دعوة للمقاطعة لمدة شهر واحد وهاتشوفوا النتيجة (ادخل وشوف)

دعوة للمقاطعة لمدة شهر واحد وهاتشوفوا النتيجة (ادخل وشوف)
انا عندى فكرة بسيطه عايز اقولوكو عليها !!

بعد الارتفاعات المتواليه ة فى اسعار السيارات فى السوق المصرى و الغير مبرره من الوكلاء وخصوصا اليابانية .
هايحصل اية لو نظمنا حملة لمقاطعة هذة التوكيلات لمدة شهر مثلا . بمعنى اننا نمتنع عن الشراء او الحجز للسيارات الجديدة وخصوصا تويوتا ومتسوبيشى فى هذة المدة ولتكن من يوم 15/4/2008 حتى 15/5/2008 ودى اعتقد مش هاتفرق مع اى حد ناوى يشترى عربية جديدة لما يستنى شهر يعنى دى مش اكل ولا شربوش هانموت يعنى.
بصراحة لان حل موضوع الاسعار ده حله فى ادينا احنا لاننا طول ما احنا بنشترى فالتجار مش هايبطلوا يرفعو فى الاسعار (وبالطريقه دى عندهم حق) لانهم كل لما يرفعوا الاسعار بيلاقو حد بيشترى فمايرفعوش الاسعار ليه (ليه تكسب كتير لما ممكن تكسب اكتر )

_ هما بيتحججو بالين اليابانى مع ان تويوتا بتجيب الكورولا من جنوب افريقيا ارخص بكتير من اليابانى و مسعره بالدولار
- اما متسوبيشى مصر فهي منزلة اصلا اللانسر مبالغ فى سعرها اوى وغالية وتروح مغلياها تانى !!!!!!!!!!(لان الناس عماله تشترى طبعا)

الغريب بقى و المثير للضحك ان توكيل ذى فولكس فاجن مصر مارفعشى تمن الباسات والجيتا و الجولف من اول مانزلها مع انة بيستردها و بيدفع باليورو اللى زاد 1.5 جنيه فى سنتين (شوفوا العجب)
*ولو انه معروف ليه . لان المنافسة ضارية من الباسات والجيتا الخليجى

يا جماعة قاطعوا قاطعوا قاطعوا قاطعوا قاطعوا قاطعوا قاطعوا قاطعوا .............

منتظر الاراء

اشرف

مفيش شك ان كلامك مظبوط انت عارف ان انا كنت بشتري ياريس و فعلا كل يوم تمنها يذيد ممن غير معرف ليه بصراحه تيوتا بتفتري في العملاء بتوعها و عاوزه قرصه مننا و علشان كده انا مئجل شري العربيه دي شويه لكن لو قررنا نقاطع اعتقد ان انا هكون معاكو بس لازم نكون جماعه لان التوكيل موش هيقدر يستحمل عدم البيع لو نفتكر كان فيه موضوع ان تويوتا غلت الاسعار من كام يوم و لما الناس سحبت مقدم عربيات الكورولا حوالي 1200 واحد سحبو فلوسهم منهم زميل ليا راحو مرجعين الفلوس و اتصلوا بالناس تاني ياريت نقدر نحقق الفكره دي

فين الاراء

+100000000000000000
مع الفكرة قلبا و قالبا

توكيل فيات ..... فولكس فاجن ..... بيجو ..... و معظم الأوروبي
الأسعار تقريبا ثابتة و لا تتغير
و مصنع نيسان في 6 أكتوبر ......... بيستورد معظم المكونات من اليابان ........ طيب ليه مغليش هو كمان ؟؟؟؟؟؟؟؟؟؟

أما التوكيلات اليابانية .......... أسعارهم نار بسبب الإقبار عليهم و هو ما يعطيهم الفرصة لرفع الأسعار كما يحلو لهم

و طبع الزباين هي اللي بتشجع الوكيل أنه يعمل كدا
و لو أتحد الزباين على الوكيل ......... سيتم البيع بأسعار معقولة

و أنا معكم و سأطالب كل من أعرفه بالإنضمام إلى هذه الحملة

و شكرا جزيلا

حاجات كتير فى البلد محتاجة المقاطعة مش السيارات فقط

انا معاك بس المقاطعة في العربيات صعبة جدا لان الواحد مننا ما يصدق يلاقي تمن العربية او مقدمها معاه بيروح يحجز بيهم العربية قبل ما الفلوس تروح كدة ولا كدة

كان عندنا مندوب هيونداى غبور فى الشركة أول الاسبوع ده و قعد يقول الفيرنا و الماتريكس حايغلوا من 2000 الى 2500 ج و اعتقد ان أى حد بيقع تحت ايد
الثلاثى القذر على راى زميلنا هنا فى المنتدى (تويوتا-ميتسوبيشى-هيونداى) بيوهموه انه لو ماحجزش العربية دلوقتى حاتغلى و مش حايعرف يجيبها و الناس بتصدق طبعا مع انهم لو فكروا شوية حيلاقوا ان مش من مصلحة الوكيل او التاجر يقولهم الحق احجز قبل ما العربية تغلى علشان من مصلحته انه يبيع بالغالى بس حاتعمل ايه فى الناس بقى و ده اللى بيخليهم يجروا ورا التوكيلات و التجار و طبعا لازم ساعتها يركبوا و يدلدلوا رجليهم
اما عن مندوب هيونداى بصراحة الست والدته كانت داعية عليه الصبح قبل ما ينزل الشغل قعدت معاه نص ساعة روقته على الاخر و مشى و قفاه يامر عيش

محدش ناوى يقاطع ولا ايه ؟؟؟؟؟؟؟؟

فكره رائعه بس اعتقد شهر واحد مش كفايه ؟؟؟

انا معاكم و فعلا كانت عندى نية شراء سيارة جديدة لكن مع الجشع الغير مبرر اجلت القرار لأجل غير مسمى
لازم تكون لنا وقفة
يا اخوانا احنا دلوقتى ما لناش غير بعض و حكومتنا راحت تصيف فى بورتو مارينا
بجد لازم نتخذ مواقف جماعية فى السيارات و غيرها

فعلا وكلاء تويوتا و ميتسوبيشى فى مصر بقوا بيستهبلوا جامد فى تسعير عربياتهم

فكرة رائعة فعلا و اعتقد ان شهر او شهرين حيخليهم يعيدوا حساباتهم من جديد لما يلاقوا ميزان العرض و الطلب بقى مش فى صالحهم

انا مع اى رد فعل ايجابى ضد اى فعل سلبى
الاهم من المقاطعة انها تبقى ع مستوى افقى وتشمل اى سلعة مغالى فى سعرها مش العربيات بس :)

اقتباس:

---

المشاركة الأصلية كتبت بواسطة tutankhamoun

و مصنع نيسان في 6 أكتوبر ......... بيستورد معظم المكونات من اليابان ........ طيب ليه مغليش هو كمان ؟؟؟؟؟؟؟؟؟؟

---

مش علشان عربيتى نيسان لكن انا فعلا كل ما حد بيسألنى على اسعار العربيات بقلو له على الموضوع ده ، ان بالرغم من ان كل وكلاء الكورى ويابانى غلو لكن نيسان مازات محافظة على اسعار الصنى ودى سياسة حكيمة جدا انا شايف انهم قدروا بيها يكسبوا مساحة ضخمة من السوق

لذلك انا بشجع اننا نتعامل مع االوكلاء والمصنعين اللى مغلوش اسعار عربياتهم علشان ندى للآخرين درس

النيسان غليت الف جنية