننا انتخبناهم لأنهم يستحقون ذلك بمواهبهم وخبراتهم الفذه التي لا نظير لها، هكذا كان مبارك يعتقد... كان يظن أنه يجلس على كرسي الرئاسة بفضل مواهبه وعمله لا بفضل الصدفة التي ألقت به علينا.
إجمالا... أدعوكم لاختيار مرشح وتشجيعه على الترشح والتبرع لحملته والتطوع فيها وقد بدأت بنفسي وبحثت ووجدت حسب وجهة نظري أن د. معتز عبد الفتاح يُعد وجها طيبا يدعو منذ بدأ كتاباته إلى الديمقراطية الحقة، كما أنه متخصص في العلوم السياسية وفي الأربعين من عمره، وقد بعثت له رسالة بالفعل على صفحته على الفيسبوك أطلب منه أن يفكر في طرح نفسه.... وأدعوكم كذلك إلى القيام بنفس الأمر ليس بالضرورة مع د.معتز.. ربما يعرف أي منكم شخصيات أفضل. الخلاصة لا نريد أن نختار من بين أفضل الأسوء، بل من بين أفضل الأفضل.

انا شايف ان عصام سلطان رئيس حزب الوسط (تحت التأسيس) و منشق عن الاخوان من الناس السياسيه اللى اراءها ممتازه و عنده رؤيا لمحاربه الفساد واظن ان لديه الكاريزما لاداره مصر كرئيس, شاب بين 40 -50 وانا أحسبه على خير
YouTube - ‫ط§طھطµط§ظ„ ط§ظ„ظ…ط.ط§ظ…ظٹ ط¹طµط§ظ… ط³ظ„ط·ط§ظ†-ط¹ظ…ط±ظˆ ط£ط¯ظٹط¨‬‎

المشاركة الأصلية كتبت بواسطة saif3s

انا شايف ان عصام سلطان رئيس حزب الوسط (تحت التأسيس) و منشق عن الاخوان من الناس السياسيه اللى اراءها ممتازه و عنده رؤيا لمحاربه الفساد واظن ان لديه الكاريزما لاداره مصر كرئيس, شاب بين 40 -50 وانا أحسبه على خير
youtube - ‫ط§طھطµط§ظ„ ط§ظ„ظ…ط.ط§ظ…ظٹ ط¹طµط§ظ… ط³ظ„ط·ط§ظ†-ط¹ظ…ط±ظˆ ط£ط¯ظٹط¨‬‎

عصام سلطان راجل محترم وأنا معك في رأيك فيه وكان غائبا عن ذهني... أشكرك جزيلا

المشاركة الأصلية كتبت بواسطة otefa

شكرا د.أبو نضال
ودي مجموعة فيديوهات قيمة د. معتز عبد الفتاح
أكاديميا ممتاز السؤال هل له دور فعال على أرض الواقع؟

مصر النهارده

دور الرئيس هو تقديم الرؤية بمعنى المفاهيم والسياسات والمبادئ العامة، انظر مثلا (ولله المثل الأعلى) إلى الرسول صلى الله عليه وسلم وإلى عمر بن الخطاب وكيفية حكمهما.
أعتقد أن شخصا أكاديميا مثل د.معتز كتب رسالته في الدكتوراه عن الديمقراطية في الإسلام يستطيع تقديم هذه الرؤية الصحيحة التي تحتاجها مصر في هذه المرحلة هذا حسب رأيي الشخصي فقد درس تاريخ الحكم في الإسلام منذ نشأته وحتى اليوم.
وأدعو الأعضاء أيضا إلى تقديم المزيد من الأسماء. لا يمكن أيها الشباب أن مصر غير قادرة على تقديم شاب واحد يمكن أن ينافس شلة العواجيز عديمي الرؤية هؤلاء (باستثناء البرادعي).