أول مشاركة: أريد شراء سياره أوبل

**modux** · 06-04-2008 12:53 AM

احمد باشا

انا شوفت بقا عربية استرا مسقطه 1800
يا نهااااااااااااار ابيض دي مش عربية دي وحش علي الارض ما شاء الله ربنا يحميها لصاحبها

انا اصلا كنت همزل 1600 مش 1400

بس عشان ال1400 اقل تعديل في العربية لان في عربيات كورسا زي بتاعتي بتنزل استوك 1400

بس ربنا يكرمنا و ننزب فيها 1800 ولا حاجة انتا مش ناوي تسقط ؟؟

**Ahmad Allawy** · 06-04-2008 11:40 AM

الأسترا علي فكرة يا باشا في منها نسخة مش فاكر اسمها ايه.. بتنزل اصلا كده.. بس اللي هي زي الكوبيه..
قريبي اللي كان شغال في التوكيل بيقولي كان في واحد جايبها من المانيا و منزلها هنا. كانوا بيفرحوا قوي لما تروح تتعمل ليها صيانة.. وساقها مرة اتوهم بالسحب المش طبيعي للعربية دي..
انا عن نفسي مش ناوي خالص علي موضوع التسقيط ده ان شاء الله عشان طالما الموتور عندي تمام
واهم من كونه تمام عشان استهلاك البنزين..
ولو نويت اني اسقط موتور او الكلام ده.. ممكن الواحد يزود و يغير العربية اسهل من القلق ده..
الواحد بصراحة مبقاش ليه دماغ للمواضيع دي زي الاول..
وخاصة عشان الشغل بقي كمان.. خد عندك بقي بتاع اسبوعين تلاتة اجازة.. شوف خصم قد ايه..
هي الحمد لله حلوة كده وزي الفل.. طالما ماشية يبقي خلاص..
هو انا لو كنت ناوي م الاول علي تسقيط كنت اشتريت عربية تعبانة او موتورها ضايع عشان العب فيها بقي واظبط نفسي..
وده لا يمنع اني ممكن اعمل الموضوع ده بس كتجارة.. يعني لو لقيت واحدة تعبانة كده في العشرينات.. قشطة القطها واسقط بقي والعب اللعب كله..
في واحدة مظبطها واحد اسمه محمود ديزاين في الحرفيين.. مسقطلها موتور 1800 مش طبيعي,...
بس بيتهيألي العربية دي اتعدل فيها كتير عشان ينفع يركب فيها الموتور ده..
جايباله الولد ده 55 الف ومش راضي يبيع.. بس متظبطة اخر حاجة..

**morabet79** · 08-04-2008 02:06 AM

طيب يا جماعة في أدامي عربيات أوبل فيكترا 91 بدون كماليات

إيه رأيكم فيها؟ أحسن من الكورسا 97 مثلاً؟

**Ahmad Allawy** · 08-04-2008 09:55 AM

شوف يا باشا.. المقارنة صعبة شويتين..
أولا لو انت لوحدك او لسة اسرة صغيرة.. يبقي انت مش مضطر قوي للفكترا دي..
ثانيا.. لو انت عندك استعداد تصرف كتير علي العربية.. يبقي عادي ممكن تشوفها الفكترا..
لكن لو انت مش عايز تصرف كتير.. الكورسا اختيار مثالي.. لأن فعلا قطع غيارها تعتبر رخيصة الي حد كبير.. وارخص من الفكترا..و مشكلة موديل 91 دي هتبقي قديمة شويتين .. هتبقي ماشية كتير.. و سيبك من موضوع ماشية كتير عشان مش بيفرق قوي مع الاوبل و الالماني عموما.. بس قطع غيارها اكيد مش هتكون متوفرة زي الفكترا اللي بعد 94 و اكيد اكيد اقل بكتير من الكورسا..
بيتهيألي ان الخلاصة.. لو بتقارن بينها وبين كورسا 97 يبقي الكورسا افضل بكتير..
لو انت عايز فكترا.. يبقي تضوف بقي حاجة 94 او اعلي من كده.. لكن متقلش عن ال94 دي عشان تعرف ترقي قطع غيارها من غير ما تتعبك.
وربنا يوفقك في الاختيار ان شاء الله..

**Ahmad Allawy** · 08-04-2008 09:57 AM

الكماليات دي مش هتفرق.. يعني الكورسا ال97 مفيهاش تكييف ولا باور..
كل اللي فيها فتحة سقف.. و مرايات كهربا..و زجاج كهربا امامي و سنتر لوك..
وانا مش شايف ان دي كماليات قوي يعني.. يعني هو الزجاج بس..

**hazem_khidr** · 08-04-2008 10:09 AM

طيب يا جماعة في أدامي عربيات أوبل فيكترا 91 بدون كماليات

إيه رأيكم فيها؟ أحسن من الكورسا 97 مثلاً؟

يبقي زي ما اخونا احمد قالك خليك في الكرسا موديل اعلي وقطع غيار و بنزين اقل
الفيكترا سوقها في النازل:(

**volcano12** · 13-04-2008 03:02 AM

el motor el 1600 dah beta3 el corsa B GSI ely heya el sport edition :) beta3et sanatha

and i saw on the facebook the one which got the 1800 cc, it look fabulous when they were testing it.....

**m_marmoush** · 13-04-2008 10:18 AM

أنا ببيع عربيتى و ممكن تشوفها على اللينك دة
http://www.nilemotors.net/Nile/showthread.php?t=20586

وللأمانه حالتها نمره واحد زى ماحتشوف فالصور

**Mustafa_Farouk** · 14-04-2008 11:39 AM

المشاركة الأصلية كتبت بواسطة morabet79

السلام عليكم

هذه أول مشاركة لي ، ليس ليس خبرة في مجال السيارات وأريد شراء سيارة لأول مرة

وأريد أن أشتري سيارة أوبل

وجد أن أسعار الكورسا معقولة بالمقارنة بال فيكترا

سؤالي : هل توجد كورسا 99 أو 2000 بموتور 1400cc أو 1300cc ؟؟

وهل هناك مشاكل بالنسبة للكورسا 99 / 2000 ؟

i saw yestarday in 6 October Bridge, there's a guy wants to sell his Opel Corsa 2000 and his mobile number is: 0122137403

you call him and check about his car

Mabrouk and Welcome Home :)

**modey_qa** · 14-04-2008 11:40 AM

السلام عليكم يا شباب معروض عليا عربيه اوبل كورسا موديل 95 وفيها فتحة سقف وتكيف ومطلوب فيها 37 الف بس بصراحه مش عارف كده كويس عليها ولا كتير ؟؟؟
وحاجه تانيه طب اوبل كورسا احسن ولا سكودا فلشيا بما ان الااتنين تقريبا في نفس السعر
وانهي فيهم احسن في اعدة البيع؟؟
معلش يا شباب ولو فيها ازعاج بس بصراحه اصل صاحبكم مالوش اوي في العربيات عموما وفي الالماني خصوصا

الموضوع: أول مشاركة: أريد شراء سياره أوبل

LinkBack

أدوات الموضوع

عرض

-

-

-

-

المواضيع المتشابهه

أريد شراء سياره

أريد شراء أوبل فيكترا 1995

أريد شراء أوبل فكترا (حالة ممتازة)

أريد شراء سياره

أريد شراء سياره

الكلمات الدلالية لهذا الموضوع

المفضلات

المفضلات

ضوابط المشاركة