لأ اوافق
لأ اوافق
معلش يا باشا اعذرهم فى ناس كانت بتاكل عيش من ورا النظام القديم وانت فاهم طبعا ازاى
عندنا واحد فى المنطقى ساكن فى شقة تمنها 180 ألف ومعاه عربية هيونداى الانترا بتتجدد كل سنة ومراتو معاها نيو اكسنت
يوم الخطاب بتاع مبارك لما قال مش حرشح نفسى تانى نزل هو وجماعة صحابو وشايلين يفط مكتوب عليها نعم لمبارك
نسيت اقولك الباشا شغال ايه (عامل بوفيه فى الحى)
احلى حاجة الديمقراطية اللى احنا بنقول عليها
انا نفسى اعرف سيادتك ايه الفرق بينك و بين نظام حسنى مبارك ؟؟؟؟؟؟؟؟
انت زيك زيه و عايز تمشى رأيك انت .... طب ليه كنت بتطلب منه يسمع رأيك لما انت مش عايز تسمع رأى الناس اللى معاك فى البلد ؟؟
هى كده تبقى ديمقراطية فين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟
فعلا احنا شعب مينفعش فيه الديمقراطية مع الناس اللى تفكيرها زيك غ ...... و ربنا يهديك انت و اللى بيفكر زيك
عشان بلدنا تتقد هنحتاج اننا نسمع رأى بعض مش انا اقول رأيى و مش عايز حد يعارضنى فيه و الا يبقى اتأخرنا مش اتقدمنا و الا هيبقى اللى جاى يحكمنا اسود و ألعن من حسنى مبارك و اعوانه و البلد هتبوظ اكتر
مش كفاية أيقاف...........أي مؤييد يضرب بالنار هههههه(بهزر طبعا)
يا ريت الاداره تحذف الموضوع بسرعه عشان هيعمل مشاكل ووجع دماغ كتير .....
كفايه اللي احنا فيه ........
انا عن نفسي مخدتش الموضوع علي محمل الجد قوي .....مع انه غلط فعلا
:bye:
اخي الكريم الفاضل
بدون شده في الحوار
و بدون الدخول شمال او فرض رأي علي رأي
الموضوع بسيط جدا بجد (( بس محتاج هدوء من معاليك و شوية تشغيل عقل كده و تعالي نحلل الموقف بهدوء اذا سمحت لي ))
اولا :- حضرتك لو شايف ان الثوار فعلا كانو بيتحدثو بأسم معظم الشعب المصري علي اختلاف طوائفه اذا لا تقلق من اي فئه (( كانت مستفيدة من النظام السابق )) تحاول ان تؤثر بالسلب علي مسيرة الاصلاح و النهوض بالبلد فهذه الفئة اكيد اصغر و هي الان منقسمة
جزء منهم مذعور و هم كبار الظالمين و الاخرين هم الصغار المستفيدين صدقني كل همهم ان تحاول ان تتداري عن العيون كي لا تؤخذ في الرجلين و هم اما ناس فعلا حرامية مستفيديين فصدقني كل همهم اما الخروج من البلد بأقل الخسائر او المداهنة للثوار او الجلوس في المنزل انتظارا لما سوف تأتي به الايام
ثانيا :- لو حضرتك بقي غير واثق في ان الثوار لم يكونو بيتحدثو بأسم الغالبية العظمي من الشعب
فهذا فعلا يدعوك للقلق لان اكيد النسبة التي لم تؤيد الثورة مساوية مثلا للتي تؤيدها و من هنا لك الحق فعلا في القلق و ان تطلب حجب ارائهم عن الرأي العام (( و بكده حققت حضرتك نفس نظرية النظام لانهم كانو يملكون كل شئ السلطة و الشرطة و المال و الجيش و رأس النظام و حينما علمو ان نصف الشعب (( من وجهة نظرهم ))
لا يريدهم حاولو ان يحجبو صوته (( مثل حضرتك )) الان بس هم كان معهم السلطة و مقومات الحجب انما حضرتك مسكين الان لم تكد تسيطر حتي علي معظم الشعب و اذا بك تطالب بحجب النصف
هذا طبعا مثلما اوضحت لحضرتك مرتبط لو انك غير واثق من تمثيل الثوار لاكثر من نصف الشعب
ثالثا:- الخيبه بقي لو حضرتك شايف ان الثورة دي ضعيفة و لا تستطيع الصمود امام غالبية الشعب الذي يؤيد مبارك و الفساد
