الموضوع: رعشه في الدريكسيون مع الفرامل

اليكم ما حدث:

بمنتهى الاختصار غيرت الطنابير في الضمان لمن لا يحب التفاصيل اما التفاصيل كالاتي:

طلعت انا والمهندس لتجربه السيارة فاكد انها طنابير + تيل

المهم سالته اذا كانت في الضمان قالي لا الطنابير والتيل مش في الضمان

قولتله ازاي طب التيل ماشي انما الطنابير لازم تكون في الضمان قالي لا دي استهلاكيه قولتله لا طبعا

فقالي نسال مهندس الضمان فقالي هي المفروض مش في الضمان بس ها نسال المصنع ولسوء الحظ المصنع كان اجازة عشان فيه مظاهرات ممكن تيجي بكرة يكون المصنع فتح قولتله لا عشان انا ساكن بعيد ما تشوف اي حد تكلمه قالي هاحاول

المهم في هذه الاثناء كلمت احمد مصطفى المنقذ وقالي اكلم مدير الصيانه هناك مهندس محمد عمر وهو راجل محترم وطبعا حكيته القصه قالي فين الرخصه وعمل كام مكالمه كده وفي النهايه جالي مهندس الضمان وقالي هنغير الطنابير بس لكن التيل على حسابي ب 450 جنيه ولو طلع كويس مش هانغيره

المهم غيروا الطنابير والتيل طلع ممكن يركب تاني فركبوه

والحمد لله العربيه تمام دلوقتي

شكرا لاحمد بيه مصطفى لمساعدته لاىنه كان معايا لحظه بلحظه لانه كلم مودرن كمان وقالي لو مارضيوش يغيروا الطنابير هانروح نعملها في مودرن عشان هما قالوا انها في الضمان

وشكرا للمهندس محمد عمر لانه انجز مشكله غلق المصنع وجاب موافقه التغيير

وشكرا لكل الزملاء في المنتدى اللي اهتمه بالمشكله معايا

المشاركة الأصلية كتبت بواسطة egypt0777

ببوظان الطنابير ده مش سؤء استخدام لا حاجة

ده بتبقى عيب فى التصنيع او بتكون عيب تيل

لو عيب تيل --- بيكون ان التيل وحش وناشف و بياكل فى الطنابير و بالتالى فهام عضبن عنهم مش برداهم لازم يغير التيل و الطانبير مع بعض لان ده استهبال

بس للعلم الطانبير ممكن تتخرط عادى جدا ( تشيل طبقة الريجة ) و لازم تغير التيل, ليه لان التيل واخد التعريجة بتاعت الريجة و بالتلى حيبوظ الطنابير الجديدة

انما يقلك ده حاجة استهلاكية ده استعباط -- و كان من المفترض تغير التيل معاها

يعني كده ممكن التيل يبوظ الطنابير تاني؟

اصل هم قالولي التيل كويس ولم يغيروه

وهل كان المفروض التيل يتغير على حسابهم ولا حسابي