أمنا الغولة
ايوه امنا الغولة
فاكرين الحواديت بتاعة زمان لما كانت الجدة الحنونة تقعد تحكيلنا الحواديت زمان قبل النوم
فاكرين حدوتة ست الحسن و امنا الغولة
مش فاكرين
طب انا فاكر
فاكر لما جدتى كانت بتحكيلى و تقولى
و راحت ست الحسن لامنا الغولة
وانا اقاطعها وأقولها جدتى جدتى
فاكرها وهى بتبصلى وتقولى ايوه عايز ايه يا غلباوى
كنت بقولها
يا جدتى مش الغولة هى اللى بتاكل النس و تخوفهم
جدتى: ايوه بالضبط كده يا لمض
انا: امال ازاى نقولها أمنا الغولة
مش الأم دى طيبة وحنونة و بتاخد بالها من عيالها
لسة فاكر جدتى وهى بتبصلى وهى مذهولة و تقولى
يابنى مش عارفة هما حكوهالنا كده
قالولنا فى الحواديت امنا الغولة
تبقى هيا كده امنا الغولة
مينفعش نغيرها
عدت ايام و سنين
وانا كبرت
لكن لسة السؤال فى دماغى ليومنا هذا
هى ليه الغولة بنقولها امنا الغولة
و يا ترى الغول لو حب يعمل حواديت هو كمان
هايبقى اسمه ايه
حد فاهم حاجة
المفضلات