من الأخر كده مفيش واحد في جمهورية مصر العربية كلها ينفع رئيسا ً للجمهورية لأن مفيش حد في مصر يملك خبرة رئيس الجمهورية كسياسي او اقتصادي او الخ ... و للاسف دا كان احتقار رسمي من النظام القديم زي حديد عز بالظبط
لكن انا برشح عمرو موسي لرئاسة الجمهورية فقط لمدة واحدة عشان يكون عندنا الفرصة لأتاحة عمل برامج لتفعيل مهام رئيس الجمهورية و اهتماماته في خلال هذه الفترة
يعني بمعني اصح انتقال سلمي بخبرة عمرو موسي كسياسي و اقتصادي و الخ .. الي رؤساء جدد في الانتخابات لفترة جديدة
انما غير كده البلد هتبقي فوضي بلا نهاية
نيجي لنقطة تانية ان المفروض ان البلد داخلة علي دولة ديمقراطية علي حد قول نسبة كبيرة من الناس و طبعا نسبة كبيرة لم يعلم ما هي معني كلمة الديمقراطيه و الحرية بالمعني الصحيح
يبقي المهم دلوقتي هو مجلس الشعب و للاسف خايف جدا جدا من هذه الانتخابات اللي طبعا هيكون فيها دفع مبالغ غير عادية عشان الناس المنتخبة توصل للكرسي داخل مجلس الشعب و طبعا الوصول لهذا الكرسي افضل بكثير من كون اي شخص يريد ان يكون رئيسا ً للجمهورية
المفضلات