انعدام الثقه فى الجيش المصرى
سوء الظن من حسن الفطن
+
عقل متشكك لا يقبل الامور الا بعد ارتياب
ده انا
القلق والتشكك شعور مزعج ومؤلم بس للأسف الشديد احيان كتير بيكون ده جزء من طريقه تفكيرى
احيانا كنت بحس ان الجهل نعمه والى مش فاهم حاجه فى اى حاجه مستريح
......................
البدايه
البدايه انى مع عمرى الى عشته فى مصر وصلت لدرجه كبيره من انعدام الثقه فى كل مؤسسات الدوله
وبما أن المؤسسه العسكريه احد مؤسسات الدوله
اذن ثقتى فى المؤسسه العسكريه كانت صفر
عشان كده فى الايام الاولى للثوره كنت مش وائق فى الجيش رغم انه رفض تفريق المتظاهرين بالقوه ورغم انى متأكد انه هو الى اجبر مبارك على التنحى وبدونه كان مبارك هيفضل موجود
بس هل ده معناه ان الجيش هيحول مصر لدوله ديمقراطيه ولا هيحتكر السلطه لنفسه ؟
سؤال كان قلقنى جدا
هل ممكن ناس عينهم الرئيس مبارك تجيلهم السلطه لغايه عندهم ويسيبهوا ؟؟؟؟؟؟؟؟
اسأل ضباط اعرفهم فى الجيش لعلهم يجاوبونى اجابه تقلل من القلق الى جوايا
ويقولوا لا متخفش
لكن برضه مش مطمن
بعد كده بداءت البيانات العسكريه تتوالى
الجيش بيقول هو مش قاعد فى السلطه وهيعمل دوله ديمقراطيه ويرجع ثكناته بعد تظبيط البلد دستور ومجلسى شعب وشورى وانتخابات رئاسيه
برضه لسه قلقان
اسأل نفسى هما ليه مش بيحاكموا الفاسدين ؟
الاقى الاجابه قرار بحبس جرانه والعادلى واحمد عز والمغربى
حاجه تطمن بس القلق برضه موجود
بعض الاجراءات الكويسه جدا تطمى اكتر وتخلينى اقول الجيش هيوفى بوعده ومش هيخيب املى فيه بس هو يمكن القرارت بطيئه شويه
اسال نفسى اشمعنى رئيس امن الدوله ما تغيرش وما تمش الافراج عن المعتقلين السياسين
النهارده فى المصرى اليوم الخبر ده
ط§ظ„ظ…طµط±ظ‰ ط§ظ„ظٹظˆظ… | آ«ط§ظ„ط¯ط§ط®ظ„ظٹط©آ» طھط¯ط±ط³ طھط.ظˆظٹظ„ ظ…ط¨ط§ط.ط« ط£ظ…ظ† ط§ظ„ط¯ظˆظ„ط© ط¥ظ„ظ‰ آ«ط¬ظ‡ط§ط² ظ…ط¹ظ„ظˆظ…ط§طھآ» ط¹ظ† آ«ط§ظ„ط¥ط±ظ‡ط§ط¨آ».. ظˆطھط.طµط± ط§ظ„ظ…ط¹طھظ‚ظ„ظٹظ† ظ„ظ„ط¥ظپط±ط§ط¬ ط¹ظ†ظ‡ظ…
القلق بيخف خالص
عشان كل ما اسأل سؤال الاقى بعد شويه الاجابه
الجيش عمال بيثبت يوم بعد يوم انه اكثر المؤسسات احتراما فى مصر وان مفهوم الشرف ليه وجود كبير داخل المؤسسه ديه
بس لسه فيه بقايا قلق جوايا ... فيه حد مطمئن يطمنى يطمنى اكتر
ويقولى ليه فيه بعض البط فى قرارات الجيش .. بحس ان القرارات متأخره احيانا
.........................
ملحوظه هامه :-
على فكره عمرى ما كنت بقبلق على البلد زى الايام ديه ولا عمرى حسيت انى بحب مصر زى الايام ديه ... كنت زمان - ولا موخذه - ضربها سرمه وبقول ديه بلدهم مش بلدى وبقول خربانه خربانه .. لكن دلوقتى بقيت حاسس ان البلد ديه بتاعتى وخايف عليها زى ما بخاف على ولادى وامى وابويا وزوجتى واهلى