سؤال لكل رئيس عربى !! بالاخص اصحاب العمر الطويل فى الحكم امثال مبارك 30 سنة والقذافى 43 سنة وصالح رئيس اليمن والبحرين وهكذا وهكذا امثال هؤلاء جميعا الذين يمتلكون نفس الخصائص :
1: الاختباء خلف الشرطة والضرب والقتل والقمع
2: حب الكرسى والمال والسلطة
واشياء كثيرة يرسم طريقها الشيطان وهو اكبر حليف لهم

ايه شعورك يا معالى الحاكم المستبد وانت بتشوف ان اولادك بيموتوا قدامك وبرصاصك اللى انت شاريه من اعداؤك , ليه كل ده هل متخيل ان الكرسى دايم ليك

هل بذمتك ودينك انت بتعرف ربنا وبتقرأ القران وعارف الحلال من الحرام ولا انت ديانتك ايه , ده مفيش اى دين فى الدنيا كلها يسمح بكل اللى بتعمله فى شعبك ليه كده حرام عليك اتقى الله , بسبب جهلكم ضيعتوا البلد وصيعتوا فلسطين ودول عربية كتير وفى الاخر تشتكوا من امريكا واسرائيل . ما هما بيعملوا كده لانهم شايفينكم ضعفاء الكرسى عامى عينيكم

حسبى الله ونعم الوكيل فى كل حاكم ظالم مستبد همه الاول والاخير الفلوس والكرسى وان الشيطان يفضل راكبه طول العمر الرسول ( صلى الله عليه وسلم ) قال لا يلدغ مؤمن من جحر مرتين .. وهما بينفذوا نفس السيناريو بتاع مصر وتونس والدليل ان الحكام دول مش مؤمنين لانهم لم يلدغوا من الجحر ولكن مسلمين عقولهم للشيطان يتحكم فيهم

حسبى الله ونعم الوكيل فى كل حاكم ظالم مستبد بيقتل اولاده بوحشية بدون تفكير وكل فكره ان السلاح والرصاص بيموت الرجالة لكن احب اقولهم الرجالة مش بيموتوا الرجالة بيفتحوا صدورهم للرصاص وهما بيرددوا الشهادة لا اله الا الله محمد رسول الله وان كان مسيحى بيصلى وهو بياخد الرصاصة فى صدره

ارحموا انفسكم شوية من الظلم والطغيان حرام عليكم بلاش تدخلوا جهنم برجليكم