و طبعا في هذه الحالة ليس لحضرتك ابدا الحق في اسكات معظم الشعب لصالح فئه قليلة
رابعا:- مش عارف حضرتك لو كنت فهمتني في ( اولا و ثانيا و ثالثا )
يبقي مش هقول حاجة في رابعا
انما بقي لو مفهمتنيش في كل اللي انا قلته في( اولا و ثانيا و ثالثا )
يبقي برضه مش هقول حاجة في رابعا علشان انا نفسي لم اعدت القراءة مفهمتش حاجة
تقبل مروري و اوعي تزعل مننا دحنا بنهرج معاك بصفتك اخ لينا في المنتدي و بجد لا تقلق
كل الشعب مع التغيير و كل الشعب يريد الثورة
انما الاختلاف بجد في التطبيق مش المبدأ ( اطمئن )
و اهم حاجة ان حضرتك تدعو معنا للعمل و الاخلاص و طي صفحة الماضي و محاولة النهوض بالبلد من ازمتها
م.حاتم السباعي
حرية الراي من حق كل الناس ... و مش من حقاي حد انه يحجر علي راي حد ....... مع الثورة او ضد الثورة
طالما بيقدم وجهة نظر ..ليها اسبابها و دوافعها بس يكون فيها حد ادني من العقل
يعني مش الثورة حلوه عشان هي حلوه و خلاص
و برضه موضوع بابا مبارك القائد و الكلام ده بقي ماسخ اوي
يعني موضوع رد الجميل ده مش حرية تعبير دي اقل ما يقال عنها انها عدم مراعاة مشاعر اهالي الشهداء ....
يعني عاوز ترد الجميل لمبارك اصبر لما الوضع يستقر و تبان كل الحقايق و يبان ان مبارك مكنش ليه علاقة بكل الفساد اللي في البلد و انه ملوش اي علاقة بالتجاوزات الامنية صدقني كل مصر هتطلع تقولوا احنا اسفن يا ريس
اه طبعا اسفين ان احنا كنا حاطين رئيس جمهورية طرطور
و لو رجعنا لنغمة اه هو مسؤول بس برضه عمل حاجات تانيه كويسه .... معلش دي متشلش دي .... يبقي انت بتطالب مثلا ان اي حد حارب بشرف في اكتوبر يبقي معفي من اي مساءلة قانونية ....
و لو انت مقتنع تماما ان مبارك لوحده مسؤول عن كل حاجة كويسه تبقي برده مقتنع انه لوحده مسؤول عن كل حاجه وحشه لوحده
و لو انت مفتنع انه كان علي راس المنظومه اللي عملت حاحات و حشه و حاجات كويسه .... يبقي مسؤول فقط كونه اساء الاختيار
و كونه راس النظام و فشل في اداء دوره الاهم و هو اختيار عناصر صالحة تدير البلاد يبقي رئيس فاشل
يعني قول رايك بس يكون راي صادر عن اسباب و اراء مقنعه عشان متستفزش حد
أحسن حاجة اننا نسيب كل مؤيد لمبارك و نحفظهم كويس . و السنة اللي جاية زي اليومين دول نجيبهم و نشوف رأيهم ايه في حال البلد بعد المفسد ما مشي . أما اللي كان بياكل عيش من ورا حسني فده أول واحد باعه
أنا من الناس اللي شايفة ان مبارك ليس فوق المحاسبة و يجب التحقيق معه
بس مش معني كده ان لو في واحد شايف ان مبارك خلاص انتهي و مفيش داعي لاهانته يبقي أحجر علي رأيه...لا و كمان عايزه يتوقف.. ايه الافترا ده!!!
وبصراحة ما باحبش النغمة بتاعة أعداء الثورة دي....الي بيقولها بيحسسني انه ساب بيته 18 يوم و كان ليل نهار قاعد في ميدان التحرير و دمر 3 مدرعات شرطة و عينه ضاعت يوم معركة الجمال و الخيول...في ايه يا جماعة بلاش ناس تعيش في الدور و تعمل انها كانت في الصفوف الامامية و من قيادات الثورة
افترض 2 نزلوا يوم 25 و يوم 28 و بعد كده واحد فيهم كمل و فضل يروح ميدان التحرير لحد التنحي و التاني اكتفي يتنازل مبارك لنائبه و شايف ان مفيش داعي لمحاسبة مبارك...يبقي التاني ده مؤيد لمبارك و من أعداء الثورة!!!!
يا جماعة الثورة دي قام بيها الشعب كله مش كل شوية حد يعملها حكر لنفسه و يطالب بمعاقبة غيره