فضيحة جديدة لقادة الثورة !!!! شوف بنفسك

**m_car** · 19-02-2011 03:49 PM

علشان تعرفوا بس ان وائل غنيم عميل وجاسوس

اثبت تقارير ومصادر خاصة بينا احنا ان وائل غنيم ينتمى لجماعة شوكولوكوبوتو وهى قبائل تابعة لجزيرة شحربوت الهندية وهى تابعه لنظام الحكم ماسونى وهى من اهم اهدافه القضاء على كل واحد مصرى فى العالم كله

واثبتت تقارير اخرى ان وائل غنيم متورط فى حادثة قطار الصعيد وثبت ان هو اللى جاب الجاموسة ووقفها قدام القطر وذلك بعد التحقيق مع الجاموسة

وفى النهاية اثبتت التقارير ان البرادعى كان قايم مرعى بتاع الكليمة فى فيلم (( معلش احنا بنتبهدل )) وذلك كان متخفيا بعد ضرب العراق لانه كان السبب

وفى النهاية احب اقول اننا لازم ناخد حذرنا من كل الناس اللى حوالينا وخد بالك ابن خالتك عميل وجاسوس والبواب اللى بيقولك انت رايح فيه يابيه اجهزلك العربية هتلاقى الجلابية اللى لابسها دليل انه عميل وخاين

وشكرا لكل انسان عاقل يمتلك عقل يفكر به وليس عقل يتركه للاخرين يلعبون به

**أبو صلاح** · 19-02-2011 03:56 PM

قبل ما ادخل الموضوع ولما قرأت عنوانه كنت هدخل شمال على طول

لكن عدت على خير
الموضوع طلع تهريج

**m_car** · 19-02-2011 04:01 PM

المشاركة الأصلية كتبت بواسطة أبو صلاح

قبل ما ادخل الموضوع ولما قرأت عنوانه كنت هدخل شمال على طول

لكن عدت على خير
الموضوع طلع تهريج

هههههههههههههههههههههههه علشان تعرف بس ان دول ناس عملاء وجواسيس

**medo_2060** · 19-02-2011 04:12 PM

الالالالالالا اهو دا الى كنت خايف منه

**naderfahmy** · 19-02-2011 04:12 PM

احب اضيف انى قريت خبر ان وائل غنيم كان من عملاء الانجليز ايام اسماعيل باشا وكان بيجيب الصعايده يحفروا قناة السويس بالعافية , دا غير انى سمعت ان سمعت ان جد جد جد جده كان يهودى من اصل تايوانى والمصيبة الاكبر انه مش بيشرب بريل

خيانة مش بيشرب بريل يا ليلة كوبيا يا ولاد

**mazagngi2010** · 19-02-2011 04:21 PM

انت عارف لو شيلت موضوع القطر والجاموسه ومرعى بتاع الكليمه
الناس هتصدق وهتنشره
فكرتنى بفضيحه سيفون سبورت

**mohabelnegm** · 19-02-2011 04:29 PM

كان فى فيلم من التمانينات أسمه "فوزية البرجوازية" أحنا فى مصر بقينا عاملين بالظبط زى قصة الفيلم دة و الفيلم قصتة كانت بتدور فى حارة ...دلوقتى على مستوى البلد كلها كله نازل اتهامات فى كله بالعماله و الخيانة .